ماني فاهمة والو... وش صرا ....وش كاين علاش شهاب راه يديرلي هكا ... عينيا تعمرو بدموع تحطمت خلاص لدرجة مقدرت ندير والو تبلوكيت صافيك كون مشي دانيال كون راه ضربني دكا ... ثاعدة نخزر فيهم حتى نشوف شهاب نحا يد دانيال بلعنف و راح للبيرو تاعو خبط يه حسيت لرض تزعزعت و قاع كانو ساكتين هداك الصمت القاتل ... و انا و دانيال ما فاهمين في جدها والو و انا قلبي بدا يخبط ....حبطت راسي شفت هادوك التصاور ....وااااااات هادي مشي تصويرتي انا و خويا ؟؟
فتحت المحفظة تاعي قاعدة نحوس فيها وين راهي مصبتهاش ... بلاك طاحتلي كي طحت فلرض ... رحت طابست و رفدتها و برك جيت حا نردها حتى نشوف نشوف شهاب ضربني في يدي برجلو و كاحتلي فلرض... يدي قريب تكسرت انا غمضت عينيا تالمون وجعتني مكنتش حابة نبكي...
نضت بسيف و قاعدة نخزر فيه برك حتى نشوف دانيال راح يجري ليه و عطاه بونية لوجهو شهاب طاح فلرض و بدا يضحك الضحك الهستيري تع لمهابل لي كانت انا مخوفتني ... بعد ما كمل ناض و راح للبيرو تاعو خبط خبطة فيه انا قريب بلت تحتي ملخوف ممبعد دار و بهديك الابتسامة تع السخرية دانيال برك شافو هكاك راح يجري عندو شدو من شوميز تاعو و بدا يعيط
دانيال : شبي ججججدك مكفاش وش درتلها ...
أسيل : خلاص دانيال خلينا
برك قلت هكاك دانيال طلقو و انا عاودت حبطت نجيب التصويرة حتى نشوف شهاب شدني متريكو تاعي و بدا يعيط
شهاب : مكفاااش مكفاش وش درتي زيد راكي تدي فيهم نورمال
أسيل : علاش وش درت هادي تصويرتي انا و خويا و حبيت نديها
شهاب : ههههههههههههه تصويرتك نتي وخوك؟؟
أسيل : ا...ي...ه
شهاب : هادي هي ههههه لي ميحشمش يبقا ميحشمش و يا لوكان تتلاقا لرض و سماء
مزلت ماني فاهمة والو بصح الزبل راه يطلع بشوية يزيد يغلط نخبطو
أسيل : شهاب احترم نفسك و اعرف شاراك تخرج من فمك
شهاب : ههههههههه شوف شكون راه يهدر اييه يا دنيا وصل الزمان ولاو الخامجين لي مرباوهمش والديهم يهدرو عالاحترام هههههه
كان يهدر بطريقة اهانة و استهزاء و ملفوق يزيد يضحك ملفوق والله كملت لتم كيما كنت نضت و عينيا معمرين بدموع رحت عندو شديتو مشوميز ديالو خزرت فيه بتحدي
اسيل : هدرت معاك و نتا مقبلتش تحتارم نفسك و زدت كثرت هدرة ...
شهاب : هههههههههه وش راح تدير ايه خداعة و كدابة نقولها و نعاودها
اانا لتم بلا اي تفكير كلعت يدي و عطيتو بكف كيما تع لهنودا بيان سوغ *لاك مش عايزة كلام دي*
وجهو دار للكوتي ضربتو بكل ماعندي و دار يدو على وجهو و بدا يضحك هو برك بدا يضحك هكاك انا كنت رفدت صاكي و جيت خارجة مشي خوفا منو لا لخطرش كون نقعد كابابل نقتلو نورمال انا برك جيت خارجة و نسمع كاميليا تعيط
أنت تقرأ
🍥رفقا على قلبي 🍥 [باللهجة الجزائرية ]
Romanceكنتُ أعلمُ أننيّ ، سأصلُ إلى هذه، ِ المرحلة ، أن ينطفىءَ قلبيّ وأن تبردُ روحيَّ إلى الحدِ الذيّ لم تعدُ هذهِ الأرضُ برمتِها تعنينِي مُطلقاً .... لكن لم اكن اعلم انكي ستأتين لتغيري روحي و حياتي و قواعدي ....لقد ااعدتي احياء قلبي الميت ملاحظة : الرواي...
![🍥رفقا على قلبي 🍥 [باللهجة الجزائرية ]](https://img.wattpad.com/cover/151808366-64-k2180.jpg)