قبلة ميسم|مكتملة|；

ما بعد النبضة *

راح وخلاها وسط وادي افكارها ...ضائعة تائهة حرك هواي مشاعر بداخلها وكعادة البارد تركها....؛

رجعت ميسم لل قاعة دايخة من الصار وما تتذكر او ما تقبل تقتنع انو الشخص الي حانت تحبه سنين خط اول قبلة الها قبلة كره بدون مشاعر قبلة باردة مثله

لمى:ولج وين رحتي
ميسم:ها....
سارة :هاي شبيج ميسم وين رحتو انتي و احمد
لمى :اخاف صاير شي وما حجيتي لي
سارة:لا تظغطين عليهه
ميسم:لا لا ك..كلشي ما صار والله
لمى:همممم بعدين اني اعرف اشلون اسحب الكلام منج سحب
سارة:ميسم حبيبتي ارتاحي شوية بعدين احجي ..ماشي
ميسم:ماشي..

رجعت للبيت ونفس الدوخة مالي واهس احجي مع احد حتى خالة ام احمد من تسألني ما اجاوب بسرعة صرت عاطلة ههه
..........

مرت ايام على هذا الشي واحمد يدرس هندسة بس ماله واهس بيهه واني ادرس تربية احياء ويه البنات صح ما اشوف احمد او اتعمد ما اشوفه صرت اخاف منه بس لسه احبه ومحمد كل يوم يجي يشوفني ويسأل على دراستي ولؤي اتقدم ل سارة بس بعد ما انخطبو وكلشي تقريبا تمام بس بعدها بكم يوم اجه بابا وكال لكيت مشتمل حلو وصغير يناسبنه اني ضجت من السالفة بس مايصير نبقى يمهم اكثر صح هم كالو تعالو بس مو نصير لزكة ع العالم

ام احمد:لا والله ابد ما اخليكم تطلعون
ابو احمد:عيني ابو ميسم احنه مو اتفقنه تبقون يمي لحد ما تصير حالتكم احسن ما يصير تلعون بهاي السرعة
ام احمد:والله بديت اتعود على ميسم حسيتهه مثل بنتي ماريدهه تروح
سيف:ماما اخطبيلي ميسم اني احبه
ابو احمد:اسكت ولك عيب عليك

باوعت على احمد يبين ضايج بس اكيد على مود الدراسة مو عليه ...بعدين ام احمد كامت تبجي واني رحت لغرفتي شكد اكرهه الوداع وهاي اللحضات كل حياتي جانت هيج ..

بالبيت الجديد.......

نزلنه الاغراض واتصلت على البنات يجون يساعدوني وطلعنه بابا بره حتى نخبل على راحتنا ... كملنه كلشي ونمت ومرت ايام ورحنا حتى نزور بس عمو ابو احمد واتفاجئت وانصدمت من شفت بنت كاعدة يمهم شعرهه اشقر وعيونه خظر وتبين مثقفة ومن طبقة راقية كلش تحجي بهدؤ ورزانه وتبين كلش حبابة واحمد يضحك وياها ويباوع عليهه دائما ما عجبني هذا الشي وعبالك بداخلي نار هوه حتى اهتم من اجينه عليهم سلام عادي و يحجي ويه بابا...
دخلت بلمطبخ وره ام احمد
ميسم:خالة هاي منو البنية
ام احمد:بنت صديق عمج ابو احمد ويمكن يخطبوهه لاحمد بس اني ما موافقه ابدا
ميسم:هاا ...انصدمت اصلا احس كلبي توقف عن النبض لحضة ورجع بس رجع يدك بخنكة وقهر نسيت كلشي العالم من حواليه صار اسود حتى نسيت اني جاي اصب عصير وذبيت منه شوية بالكاع...
رجعنه للبيت وياريت ما رحنا عليهم ليش رحت غبية شنو علاقتي بالموضوع ومثل كل مرة الوم بنفسي واظغط عليهه ....
بهاي الوقت اتصل محمد وكال اطلعي ع الباب شفت محمد واكف كتله اتفضل بعدين كال انو يريد يطلع ويايه شوية للمتنزه اليمنا كلش قريب طلعت وياه وكلشي مو بعيني كارهه الدنيا كلها كعدت يم محمد وبدون ما احس بديت ابجي فجاة محمد حظني وما انتبهت على نفسي بديت اصرخ ودموعي تنزل بقوة اول مرة احد يحظني من ابجي دائما جنت احظن المخدة وابجي لحد ما انام بس هسه لا حسيت بالحنان والدفئ وبعدين حسيت على نفسي الكل يباوع علينه كمت بسرعة من حظنه ومسحت دموعي
ميسم:اسفة المفروض ما ابجي
محمد:لا بالعكس المهم محد شاف دموعج غيري
جنت مقرر اتقدملهه بس فجاءة بدت تبجي وعرفت صار عدهه مشكلة ولهذا ما سويت شي بس حظنته ...