Unsent

unsent 11

Isang taon na mula nang una kitang nakita at nakilala.

Ngunit hindi kita masyadong nakasama.

Mayroon ka kasing sariling grupo ng kaibigan,

at ako nama'y meron ding ibang mga kasa-kasama

Noon, hindi kita masyadong pinagtutuunan ng pansin

Ang alam ko lang ay ika'y mabait, palakaibigan, at napaka-masayahin

Ni minsan, di ko naisipang titigan ang iyong mata

at tingnan kung may mga itinatago ba itong kalungkutan

oo

minsan, nababasa ko ang buhay mo

o ang nararamdaman mo

ngunit alam kong kung ihahalintulad ito sa karagatan,

ang nakikita ko lamang ay ang mga mabababaw na parte ng pagkatao mo

at kung pipilitin ko mang languyin ang malalalim na parte,

sa tingin ko'y hindi ko na masisilayan pa

ang bukas, na ipagkakait mo

dahil hihilain lang ako pailalim nang pailalim ng iyong karagatan

hanggang sa ako'y malunod na saiyo.

At ngayong nabigyan uli ako ng oportunidad upang makasama ka

unti-unti na din kitang nakikilala

at ang iyong mga mata'y minsan ko nang tinititigan

hanggang sa makita ko ang tinatago ng mga itong kadiliman

at sa bawat araw o segundo manlang na nakakapiling ka,

ako'y paulit ulit mong hinihila

pailalim

nang

pailalim

hanggang sa

ako'y nalunod na

at hindi na maka-ahon pa.