بهاي الليلة إجت لمى وسارة تفاجئت من محمد جاي وياهم بس يلا
لمى :مبروك البيت عمو
سارة: صدك ميسم هاي هدية مني اتفضل
محمد:.........
بابا : اهلا وسهلا تفضلوا دخلو
ودخلنا جوة وجانت ليلة كلش حلوة نستني كل شي صار معاي اليوم
سارة تشاور بيه:ولج اصلا محمد إجه علمودج
لمى:ي صح حتى يخفف عنج شوية
سارة:ولج شبيج والله يحبج من صدك
ميسم: سدو الموضوع عفية أريد انسى صار اليوم
وفجاءة انطرق الباب بابا راح يفتح وسمعنا الصوت بدأ يعلا ورحنا جان صاحب الإيجار يصيح يكول أريد البيت فارغ باجر الصبح إبني يسكن هنا بابا طلب مهلة أسبوع بس جان صاحب الإيجار كلش حقير معانا اعتذرت من البنات ومحمد علمود يروحون بابا يبين كلش مهموم وضايج رحت الم الاغراض واني دموعي ما يكول نزول أتذكر ماما ولمن أجد بابا كال انو امج سافرت واني جنت دائما انتظرهه بس ما إجت...
رتبت كل شي صارت الساعة ب4الصبح وبابا راح بأجر إلنا غرفة بفندق بسيط بس اليوم ورحنا ما رحت المدرسة من التعب والإرهاق البارحة نمت كل اليوم وبابا بالشغل بعد المدرسة قررت أروح اشوف البنات وأخذ الدروس شفت محمد بالطريق وسلمت علي
ميسم:السلام عليكم
محمد:وعليكم السلام وين جنتي ؟ليش ما داومتي اليوم؟!
جان مبين كلش خايف عليه
ميسم:ها ما صار شي بس تعب البارحة نمت كل اليوم وهسه أروح على البنات اشوفهم
محمد:اوكي يلا مع السلامة وبس تحتاجين اي شي لاتتردين وتطلبين... ماشي!!
ميسم:تمام... ماشي شكرا
بالليل بابا كال انو راح نبقى اليوم هنا وباجر ندور على بيت...
اليوم الثاني.....
رحت المدرسة وشفت سارة ولمى
ميسم :صباحؤؤ
لمى وسارة: هلوو اخبارج مبين كلش زينة موو
ميسم: يي ليش شصاير!!
لمى :ماصاير بس مجرد انو انتي على لسان الكل بالمدرسة
سارة : لا والمصيبة انو محمد من البارحة كالب وجهه علينه ودمه يغلي..
ميسم:بس اني البارحة شفته ما جان بي شي
سارة :طبعاً هوه ما يريد تحسين بشي بس انتي تعرفين اكثر من الكل انو محمد يحبج من زمان ....
لمى:و انتي ولاعبالك صايرة تشبهين ابو الدم البارد موو
ميسم :هاي شبيكم من الصبح على كيفكم بيه..... بعدين احمد دمه مو بارد انتو ماتعرفونه
محمد: لا بس انتي تعرفي مو !!
لمى:اسم الله من وين طلعت؟؟
ميسم :لا..... مو هيج قصدي بس..بس..
محمد:بس شنو ها حتى انتي ما تعرفين على يا صخام تدافعين عنه
ميسم بدت تبجي لان تعرف حجي محمد صحيح ليش تدافع عنه وفوكاهه كدام محمد..... يعني يمكن حجيهم صح صايرة تشبهه راحت للصف تبجي...
ومحمد يحاول يلزم نفسه وما يروح يضرب ذاك ال****
انتهت المدرسة ورجعت البيت اني كلش تعبانه من الصار والمفروض....... عدنا امتحان باجر بس اجلته لان نفسيتي تعبانه كلش وما اكدر أركز على اي شي
دخلت البيت بابا جان يريد يحجي معاي وكال
بابا:بنتي حضري الاغراض ونفسج حتى نروح
ميسم: ليش بابا وين نروح قابل
بابا:احجيلج بالطريق بس إسرعي شوية
رحت ابدل واني ما اعرف شنو السالفة إجه بابا وكال يلا صعدنه بسيارة أجرة ورحنه لمكان مجهول عليه
بابا: بنتي إحنا راح نبقى يم صديقي لفترة محدودة لحد ما اكدر ادبر مكان مناسب..
ميسم: بس ...
بابا:لا حبيبتي معليج هوه اتصل بيه وكال لازم تجون يمي ..هوه صديق قديم من المتوسطة لحد الان وعائلته مو كلش كبيرة وبعدين هيه فترة قصيرة ونرجع لحياتنا السابقة اوكي بابا..
ميسم :ماشي ..
وكل الطريق اني أفكر اشلون راح يكونون وتعاملهم وياي ولكم أفراد العائلة وعدهم بنات لو لا .......كل هاي الفطار لحد ما بابا كال يلا وصلنا نزلي عيني
أنت تقرأ
قبلة ميسم|مكتملة|；
Romanceتغني حروفي وترقص فرحاً بك أيها القادم من الخيال .. من أنت ؟؟ هل انت حقا قدَري ام حلمي الذي آن له ان يتحقق.... أحبك..قادمة من قلب نبض لك كل يوم...أحبك بكل ما فيه .... أحبك يا هلاكي
