🍥رفقا على قلبي 🍥 [باللهجة الجزائرية ]

🐢بارت 01🐢

أسيل تحكي

جميلة : انا ولدي ... قاري و شباب الله يبارك و عمرو ما خالط البنات ربيتو تربية ماشاء الله ميخرجش مالدار حتى يسقسيني اييه و كيما عبالكم انا وليدي عندو شهادة فالانفوغماتيك اييييه بنات دزاير قاع يتمناوه يااو يجو حتى باب الدار يحللو فيا باه يخطبوه

أسيل : وشنوو؟؟ بنات يخطبو

جميلة : امم... احم احم وويي بيان سور علا كاش ما خصو ولدي

أسيل : لا لا بعيد الشر شوفي الله يبارك خمسة في عينينا و السادس يعمينا

جميلة : اييه بيان سور الله يبارك عليه ربي يخليهولي

رانية : ااايييه مام بنتنا ما خصها والو شوفي الزين شوفييييي و القراية الله يبارك

انا لتماك بديت نعرض في كتافي و نزيد

جميلة : ااييه اممم المفييد... جيناكم بالحسب و النسب نخطلو بنتكم اسيل لوليدنا سيسو

أسيل : اااه سيسو *بتحراش*

جميلة : علاه وشبيه معجبكش اسم وليددييي

أسيل : لا لا بعيد الششر حاشا طاطا خموس عليه كيما قتلك سيسسوو ولييدك

جميلة : اييه بون وش قلتي ..

أسيل : احم احم انا منقدرش نرد دكا لازم نخمم بصح نعيطلك فأقرب وقت و نقلك

جميلة : مممم صحا ... ايا حنا نروحو راه جا الوقت تاع لاسياست تاع سيسوووو... سيسوو امشي قدامي

أسيل : ااييه لاسياست ... اييه روحو تبقاو علاخير

و شدت وليدها من يدو كلي طفل صغير و راحت ياربيييييي منين يجوني هاد العباد .... عبالي مراكو فاهمين والو بصح دك نفهمكم .... غير كيما رحنا انا و رانية لعرس جارتنا و شافني لتم سيسوو كيما تقول هي و السيد هبل عليا و هي هبلت رانية و بيان سوغ الرخيصة رانية وراتلها الدار و جاو يخطبو يااارب شحال نكره عباد هكا حاسبين روحهم ميدخلوش للتوالات حشاكم ايا برك راحو درت لرانية خزرت فيها خزرة قريب بالت تحتها

أسيل : حمبوووك هادو عباد تجيبيهملنا هناا

رانية : الله غالب ياو هبلتني كلاتلي راسي هي و سيسو تاعها

أسيل : ياربيي قريب قتلتها و هداك وليدها مهدر والو بهلول ... خلي خلي نشوفو شا جابو

فتحت الباطا هديك صبت باتيسري تع شوكولا ابابابابا طلت على قلبي دي لمراة نعشق الشوكولا.... رانية راحت تجري جابت مغرفة و بدينا ناكلو كي الحيوانات تع غابة الامازون و نضاربو عليها .... بعد ما كملنا و شبعت يايمااا شحال بنينة والله حمدالله صلحت فهاد العفسة ايا برك كملت حكمت التلفون تع رانية و عيطت لطاطا جميلة يمات سيسو الله يحفظووو و الله يبارك عليها ريبوندات بزرية