#النظرة_الاولى2
#طيبة_الربيعي
**الجزء الثاني .. البارت الثلاثون🔥🔥🔥**
حبايب بديت دوام لهذا السبب عذروني اذا صار تأخير💕
قرائة ممتعة
>>>>>>>>>>>>>>>
جزء ثاني (30)
بسمة... رجع بيدة الأكل مدة الية من الجامة.. اخذتة
رزاق: هسه اخذة
فتح الباب الي ورة ورجع اخذهن مني وخلاهن الي ورة.. بعدها صعد
رزاق: مشتهية شي غيرة اجيبلچ؟
دايرة وجهي اذا باوعتلة انفجر بوجهة.. يسوي نفسة مهتم شگد لعوب
رزاق باستغراب: مو وياچ؟'طيبة_الربيعي'
بسمة: ودينة للبيت ولتحچي وياية
رزاق: ااه؟ شمالچ خير، عفتچ خمس دقايق شبسرعة لحگتي اطنگرين
درت عليه بجدية: رزاق رجعني للبيت وخلاص لتحقق وياية
رزاق: احچي عدل لچ شنو هل اسلوب هاذ
بسمة: احچي عدل ماحچي عدل شي راجعلي، يلة رجعني
رزاق: لساانچ هذا گصي لا تحاچيني هيچ
مرديت عليه
رزاق: وياااچ انة احاچيچ شمااالچ
هم مرديت
رزاق: شلون راح تخليني ابتلي بيهةةة، بسيطة خل نرجع اشوفچ انجوم الظهر علة هاذ الأسلوب الطايح حظة'طيبة_الربيعي'
ساق للبيت واني دمعتي تريد تنزل بس الغضب البية مانعهة.. الطريق كلة مبين من سياقتة عصبي.. فوگ ما يخون ويكذب حقير..
وصلنة للبيت اني نزلت ودخلت عفتة.. سلمت على خالة ورشا بوستهم هو دخل بيدة الاكل
بدون سلام گل الرشا
رزاق: هاچ اخذي للمطبخ
اخذتهن: وووه عاشت ايدك عمو
باوعلي: تعاي وراي
وراح مشة للغرفة
ام امل: خير خالة شمالة رزاق ضايج
ماعرف شگوللهة
بسمة: ماكو شي خالة هسه اشوفة واجي
ام امل: خوش الله يستر
رحت وراه.. تقدم سد الباب وخزرني
رزاق: حاچيني شمالچ
بسمة: انتة گولي ليش كذبت من گتلي گطعت علاقتي بيهة وهسه كلشي ماعندي وياهة؟'طيبة_الربيعي'
چنت گوة محافظة على اعصابي
رزاق: خااب شمااالچ كلسع وعدتي نفس التتتبن المووضوع مو گتلچ عفتتتهة عفتتتتتهة
بسمة: رجاءاً لتصيح وتحاول تطلع نفسك انتة الصح، شوف الرسائل الي وصلنك قبل شوية شووفهن، المدام مشتاقة لحضنك ومشتاقتلك ليش مرحتلهة خطية
طلع موبيلة وفتحة.. قراهن وعرف نفسة غلطان وميگدر يلوفهة علية
باوعلي: مارحت ولا واعدهة بشي هاذ رقمهة اصلاً مو عندي ذاك رقمهة حاضرة ودازتلي من رقم جديد
أنت تقرأ
النظرة الاولى
Romanceمنقوله للكاتبه طيبه الربيعي حب يولد بين بنت كرديه وشاب عربي عراقي لكن الطريق طويل ومتعب .???
