النظرة الاولى

ج2..ب 16_17

#النظرة_الاولى2
#طيبة_الربيعي
**الجزء الثاني .. البارت السادس عشر**

>>>>>>>>>>>>>>>
جزء ثاني (16)

ذو الفقار: الله كريم
شاهيناز: يعني تاخذني'طيبة_الربيعي'
ذو الفقار: گتلچ الله كريم
شاهيناز: خلي اروح وياكم باچر حتة همينة اساعد ماما والبنات
ذو الفقار: تردين وياي عگبهة غير
شاهيناز: لا حبيبي اريد ابات
ذو الفقار: شنو تباتين شاهيناز وتعوفين زلمتچ وحدة

انداريت عليه.. فاك عيونة يعني صحيتة

شاهيناز: هنة كم يوم وتعال علية، مشتاقتلهم ومشتاقة لأربيل
ذو الفقار: اعرف مامطلعچ من اجينة لحد هسه بس الشغل ماخذ كل وكتي وانتي تشوفيني مارد الة بليل يادوب اتعشة واگعد وياكم شوية وانام
شاهيناز:  اعرف حبيبي مو عالطلعة اني، بس لازم اوگف وية اهلي هسه وهم ارتاح يمهم كم يوم المشاكل دمرت نفسيتي

اخذني الحضنة ويهدي بية

ذو الفقار: ماضل شي ونطلع، خل تعدي سالفة رزاق وبسمة علة خير
شاهيناز: ذو الفقار داحس غلط زواجهم
ذو الفقار: اكبر غلط
شاهيناز: لعد ليش ساكت متحچي
ذو الفقار: ماحچي لين اعرف اخوي معجب بيهة، ويجوز اختچ هم لو ما عدهة شي ويا ماطبلة وهو نايم ومتعري
شاهيناز: اعرف، جيلان لعبت بيهة خلقة عالسوتة، اني صح اشوفهة غلطانة بس اذكر اني هم حبيتك وچنت طايشة بتصرفي خليت گلبي يتحكم بية ويمشيني وعفت عقلي على صفحة
ابتسم وهو مغمض عيونة: احنة وحد
شاهيناز: شو تبتسم'طيبة_الربيعي'
ذو الفقار: شاهيناز انتي نعمة، لو ما انتي الطلعتي بطريقي انة ماجرأ واطلع بطريقچ، انة هم طحت من شفتچ وتيهت دربي بالرجعة، بس ماحچيت ولا بينت لواحد لين شفت تفكيري غلط بغلط وانتي گرايب حيدر عضيدي صعب اخون الثقة وانكر الجميل
خليت ايدي على خدة: يعني لو ما اني طايشة وثولة انتة مستحيل تبادر وتقاتل علمودي
ضحك: الظاهر هيچ
شاهيناز: شلون ذو الفقار، اختي متعيش هنا
ذو الفقار: تتأقلم بمرور الوقت مثلچ
شاهيناز: منو گلك اني متأقلمة، علمودك متحملة
ذو الفقار: سوالف النسوان هاي طبيعية وموش حلو من نكبرهة وهي صغيرة، بس خاف ضامة علية غير شي مضوجچ
شاهيناز: لا هو اني كلشي حچيتلك مضميت عليك حرف حتى لا بعدين تسمع من غيري وتصير مشاكل مو مستاهلة
عصرني: عفية عليچ رويحتي، اسمع منچ اهون من غيرچ
شاهيناز: وهسه رزاق وبسمة شلون
ذو الفقار: ردينة شاهيناز، مو گلنة يتحملون نتيجة غلطهم مانضل انضف وراهم احنة
شاهيناز: بس اعرف الزواج هذا مراح يستمر
ذو الفقار: يستمر اذا بسمة ماشافت حالهة علة اخوي وطينت عيشتة بدلالهة الزايد'طيبة_الربيعي'
شاهيناز: بسمة متواضعة مو مثل ما انتة مفكر، بس متعيش هنا متعيش بسمة متحررة تلبس واطب وتطلع، وين رزاق يخليهة
ذو الفقار: شاهيناز حطي ابالچ احنة زلم خشنة مو مثل زلمكم المايعة مانحب نسوانة مفرعة بين الزلم، حلالك يضل حلالك ماينولة غيرك ورزاق ماراح يخنگهة بس اكيد اذا حلالة مايرضة اطب وتطلع وحدهة وبراحتهة، وين عايشين احنة بلد محافظ والبنية جوهرة ومثل الورقة البيضة اذا توصخت شما تمسحيهة يضل الخدش باين