#النظرة_الاولى2
#طيبة_الربيعي
**الجزء الثاني .. البارت السابع والعشرون**
تعليقاتكم تونس😘😘😍
عاجبني اغير غلاف القصة شتگولون؟
>>>>>>>>>>>>>>>
جزء ثاني (27)
مريم... تفاجئت ليش ديدگ علية
شاهيناز: ردي شوفي شيريد
مريم: لحظة
اخذت نفس وزفرتة.. التوتر صعد عندي فوووول
رديت: الو
حيدر: الو، شلونچ مريم
مريم: بخير ابن عمي، خير اكو شي؟
حيدر: سلامتچ بنت عمي خابرت احچي وياچ
مريم: على شنو
حيدر: مريم، جديات الموضوع وصل حدة اني غلطت لتكررين غلطتي
مريم: شنو؟
اعرف شنو قصدة بس مفهمت بالضبط اذا عبالة وافقت عليه
حيدر: وافقتي علة منير مو؟
مريم: حيدر گتلك هل شي يخصني شنو الهامك
جر نفس: تعرفين الهامني شنو
مريم: لا ماعرف، روح حيدر انتة اختاريت طريقك اتركني اختار طريقي براحتي'طيبة_الربيعي'
حيدر: بس بعدني بأول الطريق ومستعد اعوف كلشي وارجع لطريقنة
باوعت لشاهي مصدومة.. فاتحة سبيكر اني.. شاهي ابتسمت
وحچت بصوت ناصي: تعززي لتنطي مجال هسه
مريم: ليش هو بمزاجك يا عيني؟ سلعة اني تجيني وكت متحب
حيدر: لا مزاج ولا شي، مريم سمعيني والله مترتاحين هذا منير مو خوش
باوعت لشاهي وابتسمت
مريم بثقة: متهمني وجهة نظرك، اني الي راح اعيش وياه مو انتة
حيدر بنفاذ صبر: مريم كافي عاد گتلچ ندمان وجاي اصلح غلطتي ليش مكبرة راسچ شتريدين اسويلچ بعد مو جيت وتوسلت هم راح تعيدين السويتي وياي قبل
مريم: انتة خطبت بعد وعاقبتني اشد العقاب تذكر شگد توسلت بيك وكم مرة اعتذرت منك'طيبة_الربيعي'
عيوني دمعن
مريم: لتجي هسه تذب اللوم علية غلطتي مچانت بكبر غلطتك مرحت وية واحد غيرك مخنتك اني وكسرت گلبك يا حيدر
حيدر: اعرف وحقچ علية اكبر غلط السويتة، ماكو انسان معصوم واني بشر عادي مو نبي، بس ريحي گلبي وگليلي وافقتي علة منير؟
مريم: انتة من شفتني راح اروح من ايدك حسيت بغلطتك، موافقت على منير مو علمود سواد عيونك بس ثقتي بجنس ادم انمحت، شوف حياتك وابتعد عن طريقي
حيدر: اووكفي لتسدي سمعيني
مريم: شتريد بعد
حيدر: فصخت الخطوبة واذا وافقتي هسه اخابر عمي واطلب ايدچ منة
اكذب اذا گلت مطرت من الفرحة
شاهيناز بهمس: گوليلة تصبح على خير وسدي، خلي يحترگ لتنطي جواب نهائي
سويت مثل مگالتلي شاهي وسديتة قبل ليلحگ يرد.. شمرت الفون وخليت ايديناتني ثنيناتهن على گلبي
أنت تقرأ
النظرة الاولى
Romanceمنقوله للكاتبه طيبه الربيعي حب يولد بين بنت كرديه وشاب عربي عراقي لكن الطريق طويل ومتعب .???
