*******لأسيل تحكي******
قابلت رانيا لي كانت واقفة و تخزر فيا و باين كانت مقلقة مسكينة حست بلي راح نقللها قنبلة ياربيي سلكني رحت عندها
رانية : ياربيييي نقتل روحي وش هاد الزهر لي عندنا تع الزززمر
اسيل : يايما خوفتيني وشبيك؟؟
رانية : زدت سقسيت ليوم ... قالك مكان حتى طيارة لدزاير وشنو هاد ؟؟؟؟؟ رام يتمسخرو بينا ولا صح زهرنا مرنك
أسيل : بصح كيفاش مكاش طيارة لدزاير سي با نوغمال
كنت نهدر زعما تع تساؤل و انا في قلبي الحمدالله نشالله متجيش حتى نكمل خدمتي بصح والله صح سي بيزاغ يادرة و لتم و في هاديك الدقيقة ندمت عالدقيقة لي قررت نرجع فيها للدار رانية بدات تحكي و تحكي و تحكييييييي مبغاتش قاع تستك و انا لازم نقعد نسمعها سينون تحكم الموس تدبحني نورمال بعد نص ساعة ايه نص ساعة رانية تقدر تهدرلك زوج سوايع مور بعضاهم بلا اي راحة نورمل صافيك كي هدرت نص ساعة برك فرحت مهم برك سكتت قتلها
أسيل : حتى هداك شهاب مقبيل هددني *حكيتلها كلش* صافيك لازم علينا نقعدو هنا تا نكمل بصح متخافيش انا رح نولي نخدم نهار كامل و نجي هنا تعاونيني بلمونتاج و اصلا مبقاليش بزاف شوية برك لحظات و لازم نصور فيديو تع الوداع و خلاص سمانة و نكمل راني متاكدة
رانية : *كلام فاحش* الحيوان متبدلش مزالو كلب
أسيل : علاه تعرفيه مقبل باه تقوزلي متبدلش .؟؟
رانية : اه... ممم..نن..نو نو قصدي يعني قلت
أسيل : ااوه رانية هدري كي ناس
رانية : ايه ايه هههه قصدي كي دار هدوك الاشاعات و دارلك مشاكل قلت تسقم
أسيل : ايييه يمال علاه توترتي قاع هكا
رانية: *تحاول تبدل موضوع* ايييه علاش راكي بلبيض و لفرينة
أسيل : اييييييييييييييه مقتلكش
رانية : وش صرا تان
اسيل : *حكاتلها علبقرات هدوك* قتلك كون مشي شهاب لوكان راني فجرتها ههههههههههههه بصح تيماجيني مشيت بهاد لحالة قاع طريق ناس قاع تخزر فيا
رانية : اااه ربي متت هههههههههههههههههه كون غير كنت لتم ندفنهم و هما حيين
اسيل : حمداله لي راحو
رانية : وي صح
رحت دوشت و جاز النهار هداك عادي و انا قاعدة غير نخمم فوش صرا ليوم و انا منيش حابة نخمم قاع ولا نكسر راسي راني حابة برك نكمل لخدمة دي تع لهم و نرجع لدزاير و قاعدة نصبر روحي بلي بهاد لخدمة راح نترفى بزاف فخدمتي و هاد لفرصة كيما قتلكم مقبل مجيش كل يوم صافيك نصبر و نبلع فمي.... جا الليل و رقدت بكري لانو عبالي راه يستنا فيا نهار طويل بزاف ...
أنت تقرأ
🍥رفقا على قلبي 🍥 [باللهجة الجزائرية ]
Romantizmكنتُ أعلمُ أننيّ ، سأصلُ إلى هذه، ِ المرحلة ، أن ينطفىءَ قلبيّ وأن تبردُ روحيَّ إلى الحدِ الذيّ لم تعدُ هذهِ الأرضُ برمتِها تعنينِي مُطلقاً .... لكن لم اكن اعلم انكي ستأتين لتغيري روحي و حياتي و قواعدي ....لقد ااعدتي احياء قلبي الميت ملاحظة : الرواي...
![🍥رفقا على قلبي 🍥 [باللهجة الجزائرية ]](https://img.wattpad.com/cover/151808366-64-k2180.jpg)