جان بيت كلش كبير وحلوو بابا كال بي ابو احمد خوش ناس مثقفين وجانت المفاجئة
ابو احمد:يهلا يهلا اتفضلو حياكم الله
ام احمد:هلا بيكم شرفتونا اتفضلو دخلو
بابا:جزاكم الله خير ما قرصتو ويانه والله ما نعرف اشلون نشكركم..
ابو احمد:عيب عليك هالحجي انت مثل اخوي وأتشرف بيك
بابا: الشرف ليه ....اها وهاي ميسم بنتي الوحيدة
ميسم :آسفين كلش..... بس اتمنى نقضي وقت حلو وياكم
ام احمد:على بختج عيني بس أريد ريحة بنت اتفضلو
ابو احمد: عيني احمد انزل هنا شوية هذا بيت ابو ميسم إلي راح يبقون عدنا فترة
احمد :(بحالة صدمة)
ميسم:(بحالة صدمة اكثررر)
احمد :حياكم الله عمي اتفضلو
بابا:الله يحيك
دخلنا البيت واني بنفس حالة الصدمة مبين احمد عايش نفس الحالة أخذتني ام احمد لغرفتي (وااااااااااوفدشي روعة )
ام احمد:دائما جنت اتمنى الله يرزقني ببنية بس الحمد لله على كل حال
ميسم:خالة الغرفة كلش حلوة
ام احمد:ههههههه يلا اني أروح اعوفج تحتاجين شوية بعدين اصيحج على العشه
ميسم:محتاجة شي خالة
ام احمد: لابنتي بس تربي اغراضج نزلي وانت احمد تعال ساعدها
ميسم:لا خاله ميحتاج
ام احمد:شنو.ميحتاج تعال ليه
وراحت ام احمد وبقيت اني وياه وحدنه أخذ الجنطة وحطهه ع التخت واني الخجل والخوف والرعب والدوخة من كل الصار اليوم كل هاي الأشياء اجتمعت عليه
إجه اخو احمد سيف وسلم وبس يباوع عليه مستغرب مني وجودي و وجودي ب غرفته
احمد:شوفي اني عندي قوانين خاصة بيه .هاي الغرفة كانت غرفة سيف وهسه اغراضه كله يمي فلازم تشكرينه
ميسم:اوكي شكرا سيف ...واسفة على الشي فترة صغيرة ونروح ماشي(واني مرعوبة وخجلانه وخايفة شي م طبيعي)
سيف:...........
احمد: اني مزاجي كلش ف دير بالج على نفسج
وطلع حتى ما ساعدني بأي شي وسيف بقى واكف مكانه بالغرفة رحت واني اعيش حالة من الخوف ماتنوصف و احمد زاد خوفي اكثر ااااااه بس لو ادري راح نبقى يمهم ما جان اعترفتله .....رحت ارتب اغراضي ما حسيت على نفسي وكمت ابجي على كل شي صار بيه موت ماما وحالتنه المادية ومدرستي والبيت و الايجار هاي سالفة احمد طلعلتي صفح ما ادري منين وبابا إلي دا يعاني اكثر مني بسبب مرض السكري والشغل وما عدنه اعمام وخوال كلهم بعيدين وما يعترفون ب بابا لان أخذ ماما مو على رأيهم ومن غير عشيرة بجيت وبجيت لحد ما حسيت على نفسي نمت بنص الغرفة
بنص الليل كعدت وكل الاغراض مبعثرة بالأرض كمت رتبت كل شي وحسيتت اني جوعانه بس ما حبيت اول يوم أكون فضوليه تحملت ونمت ......
صحينا من النوم
ام احمد:ميسم ميسم يلا عيني كومي على المدرسة احمد كعد يلا
ميسم :يي خاله كايمه(هاي شبيه شعليه أخاف عرفت بس لا احمد مو النوع يلي يحجي كلشي)
بدلت ملابس المدرسة ونزلت اتريك معاهم
ميسم : ص ص ص صباح الخير
ابو احمد:صباح النور هلا
ام احمد:صباح النور
احمد:...........
سيف :ماما ليش ما تكوليلي صباح الخير مواني ابنج
ميسم : اني اكلك صباح الخير تقبل سيوفي
سيف :يي ...وتعاي أشاروج
ميسم :قربت اذني منه .....ها شكو
سيف: يصير تكوليلي ....سيوفي
ميسم :أكيد بعيني هوه ياهو يكدر يرفضلك طلب على هيج وجهه من الصبح
واني ابوس بي من خدودة تريكت ورحنا المدرسة ام احمد كالت لازم احمد يوصلني لأن ما اعرف الطريق من بيتهم المدرسة احمد ما حجة كلمة بس يمشي كدامي إلتفت وكال صح صرنا نعيش بيت واحد بس ممنوع تحجين لأحد وممنوع تحجين ويايه بالمدرسة هزيت راسي يعنى نعم وصلنا وكالعادة شفت البنات بس عبالك صار فترة ما شفتهم اشتاقيتلهم يمكن لان احمد يتعمد يسمعني حجي حبيت حجيهم الحلو من الصبح بس ما تكلمت بخصوص احمد خلصت المدرسة ورجعنا للبيت ساعدت ام احمد بالعشه مع انو رفضت بس ما يصير لازم يكون بيه خير وأيضا( لمصلحتي حتى احمد يشوف شغلي هههه) تعشينه وأم احمد كالت ميسم إلي سوت الكنتاكي كلهم كالو كلش طيب وحتى سيف كال كل يوم أريد منه بس احمد لازم يعيب وكال ما مستوى ومالح شوية عصبت منه وفار دمي بس اتحمل لأني هنا مثل الضيف ويبين كاعدة على قلبه رحت لغرفتي إجت ام احمد وقعدت يمي على التخت جان بيدهه آلبوم والصور كانت صدمةةةةة .......👑
❤❤😘❤😘🌼
أنت تقرأ
قبلة ميسم|مكتملة|；
Romanceتغني حروفي وترقص فرحاً بك أيها القادم من الخيال .. من أنت ؟؟ هل انت حقا قدَري ام حلمي الذي آن له ان يتحقق.... أحبك..قادمة من قلب نبض لك كل يوم...أحبك بكل ما فيه .... أحبك يا هلاكي
