🍥رفقا على قلبي 🍥 [باللهجة الجزائرية ]

💎بارت14💎

**********اسيل تحكي********

بعدما كبت فدروج و حبطت قاع هدوك ليزيتاج اخيرا وصلت و برك وصلت للتحت رانية بعتتلي ميساج قاعدة نردلها .... و انا نمشي وصلت للباب جيت خارجة بصح برك خرجت و نحس بعفسة تتكسر على راسي درت يدي على شعري و و شفت في يدي و نصيب لبيض... طلعت راسي نصيب جماعة تع بنات واقفين و يضاربو مع لخراس باه يدخلو الشركة و هما غر يحبسو فيهم و كل وحد فيهم لابسة تريكو فيه تصويرة شهاب هاديك دقيقة طرطقت بالضحكة تاعي الجميلة بلا ما نفيق .... ايه الله غالب حيوانة انا

أسيل : واااااااااااهاهاهاهاهاهاهاهاهاهاهاها

انا برك ضحكت هكاك كي هادوك لبنات كي الحراس حبسو دقيقة صمت و قعدو يخزرو فيا ممبعد واحد البقرة قاتلهم بكل حماس و كره

البقرة : ياااااااااا راي تضحك البنات اقتلوها

و انا هكاك حتى تعاود تنوض لحرب مع الحراس و نشوف حبة بيض تكسرت في تريكو تاعي لي نهار شريتو كان سولد 500 و ضاربت مع قاع لشعب و خديت طريحة لكلاب باه صحلي

و لتم ظهر الحيوان الحقيقي لي داخلي ... الحيوان المتوحش... علي علي بطل فليد هيا هيا غراندأسيل *زعما غراندايزر خخ* شفت فلرض صبت بلوكة قد لحملاوي *حجرة* بلا اي تفكير حبطت رفدتها و برك طلعت حتى نشوف زادو تيراو عليا الفرينة و طوماطيش لالا زيدو دخلوني فلفرن و تهناو شعري قاع ترنكحكمت ديك لحجرة مليح و شفت مليح فهديك البقرة لي باين هي لي حرشتهم فيزيت على راسها و اااااااااااااااااااع جيت حا نفجرها جيت حا نرتاكب جريمة حتى نحس واحد شدني من يدي و جبدني

اسيل : يالحيوااان *بصراخ*

و تقابلو عينيا مع عينيه صبت شهاب و اقف و يخزر فيا مشوكي حتى ينطقو دوك لبنات احم قصدي بقرات و بداو يعيطو و يقولو اااه شهاب شهاب و يندبو انا خلعت مع لبوزيسيون لي كنا فيها هاجو انا لتم عرفت بلي هادو لي فان تع مستر شهاب و كي شافو وش صرا عرفو بلي انا وعما حبيبته و دك رام حايبين يرتاكبو فيا جريمة... كانت باينة تكمل كيما هاااك *تحية لي غناها بلحن*

شهاب :  راكي حابة تدخلي للحبس

انا شنفت و مرديتش عليه و طلقت لحجرة هاديك من يدي و بديت نسيي نبعد عليه و هو مكانش شايدني مليح صافيك قدرت نهربله بصح في غضون ثانية عاود كمني و هاد لخطرة زير عليا و فتح باب الشركة و جينا داخلين و قبل ما يدخل قال

شهاب : عندكم عشر دقايق نسمع صوتهم راكو قاع مطرودين

هادوك الخراس رجعو صفورة مساكن... اما حنا دخلنا داخل الشركة و خلينا هدوك المتوحشات

و بدا مستر شهاب كيما لعادة يكركر فيا كي لعادة

اسيل : وشبيييييك

شهاب :....

اسيل : معليش تخطيني ؟؟

شهاب :...