كل فتاة تولد التقابل الشخص المقدر لها ....!!
شعور حلو وكلش حلوو اني وحبيب عمري كاعدين والسيد جاي حتى يعقد القرآن بينه واني اباوع بعيون حبيبي ..لحد ما صحيت على نفسي وصوت بابا وهو يكول يلا ميسم تأخرتي...
اني ميسم عمري 17سنة من العراق ماما توفت من جنت صغيرة كلش واني وحبيبي بابا عايشين بوحدنا عائلة صغيرة وحلوة بابا صاحب مطعم مو كلش كبير واني أدرس بالصف السادس إعدادي مدرسة**** المختلطة
...................
اني احمد طالب سادس إعدادي عايش مع امي وابي واخويه الصغير «سيف» يحاول يشبهني بكل شي حتى برودة الأعصاب واللامبالاة ..
ميسم...
اليوم كلش مهم بالنسبة إلي لان بداية سنة جديدة من الدراسة وسنة أخرى من حبي لأحمد يمكن هوه مايعرفني كلش لان احنه بسبب قانون المدرسة قسموا الشعب الى «أ.ب.ج.د....» احمد يدرس بالشعبة أ واني بالشعبة د
وأخيرا راح اتشجع اليوم واعترف لأحمد بحبي يلي صار سنتين محبوس بكلبي المهم رحت المدرسة وشفت سارة ولمى صديقات طفولتي كلش مشتاقتلهم وضحت وبوس وهاي سوالف البنات وفجاءة شفت احمد ذا يمشي ويه صديقه نادر وااااااي طالع كلش يخبل وهاي السنه صاير بعد احلى بعد الاصطفاف ذا أدور عليه وشفته اتشجعت وهذا التوتر إلي لازمني من البارحة المهم
ميسم:بس ممكن احجي معاك لحظة
احمد:لا
ميسم:لعد بس بس ...اتفضل هاي ..أعطيته الرساله ..اخذهه
احمد :هاي رسالة حب صح ما أريده
وراح يمشي ويه نادر وعلى عبالك هوه كسر قلبي أو حتى جان يحجي وياي هوه معروف بدمه البارد وهدؤه وجماله اني بس بقيت واكفة مكاني ما اعرف شنو الصار اني من صدك اعترفتله هسه يلا هيج أشياء أطلع من وحدة غبية مثلي المهم الطلاب ما صدقوا على الله وانتشرت الأخبار بكل المدرسة بسرعة إجت لمى
لمى:ميسم كوليلي انو يلي سمعتو كذب مو
ميسم:لا لمى مو كذب اني اعترفتله
سارة:لا لا لا ما أقبل اصدك
ميسم: لا والله صدكي يعني قابل ما تعرفون انو اني غبية
لمى :حبي ولج مو هذا قصدنا بس أشك انو احمد إنسان ولج هذا قطعة مالت ثلج...
سارة:بي والله أشك انو اكو دم يمشي بجسمه ولج اني بس اباوع عليه أخاف
ميسم: على كيفكم بي مو لهاي الدرجة يمكن مو مثل ما يتصورون وبعدين اني احبه من زمان ...
لمى: شنو من إيمت ولج وما حجيتي
سارة:لا وانوب تدافعين عنه ولج احنه ما نريد بس مصلحتج
ميسم :ي والله شنو مصلحتي
لمى: انسي ..
ميسم: مستحيل ...مستحيل انساه ولكم هذا عايش بكلبي احبه اكثر من نفسي ما اكدر اسوي هيج
لمى :اوكي براحتك
سارة : بنات راح نتعارك بسبب هذا البارد بس ...مادام تحبي لهاي الدرجة راح اساعدج بأي شي
لمى :ي صح واني هم
ميسم:فديتكم
بالطريق الرجعة إجه محمد وسلم علينه اني اعتبره صديق بس هوه يعتبرني غير شي هواي يكولي احبج اني اصدكة بس اني احب احمد ومستحيل احب غيره ويمكن محمد عرف بهذا الشي بس ما يحب يزعجني بي يكفي الكلام إلي سمعته من الطالبات حجينه عن هواي شغلات وقررنا انو اليوم يجون على بيتي الجديد طبعا إحنا ننتقل كل فترة لان ببيت أجار بس ماجنت اعرف انو هاي الليلة راح تغير حياتي ......👑
❤❤🌼🌼
أنت تقرأ
قبلة ميسم|مكتملة|；
Romanceتغني حروفي وترقص فرحاً بك أيها القادم من الخيال .. من أنت ؟؟ هل انت حقا قدَري ام حلمي الذي آن له ان يتحقق.... أحبك..قادمة من قلب نبض لك كل يوم...أحبك بكل ما فيه .... أحبك يا هلاكي
