النظرة الاولى

ج 22__26

#النظرة_الاولى2
#طيبة_الربيعي
**الجزء الثاني .. البارت الثاني والعشرون**

بليل كلش او الفجر هم بارت.. حسب شوكت اخلصة
>>>>>>>>>>>>>>
جزء ثاني (22)

ذو الفقار: بسمة اخوچ قابل ماراح تشوفينهم بعد
ابو شاهيناز: يلة بابا روحي وياهم ذولة هم اهلچ
ابو ذو الفقار: خلوهة يمكم اليوم
رزاق: خير بوية شالقضية كلساع رايحين رادين

كلهم ضحكو لان تهجم بالجواب.. اني وين وهمة وين.. ماما بعدتني ومسحت دموعي

ام شاهيناز: صغيرونتي اختچ يمچ واحنة موجودن نجيكم وتجونة هاي سنة الحياة ماما تتعودين بمرور الوقت
بسمة: بس ماريد اروح خلوني ارجع وياكم

يضحكون علية شبيييهم.. باوعتلة هو ساكت لا يضحك ولا شي بس يباوع.. مسرحية گدامة!! كلة بسببة اني الك يا نذل..

ودعت اهلي وصعدت بالسيارة ليورة.. انطلقو واني بس اشهگ ماگدر اتوقف والله صعبة صعبةة.. شاهيناز يمي لازمة ايدي تهدي بية وتهون علية..'طيبة_الربيعي'

رزاق يسوق وذو الفقار گاعد بالصدر يمة.. واليورة عمتة ويانة

ام امل: يلة حبيبة احنة هم هلچ هسه تتعودين علينة اضلين مرابطة البيت وگاعة
ذو الفقار: وهاي شاهيناز يمچ شكو بعد
شاهيناز: حبيبتي بسومة شوفيني اني تعودت انتي همينة تتعودين بمرور الوقت، لعد ماما من ازوجت بابا همينة ابتعدت عن اهلهة وصار بيهة مثلچ بس بعدين صار عادي وشوفي شلون كل عطلة ينزلهة تشوفهم
ذو الفقار: واي واحد يضوجچ بس گليلي انة اتصرف حتة لو رزاق، سمعتني ولك
رزاق: شمسوين يابة
ام امل: بنيتنة صارت بسوم شحدة اليگرب صوبهة
رزاق: وانة هم ابنكم عمة لاتفرقين من هسه بدت الطائفية

ضحكني.. شگد غوار'طيبة_الربيعي'

ام امل: لا عمة بس هذا تحذير الك
ذو الفقار طبطب على ضهرة: رزاق زلمة مايظلم حرمتة
رزاق: خوية سامعين علي شي وانة مادري، شهل تلمحيات هاية

كلنة ضحكنة.. ذو الفقار يوصي علية وذاكة يگولة انشاءالله وانشاءالله..

حيدر... امي حچت هيچ اني شربت مي

ابو حيدر: بالخير عليهم منير خوش ولد يستاهلهة
حيدر: هو شنو يستاهلهة شتعرفون عليه انتو
ابو حيدر: وانتة شبيك گبيت
حيدر: ماگبيت شعلية اني
ام حيدر: خطبت بعد مالك علاقة بمريم
حيدر: الي علاقة! لحد يفتح هذا الموضوع گدامي بعد

شمرت الخاشوگة بالماعون وگمت

ام حيدر: ياا شبي هذا
ابو حيدر: عوفي خلي، ميخالف

طبيت للغرفة وطبگت الباب.. اني من زمان ممرتاحلهم ذولة خوالهة وچنت حاس واحد بيهم حاط عينة عليهة.. طلعت انتة منير الأعوج.. ابو النسوان.. شعجب قرر يزوج النغل ابن النغل.. لو اعرف اسويهة دموم ماخلي ياخذهة..