#النظرة_الاولى
#طيبة_الربيعي
___\البارت الثالث عشر\___
طفرت من مكاني وتربعت بگعدتي داريد استوعب الي دااشوفة.. مستحيل ليش دزلي شنو الغير رأية.. اخاف يگولي كلام يجرحني.. اووف ياربي والله مابية حيل😞
باوعت البيبي نايمة بسابع نومة.. دخلت عالرسالة ودزيت وايدية يرجفن رجف
"اي گاعدة"'طيبة_الربيعي'
"شلون صرتي، سمعت بيچ مريضة واليوم من شفتچ تأكدت"
شنو شلون صرتي يعرف بية مريضة بس منو گايلة؟؟ منين سمع.. يعني اليوم انتبه علية
"الحمدلله مابية شي، منين سمعت اني مريضة؟"
"سمعت"
شجاوبة هسه.. ليش مديگول
دز "شوكت ترجعون لاربيل"
هذا شبي اخاف مو هو الي ديدزلي.. معقولة هو هيچ مهتم ويسأل عني؟؟
"ماعرف عمو شوكت يخلص شغلة هنا"
"هاا يعني انتي جاية علمود عمچ"
"اي"
لعد علمود منو متوقع؟؟؟ بقيت اكل بدماغي ممصدگة
"انة والله ماعرف شأگلچ الصار كلة لا عالبال ولا عالخاطر، انتي بنية شكلچ مايتعيب واكيد الف من يتمناچ بس انة مادور جمال بگد مادور اخلاق، اولاً انتي بنت عم صاحبي من الگماط وصعب اخون الثقة البيني وبينة، وثانياً يا بنت الحلال انة ماعرف شنو طينتچ ولا اعرف شي عنچ لخاطر ارضة بيچ، انتي بسوايتچ هاي مال احبك خليتي گلبي يلعب منچ"
اقرة وحيلي كلة بايد.. اني فعلاً غلطت من سويت هيچ وهسه يلة حسيت علة نفسي.. شبيدي اني والله بلحظتهة گلبي الي گادني واني العلية بس نفذت مفكرت بعقل.. خليتة ياخذ عني هل نظرة المحلوة'طيبة_الربيعي'
"حقك تفكر هيچ اني هسه يلة حسيت علة نفسي السويتة غلط بس صدگني اذا احلفلك براس امي وابوية اول مرة اسويهة وگلبي الي تحكم بية بلحظتهة"
"وانة شلون اصدگچ حتة لو تحلفين يگلچ الچذاب گلولة احلف صاح اجاني الفرج"
"بس اني مو كذابة وماعتقد وحدة مثلي تموت على اهلهة وتحلف براسهم كذب"
"والحل"
"انتة شنو الي خلاك ادزلي هسه"
"مادري"
"اني مراح اگول شي، بس اطلب منك تنطيني فرصة اتعرف علية اذا شفتني كذابة ومو خوش بنية الك الحق تحظرني وتبعدني عن طريقك"
"وشلون ازيحچ عن طريقي"
جريت نفس وذبيتة.. انتة بس اتركني وتلگاني ميتة بطريقك
"گولي كلشي انتهة وطلعني من حياتك بساعتهة محد راح يلومك لا اني ولا ضميرك"
"وحيدر، صعبة"
"حيدر شبي، وين المشكلة كل البنات يحبون ويسوون علاقات ومن ورة اهاليهم محد كشفهم بس من اني احب حرام وميصير؟"
"انتي حرمة والحرمة مايجوز هية التتوسل بالزلمة"
انقهرت "مداتوسل اني كل الي سويتة حچيتلك مشاعري تجاهك، اني مو ذنبي حبيتك وماعرف شلون اتخلص من هل نقمة"
"هاا هسه صرت نقمة"
"اي... انتة نقمة حلوة"
"بوية انتي واگعة فدر وگعة"
أنت تقرأ
النظرة الاولى
Roman d'amourمنقوله للكاتبه طيبه الربيعي حب يولد بين بنت كرديه وشاب عربي عراقي لكن الطريق طويل ومتعب .???
