🍥رفقا على قلبي 🍥 [باللهجة الجزائرية ]

💙بارت 13 💙

ديمارينا و برك ديمارينا انا رقدت كون منرقدش نقعد غير نخمم و ان منيش حابة نخمم بزاف....

*عند الوصول*

وصلنا نوضتني رانية انا طلعت ديراكت نرقد و رانية خرجت كانت جوياه الوحدة لماكلة و مقدرتش ناكل

مهم رانية راحت باه تشري لبييي تع طيارة و تفري لكوارط و كدا حلفت ما تزيد دقيقة و هي اصلا كملت خدمتها هنا

ودعتها و كيما قتلكم غطيت في الاحلام الحمدالله منيش من هداك نوع لي كي يزعفو ميقدروش يرقدو انا بكل حالاتي ندير السبات

......

كي نضت كانت الساعة الخمسة رحت للكوزينة ديراكت خلاص مقدرتش نصبر كثر كرشي قبل كلشي دخلت صبت رانية قاعدة و كاس مرمي فلرض مكسر قاع و وراقي مزربعين فوق طابلة يا الاهي خفت نهدر معاها تقتلني صافيك رحت قليت حبة بيض و هي مزالها قاعدة و دايرة يدها على جبهتها كملت رحت قعدت قدامها و بديت ناكل و تشعت خكيت معاها

اسيل : وش صرا؟؟؟

رانية : اااااااااااااااااااااااااااااااااه

اسيل : ااااااااه ودني قتلتيني غمة نشالله

و لتم بدات تهدر بلعياط و تخبط حسيتها راح تدمر كوكب الارض

رانية : ياااازح كون قعدنا فجد بابات دزاير مشي خيييير قسامك قالك قاع الاماكن محجوزة تع طيارة دزاااير

اسيل : وشنوووووووووووووووو

رانية : لازم نزيدو نستنو يومين وحدوخرين

اسيل : معليش مافيها والو اصلا نزيدو نحوسو انا و نتي

قلت هكاك فوق قلبي باه برك تتكالما

رانية : *كلام فاحش بزاف* واااش نقعد هنا

اسيل : خلاااااص كالمي روحك يابنتي و اصلا مزال عندنا دراهم خلاص خلاص

رانية : ااه دك وليتي مليحة يعني

اسيل : بيان سوغ باغسك كليت هيهي

رانية : روحي ينعل ******

اسيل : خلاص خلاص والله

كلميت رانية بسييف و كان لازم عليا هاد شي مالقري انا تان كنت حتا نطرطرق بصح وش ندير لازم كيما قتلكم

جاز هداك نهار سامط تعشينا بكري و عاودنا رقدنا و رانية مكانتش قاع مليحة فوق زيادة حتى انا حرت علاش راهي قاع هكا.. انا لي صراتلي لحكاية و منيش زعفانة لهاد درجة

*في الصباح*

نضت جوايه التسعة رحت طيب قهوة ممبعد نوضت رانيا و قعدنا نحكيو و نشربو

رانية : لازم نزيد نروح لليوم باه نشوف على طيارة

اسيل : ايه روحي