#النظرة_الاولى2
#طيبة_الربيعي
**الجزء الثاني .. البارت التاسع والعشرون🔥🔥🔥**
صباح الفل يا كيوتات انتو😍😍
شفتو مگدرت اترككم بدون بارت اليوم رغم انشغالي
لايجات وتعليجات رويحاتي على گولة ذوذو المگرود😘😘
>>>>>>>>>>>>>>>>
جزء (29)
بسمة: خير اشو تضحك
رزاق: ماخلصتي الهدوم
بسمة: لا بعد، ليش؟
هاي حركتة من يخلي ايدة ورة راسة ويحك شعرة تخوف معناتهة ناوي على مصيبة.. راح گعد عالسرير يباوعلي'طيبة_الربيعي'
رزاق: عرگان وتعبان حضريلي هدومي خل اطب اسبح
بسمة: تسبح واجيبهم؟
اشو هذا يضحك شبي
رزاق: الله كريم عود هسه دگومي حضريلي الحمام
بسمة: متگدر تنتظر شوية بس اخلص البيدي
رزاق: اگلهة عرگان
گمت: اووف اوف
رزاق: ماعاجبهة ام بولة
خررب يووومك
بسمة: ترة ماحضرلك
رزاق يضحك: لا بوية اداهرچ انة شمالچ بسرعة تبچين
باوعتلة صفح ودرت طلعتلة اهدوم وخاولي ورحت حضرتلة الحمام.. ميسبح اذا مو بي بخار وحار.. اجة وراية فززني
بسمة: احم دستور ماكو؟؟ يلة تفضل استاذ رزاق بعد أمر خدمة
حركلي بحواجبة بمكر: ورة السبح بعون الله
مخبل عاقل'طيبة_الربيعي'
بسمة: خلي اطلع احسلي انتة مدري شبيك اليوم
رزاق: عوفي الغراض ارتاحي بعد
بسمة: مبقة شي بقتلي جنطة اصفطهة واخلص
رزاق: خوش
طلعت وسديت الباب وراية.. فتحة وگلي
رزاق: بسيمة
درت عليه: ها
رزاق: جوعانة؟
بسمة: مممم شوية
لا والله ميتة جوع كلشي مماكلة باقية على الغدة
رزاق: اطلع واجيب عشة لاسوين شي ميت من الجوع
بسمة: اصلاً ماعدنة مسواگ ماگدر اسوي شي
رزاق: چا خوش
رحت خلصت الملابس هو طلع نشف شعرة وراح يجيب عشة گلي لتفتحين الباب لأي جنس مخلوق.. ووووه احس ظهري راح ينقسم نصين من التعب.. بين ميجي خلي اسبح عالسريع اني همينة عرگت السبلت بعدهم مشادي البيت صاير بوخة..
قبل لتطفة الكهرباء وماعدنة مولد ركضت عالسريع حضرت بجامة خفيفة علمود گبل اتعشة وانام..
دخلت سبحت عجبني المي دااافي يخبل ولا بدي اطلع بس گمت اغفي خاف لا اوگع على نفسي..'طيبة_الربيعي'
طلعت نشفت شعري وخلصت كلشي ورحت عالسرير تمددت.. لهناك اخذتني الغفة وصحيت على ايد رزاق كتفي
رزاق: بسمة گومي تعشي، لا تنامين علة لحم بطنچ
فركت عيوني: مممم عفية نعسانة مابية اگوم
رزاق: اشتعلو اهلچ گومي لا يبرد ماحب اكل وحدي
گمت: شجبت
أنت تقرأ
النظرة الاولى
Romanceمنقوله للكاتبه طيبه الربيعي حب يولد بين بنت كرديه وشاب عربي عراقي لكن الطريق طويل ومتعب .???
