خالة ام احمد كالت لازم نسوي حفلة بمناسبة النجاح ...العصر رحنه اني و خالة ام احمد للسوق و رجعنه للبيت وسوينه حلويات كلش طيبة
ميسم:اتفضلوا أنطوني رأيكم
ام احمد: خلي نشوف منو احسن بالطبخ هههه
ميسم: يلا ههههه
كعدنا واكلنا وطبعا احمد بس يعيب و مرة يكول مو طيب ومرة يكول هذا منو سواها المهم يتعمد يقهرني بعدين خالة ام احمد وأبو احمد كالو عدنه هدية بسيطة إلج
ابو احمد:والله ام احمد كالتلي اريد هدية ل ميسم اني ما اعرف شنو هدايا البنات
ام احمد: والهدايا إلي جنت تجيبهم إليه قبل والله كلش حلوات وهسه اكول ما اعرف
ميسم:هاا خالوو طلع ذوقك حلو ههههه
و كلنه ضحكنه بعدين خالة ام احمد كالت وين الهدية الهدية جانت عبارة عن إطار صورة بس كلش حلو اني كنت ابجي من زمان محد اعطاني هدية وبجيت إحس انو هاي العائلة مثل اهلي الصراحة احمد جان يباوع عليه حسيت بعيون شي غير برود كل مرة
ام احمد: هاي هدية ابو احمد واني هديتي الصورة داخل الإطار
ميسم: شنو صورة من
ام احمد:صورتج أكيد يا بعد عمري
ابو احمد:يي ولله خوش فكرة انتي وأحمد وسيف
ميسم :شنو
احمد بخبث:اوكي يلا.
واقترب من ميسم هواي كلش صار قريب عليهه واجه سيف وكف يمهم وميسم كلبهه يريد يطلع من مكانه
ميسم:اول مرة واحد يكون قريب عليهه لهاي الدرجة مو متعودة لا وانوب احمد بس كافي شنو هذا والله مدا أتفهم كلشي مرة يقسو ومرة يصير ابو الحنية والقلب الطيب
احمد: شنو هاي وربي دا أحس بدكات قلبه عبالك مو بشر يمهه واحد يريد ياكلهه
اخذنه الصورة وأمي و ميسم رتبو البيت ميسم بقت بالمطبخ تغسل مواعين واني رحت لغرفتي نمت
ثاني يوم.....
كعدت وردت اروح للنادي (القاعة الرياضية) شفت محمد بالطريق طبعاً هوه يكرهني
احمد:السلام عليكم
محمد :وعليكم السلام
احمد: وين رايح ابو الشباب ..تقصدت احجي وياه
محمد: للنادي وانت
احمد:خوش لعد طريقنا واحد
مشينا والصمت سيد الموقف طول الطريق قبل لا نوصل
محمد:اااااا شخبار خطاركم
احمد: مرتاحين كلش ليش تسأل
محمد:وانت شَعليك
احمد: جاي تسأل على ميسم صح بس تأكد هيه بأيادي امينه
محمد: مسكينة على هاي الأيادي محد يعرف إيمت يتحول الامين على وحش
احمد: ...........
رجعت للبيت واتغدينا بعدين ميسم جابت طاري كتاب كلتله موجود بمكتبتي تعالي اخذيه وره الغدا كالت اوكي واني صعدت للغرفة
ميسم:اول يوم بالعطلة وأحمد راح للنادي قبل لا أشوفه ورجع على الغدا كالت ل ام احمد راح انزل العصر للسوك محتاجة كم شغلة واشتري كتاب بس احمد كال عندي بالمكتبة الصراحة فرحت اول مرة راح اشوف غرفة احمد دكيت الباب وجان مفتوح والغرفة ظلمة دخلت وشغلت الضوء وشفت احمد نايم ي الله شكله يخبل فدوة المهم باوعت على المكتبة ابحث عن الكتاب ما حسيت إلا وفجاءة أحد يلوي أيدي ويلزكني بالحايط
ميسم:احمد شجاي سوي
احمد:اليوم شفت محمد بالنادي ويسلم عليج و ذكرني بشغلة
ميسم:عفية احمد أريد اروح
احمد:انتي مو تحبيني ليش ضايجة
ميسم:يي أحبك بس عفية مو هيج حلني
احمد:وخرت عنها بعد دفع وضرب هيه راحت تركض على غرفتهه وحتى مااخذت الكتاب وياهه العصر رحت اوديلهه الكتاب وشفتهه نايمه بس والله شكله حلو وقبل شوية اعرف ضاجت لمن جنت قريب عليهه كلش بس وربي عطرها يموت جانت تضرب على صدري ودفع بيه لو غير بنت تفرح بهيج فرصة بس هيه بنت مترباية مو مال هيج سوالف
أنت تقرأ
قبلة ميسم|مكتملة|；
Lãng mạnتغني حروفي وترقص فرحاً بك أيها القادم من الخيال .. من أنت ؟؟ هل انت حقا قدَري ام حلمي الذي آن له ان يتحقق.... أحبك..قادمة من قلب نبض لك كل يوم...أحبك بكل ما فيه .... أحبك يا هلاكي
