النظرة الاولى

من 1 الى 5

#النظرة_الاولى
#طيبة_الربيعي
___\البارت الأول\___

صباح الخير عليكم حبايبي😘
اعرف اغلبكم النت يمهم منقطع
انشاءالله يرجع
عاذرتكم عالتفاعل اذا مو شي
قرائة ممتعة💓

_______________________________

بكل عطلة صيف نشد امتعتنة ونحضر نفسنة ونسافر لبغداد لگرايبنة ونبات يوم يم بيت جدي اهل امي ويوم ابيت عمي ساكن هناك لان زوجتة مناك.. بابا كردي الأصل وماما عربية حبهة واخذهة ومن اتزوجو جابهة وياه لكردستان..

لغتي العربية اتقنهة مثل لغتي الكردية وضابطتهن ثنينهن لان نحچي اللغتين عربي وكردي منفرق.. اسمي شاهيناز عمري 21 تخرجت من معهد الفنون الجميلة قسم الرسم وحالياً اشتغل وية عمو بالمتحف شراكة بينة وبين صديقة..

شغلي من يجون الناس ارحب بيهم اخبرهم اللوحات تابعة المن وشنو تمثل وهكذا.. يعني ابساطة شخصيتي اجتماعية لهذا السبب توالم هل مجال..

ارسم بوقت فراغي وعندي لوحات مينعدن كومة نص مضبوطات ونص مو كلش رسمتهن من چنت بعدني بدائية.. عمي الصغير ممزوج عمرة 28 رسام محترف ونص اللوحات الي بالمتحف تابعة الة.. اخذت هل موهبة من عندة..

اهلي من نوع المتفتحين اني سافرة ماعدنة اجبار بالحجاب رغم ماما محجبة والي من طرف بابا اغلبهم كذلك.. بس اغلب الشابات من طرف بابا سافرات يعني عدنة عادي..

عندي تلث خوات وحدة متزوجة والثانية اكبر مني بسنتين واللخ اصغر مني بسنتين.. الكبيرة جيلان الوراهة اني وبعدين مريم والصغيرة بسمة..

كل مرة روحتنة لبغداد مثل كل الروحات ونسة وطربگة وعربدة علة گولة بيبي ام ماما ههههه كلش احبهة مرحة وبس تتذمر ههههه.. اجدادي ثنينهم متوفين وبيبي ام بايا همينة بس ام اني عايشة الحمدالله ربي يحفظهة..

بهذي روحتنة اختلفت بعض الاوضاع.. اوضاع تخصني.. طبعاً بابا ياخذنة بالسيارة والطريق وحدة كلش ونسة..
من وصلنة البيت عمو دگينة الباب طلع ابنة الچبير حيدر.. هذا على گولتة ضلعي.. اني وياه شگد ما نتناگر متخرب علاقتنة بالعكس تقوة..

اكبر مني بهواية بس روحة حلوة وكلش يحبنة.. عمرة 27 اعرف كلش چبير شايب مو مال اصادقة ههههه

حيدر: يا هلا نورتونة اگول ليش الشمس منورة زيادة اليوم

هو يقصدني بس خواتي يفتهمن ماما وبابا ميفتهمون.. ضحكت

ابو شاهيناز: هلو بيك عمو

وبوسة

ام شاهيناز: شلونك خالة حيدوري
حيدر: هلو بيچ خالة زين بشوفتكم، فوتو ندردش جوة الجماعة منتظريكم على نار

فاتو اهلي واني وراهم.. انجر شعري باوعت الحقير اكو غيرة

حيدر: ها الوصخة ام الگمل شلونچ
ضربتة بخفة: صرت زينة من شفت هل خلقة الزفرة
ضربني مرة لخ: لچ
شاهيناز: ااااخ، لك لو ما هسه جاية وعيب چان شوفتك الزلم شتسوي
ضحك: خوش تعلوم هذا عجبتيني