طيرت كل هاي الأفكار من عقلي .....
ميسم :هاي شدور هنا
احمد:إذا ما تردين ادرسج عادي هسه أطلع
ميسم:لالالا ابقى دقيقة هسه اجي
كعدنه اني وأحمد يدرس بيه ...ياااااا والله كلش حلؤؤ حسيت اني تعبانه اتثاوبت احمد كام يضحك عليه بس صدقة ل الله يجنن
احمد: نعستي ؟؟ اكوم اروح هسه
ميسم: شكرا هواي تصبح على خير تعبتك هواي
احمد:مو علمودج علمود الصورة
و كام راح لغرفته عابت حتى ما يعرف يكول تصبحين على خير تعبني والله
نمت ...وكالعادة أحلم بحبيبي أحمد ويخربونه عليه من الصبح اني وأحمد على السفرة مادا اصدك الصار بس لمن نرجع ليورة هواي أشياء صارت بالفترة الاخيرة اعترفت لأحمد ورفضني وطلعت من البيت وسكنت ب بيت صديق بابا ومحمد اعترفلي بس علاقتي بأم احمد جاي تزيد يوم على يوم وسارة حبيبة قلبي صار عدهه حبيب اسمه لؤي ودائماً جانت معجبه بي اعترفله بحبه وسارة احلى إثنين صدك لايكين لبعض
وصلت للمدرسة وسلمت على البنات وهالمرة على لؤي وياهم إجه محمد واني صار ماشفته
ميسم:هلو محمد اخبارك
محمد: هلو ...تمام وانتي
ميسم:الحمد لله صار فترة مادا نشوفك وين مختفي
محمد: موجود بس لازم يكون اكو أحد منتبه
ميسم:شنو قصدك
محمد: تعرفين قصدي ميسم بس لايكون بعدج وره هذا البارد متعجرف......
ميسم: محمد اني اعزك واحترمك بس لا تتجاوز .....احمد إلي جاي احجي عليه يكون حبيبي
محمد: يا حب هذا شايفه نفسج اشلون صايرة بسببه
سارة:محمد كافي عيب
محمد:لا لازم أحد يحجيله بعاي اشلون صايرة ذبلانه وما مثل قبل تتعصب بسرعة ومتحجي ويانه عبالك ما كو بس احمد بالدنيا هسه ما اريد منج تعرفي بس على الاقل اعرفي انو عندج اصدقاء ناس توكفلج سند إلج مو واحد مايع وشايف نفسه يجي إيمت ما يريد يسمعه حجي ويبجيج والتعيين علينه بالسهولة ......
لمى :كافي عوفهه البنت كامت تبجي اسكت
ميسم:لا لمى الي كاله محمد صح اني تغيرت وعلى منو على عائلتي على أصدقائي تغيرت على الكل بس ما جنت اشوف شي الصح اني اسفه هواي على اهمالي احاول ارجع ميسم قبل اوعدكم بهالشي
سارة: لا تضغطين على نفسج نعرف إلي دا تمرين مو سهل
لؤي غمز لسارة:يي كلنه مرينه بهاي المرحله هيه تعدي
ضحكت سارة واني اعتذرت من الكل ومحمد كال انو لحظة زعل و وإعتذر عالصار والصراحة اليوم حسيت بأهمية الصداقة اشلون تكون العائلة بحياتي مجان عندي عائلة كبيرة تهتم بيه صح بابا مقصر بس شعور حلو لمن تعرف انو اكو أحد راح يبقى واكف وياك ويسامحك لمن تغلط وأهم شي ضحكتك وياهم تكون من القلب
بالطريق لؤي عزمنه على مطعم العشه واتفقنا نلتقي هناك الساعة*** رجعت للبيت وكالت ل بابا وكلت ل خالة ام احمد اني ما راح اكون موجودة على العشه إجه محمد أخذني من البيت لان ما اعرف المكان احمد جان بالشارع وشاف محمد بس كالعادة دم بارد وشعور هادئ كتله اليوم ما اكدر ادرس و رحنه حجينه بالطريق وصلنه هناك وتونسنه كلش ضحك وسوالف كل شي بعيد عن الدراسة والمدرسة وسارة ولؤي ومحمد وسارة واني أكيد شمعتهم هههه
رجعنا للبيت محمد وصلني وراح لمن دخلت شفت احمد كدامي
احمد:وين جنتي ؟؟
ميسم:ليش ..... (بلكي بده يحبني )
احمد:ليروح بالج بعيد امي كالت ابقى هنا لحد ما تجي ميسم تأكيد وين جانت
ميسم عبالي قلبه حن عليه عابت ميتغير بس ابقى احبه
نمت وكالعادة نفس الروتين اقتربت امتحانات نصف السنه وأحمد كل يوم يدرسني وينام بنص الدرس فدوة شكد حلؤؤ اول امتحان صعدت حتى اطب للقاعة وكلت لسارة ادعيلي وراحت هيه لقاعتهه احمد جان واكف بالممر إجه يمي وكال شدي حيلج ليروح تدريسي بلاش
كتله ان شاء الله هذا الاثول ميدري انو نلعب بيه طوبة لمن كال هيج ........
خلصت امتحانات نصف السنه وأحمد طلع الأول كالعادة اني الثالث بس الحمد لله إجه احمد وكال وين الصورة كتله شكرا هوايه تعبت وياي وعاد نفس الكلام وين الصورة عابتلو كول العفو رجعتله الصورة اللي عندي بس أكيد راح وحدة من خالة ام احمد هذا ميفيد وياه إله العين الحمرة ههههه..
رجعنا للبيت وخالة ام احمد كالت لازم نسوي حفلة
والي صار جمدني مكاني ......👑
😘😘😘❤❤🌼
أنت تقرأ
قبلة ميسم|مكتملة|；
Romanceتغني حروفي وترقص فرحاً بك أيها القادم من الخيال .. من أنت ؟؟ هل انت حقا قدَري ام حلمي الذي آن له ان يتحقق.... أحبك..قادمة من قلب نبض لك كل يوم...أحبك بكل ما فيه .... أحبك يا هلاكي
