رجعنا اني ومحمد رحت حتى انام بس اليوم رغم كل القهر والوجع بقلبي ما بجيت يمكن لان بجيت بحضن محمد ..ابتسمت لمن تذكرت شكلي بحظنه هه
رحت للجامعة وجانو البنات "غياب" يعني شنو متفقات يغيبون سوية ..
جنت كاعدة وحدي بالكافتريا واجه احمد ....
احمد:السلام عليكم
ميسم:وعليكم السلام
احمد:يصير اكعد وله تنتظرين احد
ميسم:لا عادي ما انتظر احد البنات غياب
استغربت من تصرفه وجاي انتظر إيمت اللحظة إلي يكسر بيهه قلبي
احمد:اخبار بيتكم الجديد مرتاحين بي
ميسم:يي الحمد لله خوش مسكن
احمد:عمي اخباره اشلون الشغل
ميسم:الحمد لله بس لان ما عنده احد يساعده شوية بده يتعب هاي الايام
احمد:الله يساعده انتي اشلون دراستج
ميسم:مدبرته واذا احتاج شي محمد يساعدني
احمد:هممم اريد اسألج عادي
ميسم:يي اتفضل عادي
احمد:شفتي "رغده" البارحة شنو رأيج بيها
ميسم:وليش تريد رأيي يهمك يعني
احمد:يعني انتو بنات تعرفون بهاي السوالف..
ميسم:والله الصراحة هيه خوش بنت وحبابة كلش وحلوة ومثقفة مبين من حجيهه ...
بس انت صدك راح تخطبهه
احمد :يي علمود الشركة والاتفاق بين ابويه وابوهه
ميسم:بقيت بس صافنه وعيونه مفتوحة
يعني انت من صدك راح تأخذ وحده ما تحبهه بس علمود الشركات ..احمد انت درست مجال ما تريده علمود شركات ابوك ولحد هسه اني ادري بيك ما إلك رغبه بهاي الدراسة وراح تزوج وحده ما تحبهه وتكمل معاها حياتك كله علمود الشركات... تره انت هواي جاي تظعط على نفسك وميصير هيج اكيد انت ما ترضى بهذا الشي بس تبقى ساكت علمود شركات ما راح تفيد مستقبلك
ما اعرف ليش هيج حجيت حتى احمد بقه صافن عليه ومتعجب من إلي كلته
احمد:وليش انتي لهاي الدرجة مهتمه بموضوعي ومستقبلي
ميسم:لاني احبك
احمد:......
ميسم:احمد انت لازم تعيش حياتك مثل ما تريد
احمد:ليش يهمج موضوعي لهاي الدرجة اني احبه وراح اتزوجهه لان اريده
ميسم:....... مصدومة
احمد: مو علمود الشركات ولا علمود ابويه اني احب رغده
ميسم:لعد ليش سألتني وتريد رأيي من البداية ما دام تحبه روح اني شعليه يلا مع السلامة ....
عرفت راح يصدمني بس هاي المرة كلش انقهرت من كلامه ما دام يريده اني شعليه ليش يهمني موضوعه لهاي الدرجة ...
كملت دوام ورجعت للبيت صار الليل وبابا لسه ما اجه ...اتصل محمد وجان يصرخ ميسم بسرعة تعاي للمطعم ...هنا اني لزمت قلبي بس لا صار شي على بابا بسرعة لبست شي مناسب واخذت سيارة تكسي ورحت لمن وصلت جان اكو ضجة وصوت عالي دخلت وشفت الكل يركض بسرعة ومحد يقبل يجاوب لمن اسألهم اجه محمد وكال ميسم امشي بسرعة للمستشفى رحنا على غرفة الطوارئ واني كل الطريق اسأل محمد اذا صار شي ل ابوية وما يقبل يجاوب ..
شفت بابا ممد على وحوالي اجهزة تغذية وتوصيل دم وجهاز قياس الضغط ركضت وحضنته
ميسم:بابا فدوة لا تعوفني والله ما إلي غيرك وين اروح بابا فدوة اصحى
محمد:كافي ميسم راح يختنك بالزايد
بعدت عنه واني ابجي بحضن محمد وهوه جان يمسح على شعري وهدأي بيه
ودخل عمو ابو احمد وام احمد وسيف بس احمد مكان معاهم ام احمد حضنتني وتهدأ بيه وتكول مراح يصير عليه شي ان شاء الله خلي املج بالله كبير ...
أنت تقرأ
قبلة ميسم|مكتملة|；
Romanceتغني حروفي وترقص فرحاً بك أيها القادم من الخيال .. من أنت ؟؟ هل انت حقا قدَري ام حلمي الذي آن له ان يتحقق.... أحبك..قادمة من قلب نبض لك كل يوم...أحبك بكل ما فيه .... أحبك يا هلاكي
