رحنه وشفنه بابا جانت صحته احسن من البارحة بهواي ويحجي ويضحك معانه واجه محمد ويانه وبعد شوية من الكعدة اجه احمد بس سلم على بابا وراح طلبت من بابا يقنعهم ابقة يمه بالليل بس بابا ما قبل وكال لازم اشد حيلي بالدوام ...
رجعت للبيت وشفت احمد واكف يم المتنزه واجه يتمشه عليه شيريد مني هاي المرة..
احمد:السلام عليكم
ميسم:وعليكم السلام
احمد:ابوج اشلونه اليوم ان شاء الله احسن
ميسم:اي الحمد لله كعد معانه ويضحك بده يتحسن ان شاء الله
احمد:..... امي كالت روح جيب ميسم تجي تبات يمنا ما يصير تبات وحدهه بالبيت
ميسم:لا عفية ...ما اريد اتعبكم اكثر ويانه
احمد:لا ما تعب يله امشي..
اخذت شوية ملابس علمود الدوام ورحت لبيتهم شكد حلوين اني واحمد نمشي سوية بالطريق بس لمن اعرف انه راح يكون لوحده غيري ويحبهه تخنكني العبرة
وصلناللبيت وتعشينه ورحت حتى انام بعرفتي القديمة بس ام احمد كالت مسويهه مكتبه لابو احمد بسبب مرضه ورحت نمت بالصالة واجه سيف يفرك بعيونه
سيف:ميسم يصير انام بحضنج
ميسم: اي حبيبي تعال
سيف:ميسم انتي تحبيني موو
ميسم:اي سيوفي ليش تسأل
سيف:لان احمد يكول ميسم ...
ميسم:شيكول احمد
سيف:يكول انتي ما تحبينا وتنامين وحدج بالبيت وتروحين مع صديقج محمد للجامعة وتحجين مع صديقاتج ولمن احمد يريد يحجي معاج تعيطين بوجه
ميسم:احمد صدك يحجي هيج عليه ...شوف اني كلش احبكم وما اريد اسوي عليكم ازعاج لهذا ما اجي انام يمكم وانا مو كل يوم اروح مع محمد للجامعة واحجي ويه صديقاتي ولمن احمد اجه يحجي وياي كال كلام يزعجني ..
سيف يتثائب:شنو كال احمد
ميسم:دمعت عيني وكلتله نام باجر احجيلك
كعدت الصبح ساعة10:00 كمت اركض بالبيت سمعت خالة ان احمد تضحك وكالتلي اليوم عطلة كمت اضحك وياها وسوينه الريوك ونظفنا البيت حسيت نفسي مثل واحد جان غريب ورجع لبيته بعدين احمد كال خلي نروح للمستشفى لبست ورحنا بالطريق احمد ساكت اتذكرت حجي سيف البارحة باليل....
ميسم:والله خوش هسه اعرف انت تكرهني ليش تريد سيف يكرهني مثلك
احمد:شنو شجاي تحجين انتي
ميسم:ماشاء الله سيد عبقري ما يعرف بالسالفة معقولة
احمد:هههههه سيد عبقري صار لقبي تدرين حتى نادر يصيحني هيج
ميسم:احمد لا تحاول تغير الموضوع ليش تحجي لسيف هيج حجي عليه
احمد:شنو شكلت اني
ميسم:تكول ليسف انو اني اكرهكم وما اجي عليكم واني ما احجي معاك بالجامعة بس ويه محمد والبنات ...
احمد:يي صح انتي ما تجين عالبيت بس لمن خلصت مصلحتج
ميسم:عصبت هواي لمن كال مصلحة تمنيت اضربه بس لا شكله الحلو راح يخرب اخاف عليه
ميسم:اني احبكم وما عندي سوالف المصلحة هاي التحجي عنه بس اني من شفت ...
سكتت خنكتني العبرة
احمد:منو شفتي منو يمنه ...رغده موو
ميسم:خانتني الدمعة ونزلت وكلت اي رغده احمد:هههه وهيه شعليهه
ميسم:بعد شكو اجي عليكم راح تصير عدكم ....
احمد:شبيج ليش تبجين
ميسم:احمد يصير اسألك
احمد:جواب
ميسم:تحب رغدة ...
الليلة الماضية...
احمد:- اجيت للبيت وجانت امي معصبة كلش وكالت بسرعة روح جيب ميسم رحت مبين جانت تبجي بس تجاهلت الموضوع ما اريد احسسه بشي واجتي معاي للبيت وكل الطريق ساكته اريد منهه تحجي بس ما نطقت بكلمة دخلنه للبيت وتعشينه ونامت جان عبالي تجي تنام ويانه اني وسيف بنفس الغرفة بس نامت بالصالة وسيف راح يبات يمهه اتصلت رغدة كل يوم تتصل بهيج وقت تحاول نفسخ الخطوبة لان هيه تحب واحد معاها بالكلية...👑
🌹❤💞💞
أنت تقرأ
قبلة ميسم|مكتملة|；
Romanceتغني حروفي وترقص فرحاً بك أيها القادم من الخيال .. من أنت ؟؟ هل انت حقا قدَري ام حلمي الذي آن له ان يتحقق.... أحبك..قادمة من قلب نبض لك كل يوم...أحبك بكل ما فيه .... أحبك يا هلاكي
