🍥رفقا على قلبي 🍥 [باللهجة الجزائرية ]

📷بارت 12 📷

و رحت عند هداك النادل حكمتو من يدو تقوشي يماه و رحنا لدار شهاب بديت ندقدق كي الارهابيين

اسيل : اييي افتح لباب *بصراااخ*

ستنيت زوج قرون باش فتحها و برك فتحها صبتو هو و دانيال و كاميليا ...

******** شهاب يحكي***********

قبل ما نعتارف لاسيل خممت مليح و شفت بلي هدا افضل حل باش نحميها من ماكس اصلا برك شافها شفت نظراتو ليها كانت متبشرش بلخير و اصلا برك كملنا لخطاب تاعنا و حنا لتهينا سمعتو يهدر ي تلفون و هدر عليها حب يدخلها في لخماج تاعو ... و انا عبالي بلي هو يخاف مني علابيها درت هكاك هداك انسب حل باش نحميها و فنفس لوقت باه نبين لكاميليا بلي انا نحبها باش ما تشكش بلي راني عارف قاع خرايبها...

كلشي كان على سيطرتي حتى نشوف هداك النادل الحمااار طاح على اسيل حبيت نقتلو فهاديك الدقيقة و شحال قلقوني الصحافة كي دارو بيها .. جيت رح ندخل روحي حتى نشوفها عطات واحد فيهم طريحة لكلاب ايه كيما موالف قادرة على شقاهابصح شفتها كي خرجت كانت زعفانة و منيرفيا و بهديك الروبا و كانت شابة والله يصيبها واحد فالطريق يغتاصبها نورمال... رخت تسرسبت و تبعتها طريق كامل و هي غايضتني .. و برك طاحت ستنيت شوية حتى شفت بلي لحالة فارصة رحت ليها كنت نستنا نصيبها تبكي بصح خلعت كي صبتها نورمال بصح كانت في حالة يرثى لها....عنيدة بزاف هاد طفلة ههههه مثيرة للاهتمام

اييه حتى جا الامير تاعها دانيال و راحو كيف كيف...

*في الصباح*

نضت بكري كيما عادتي بدلت حوايجي درت قهوتي و قعدت حتى نسمع تدقديق فتحت لباب صبتو دانيال و كان مشنف و وجهو ميعجبش

شهاب : ادخل

دانيال : جاك عليها

شهاب : ادخل منحكوش برا

دخل و راح قعد ...رحت قعدت قدامو

دانيال : علااااش درت هكاك ؟؟ عبالك دك وش راح يصرالها ؟؟ راك دمرت حياتها

شهاب : راني نحمي فيها

دانيال : مكاش طريقة وحدوخر با ش تحميها

شهاب : ايه مكاش

دانيال : و مخممتش دك وش راح يصرالها ؟؟

شهاب : سي خممت

دانيال : شهاب متقلقنيييش

شهاب : وش حبيتني ندير نخليهالو يدخلها فلعبو و خلاص ؟ *بصراخ*

لتم دانيال خبط راسو و سكت مدة ممبعد قالي

دانيال : و الحل دك وش نديرو مع الصحافة و قاع وش تنشر؟؟

شهاب : كيما لعادة نتجاهلوهم

دانيال : بصح هاد لمرة مراهومش علينا مستر شهاب رام على اسيل تان مخفتش يقاطعوها فطريق ولا كي نرجعو هي ممبعد وش تدير؟؟