دخل الطبيب وكال لازم نسوي عملية واني لحد هسه ما اعرف شنو المرض والسبب ونسبة نجاح العماية 20بالمية كلش ضعيف
بعدين دخل احمد بس شنو هذا إلي لابسه ملابس طبيب والله طالع حلو ..اني بشنو جاي افكر بعدت هاي الافكار واجه احمد كال لا تخافين هوه بأيدي امينه ...ليش كلام احمد خفف عني يختلف عن كلام البقية ..بي دفئ بي حنان بي كلشي بس ما بي حب...
اتفاجئت من دخل احمد لغرفة العمليات اشلون يسمحولو .. بعدين عرفت من خالة ام احمد انو جاي علمود دراسته بالكلية وعرفت انو احمد اخذ مجال الطب وترك الهندسة وصار شهر بس ليش اني اخر من يعرف اهووو واني شعلية ..
بعدين خالة ام احمد كالت الوقت تأخر خلي نرجع للبيت وكالتلي ارجع معاهم للبيت رجعنه بس عبالك البيت فارغ سوينه عشه بس مالي نفس اكل بقى بالي يم بابا
واتصل عليه رقم غريب
ميسم:الوو
....:ميسم تعالي للمستشفى بسرعة
ميسم:انت منو
....:موظف واخذت رقمج من محمد بس بسرعة تعالي
طلعت ركض بدون ما احجي شي بس اركض مثل المجنونة بس لا بابا صار بي شي يارب ساعدني يارب ما إلي غيره بالدنيا اخذت تكسي بسرعة للمستشفى ..
دخلت وشفت محمد يروح ويرجع بالممر
ميسم:محمد فدوة احجي بابا بي شي واني ابجي وما اسيطر على دموعي
محمد:كولي يالله ان شاء الله مابي شي
ميسم:وين بابا محمد احجي وين اخذو
محمد:اخذو على مكان احسن إله
اني انصدمت من كلامه وخفت على بابا شصار بي بقيت ابجي وشفت احمد يطلع من الغرفة إلي بيها بابا بدون وعي رحت اركض عليه واجرجر بي من ياخته واصيح وين بابا طمني كال ما بي شي بس مجرد حالة مرضية بسيطة وان شاء الله يصير احسن ...
بقيت انتظر لحد ما سمحولي ادخل شفته ممد ورحت عليه واني ابوس بي من راسه وايده حسيت بي جاي يمسح على شعري باوعت على عيونه كله ضعف والم و وجع اقترب مني وهمس بأذني كلام طمني و وصاني على نفسي وعلى البيت ودراستي كمت ابجي وهو هم بدأ يبجي معاي بعدين الدكتور كال لازم اطلع وطلعت للبيت بس ما اخذت تكسي رجعت مشي وكل الطريق افكر بصير بابا والف فكرة جهنمية اجت براسي وحتى ردت اندعم بالسيارات من الصفنه بالطريق رجعت وما نمت بس افكر ومصدومة ليش كلشي صار هيجي بسرعة وليش بس اني وهو بس بابا بقه الي من عائلتي وين اروح اذا راح من ايدي صدك ما تحس بأهمية الشخص اله لمن يقرب موعد روحته داومت ثاني يوم لان بابا طلب مني ما اغيب يوم شفت البنات وسلمو عليه ولؤي سلم عليه وكالو راح يجون عليه بالبيت حتى نروح نشوف بابا بالمستشفى .
أنت تقرأ
قبلة ميسم|مكتملة|；
Romanceتغني حروفي وترقص فرحاً بك أيها القادم من الخيال .. من أنت ؟؟ هل انت حقا قدَري ام حلمي الذي آن له ان يتحقق.... أحبك..قادمة من قلب نبض لك كل يوم...أحبك بكل ما فيه .... أحبك يا هلاكي
