هيه تحب واحد وياهه بالكلية واني ارفض زواج المصلحة اتصلت بس مارديت عليهه نعسان بعدين حسيت بالعطش ونزلت اشرب مي شفتهه نايمة مبين تعبانة وسيف نايم بحضنهه عبالك ابنه وشكلهه وهيه نايمه طفلة بس بجسم جبير جان شويه من صدره طالع غطيته وضحكت عليهه جانت تردد بأسمي وهيه نايمة لهاي الدرجة تحبني اوووف ياربي صبرني عليهه ...
ثاني يوم كعدت ميسم من الصبح عبالهه دوام وتركض بالبيت ضحكت على تصرفهه جانت عبالك طفلة وامي كامت تضحك عليهه صار هواية ما شايف امي تضحك هيج اشتغلت مع امي بالبيت عبالك بيت اهلهه مو متكبرة مثل ما يبين على شكلهه شخصيته قوية وبنفس الوقت بريئة وكيوت بس لا بديت احبه لا لا لا اني ما احبه ...بعدين استغليت الفرصة ورحنا للمستشفى انتظر بيهه تحجي واخيرا نطقت بس همين مشكلة شنو هاي البنت بدأت تحجي عليه واني بداخلي اضحك عليه ولمن كالت سيد عبقري ما تحملت وطلعت ضحكتي وبس هيه كامت تبجي ما توقعت احنه مهمين بالنسبة إله لهاي الدرجة والمشكلة هيه تتأثر بالحجي بسرعة بعدين سألتني عن رغدة وما عرفت اشلون اجاوبه اذا اكول احبه تبجي بالزايد واذا اكول لا تفهمني غير قصد حاولت اغير الموضوع بس ما تنطي مجال ....
احمد: لا ما احبهه
ميسم:صدك
احمد:بس من تصير زوجتي راح احبهه
ميسم:اهاا المهم هسه متحبه
فرحت لمن احمد كال ما احبه يعني امو امل ليه بقلبه
رحنه للمستشفى وصعدنه على غرفة بابا وجان ماكو بالغرفة توسعت عيوني حيل ولزمت يد احمد بدون شعور ...
ميسم بخوف:احمد ....با...بابا...وين ....... واني اتنفس بصعوبة...
رحنا سألنا الدكتور وكال اخذنا على غرفة العناية المركزة حالته صارت خطرة كلش رحنا للغرفة وما يسمحون لأحد يدخل بقيت ابجي يم الباب واحمد يمي ويهدأ بيه
بعدين احمد كال يله نرجع للبيت ورجعنا وكل الطريق اني ضايجة وما احجي وصلنا ين الباب ....
احمد:ميسم
ميسم:هاا
احمد:لتحجين لأهلي على حالة ابوج اليوم ينقهرون وصار هواي ما شايفهم يضحكون
ميسم:اسفة ... سببتلكم هواي مشاكل وتعبتكم ويانه
احمد:ميسم لا تحجين هيج انتي وحده من اهل بيتنه وان شاء الله ما نقصر وياج ...
حضنته بسرعة زادت تبجي موتتني هاي البنت بس تبجي بس احب بجيهه تبين بريئة وطفلة ....👑
🌸💞🌸❤❤
أنت تقرأ
قبلة ميسم|مكتملة|；
Romanceتغني حروفي وترقص فرحاً بك أيها القادم من الخيال .. من أنت ؟؟ هل انت حقا قدَري ام حلمي الذي آن له ان يتحقق.... أحبك..قادمة من قلب نبض لك كل يوم...أحبك بكل ما فيه .... أحبك يا هلاكي
