النظرة الاولى

ج 2 بارت 7_15

#النظرة_الاولى2
#طيبة_الربيعي
**الجزء الثاني .. البارت السابع**
<<<<<<<<<<<<<<<
جزء الثاني (7)

شاهيناز متفاجئة وبحب: حيدر

متغير.. نظرتة الي مو مثل قبل.. ولا عبالك شاهيتة الچان يطلع اللگمة من حلگة ويحطهة بحلگهة

ذو الفقار: السلام عليكم
حيدر: وعليكم السلام

تركنة ودخل جوة

باوعت لذو الفقار هم متفاجئ بس حسيتة انقهر لان تعابير وجهة تغيرت

ذو الفقار: فوتي يلة، باچر اجي عليچ'طيبة_الربيعي'
شاهيناز: خليني كم يوم
بعصبية وصوت ناصي: حچاية زايدة ماريد، باچر العصرية اخلص شغل واجي اخذچ، يلة طبي
شاهيناز: والفون مناوي تنطينياه اريد احچي وية اهلي

طلعة من جيبة وانطانيا

ذو الفقار: الفيس اذا فتحتي راسچ اكسرة، سمعتيني زين؟؟
شاهيناز: افتهمت

ودعني وراح.. طلعلي عثمان.. رحب بية ودخلنة سوة.. استقبلتني مرة عمي الظاهر عمو مو هنا..

گعدنة بالهول شافت جنطتي

ام حيدر: ماصدگ تباتين
شاهيناز: بس اليوم خالة
ام حيدر: ليش خالة خليچ صارلچ هواية مجاية، من شفت الجنطة گلت شعجب يخليهة تبات المگموع اعرف بي ميگدر يفارگچ

ابتسمت.. حقچ خالة متعرفين.. عثمان شوية وگال طالع من ارجع اگعد وياچ هسه ابوية رايدني

شاهيناز: اخذ راحتك حبيبي

حيدر ماهوة وين اختفة'طيبة_الربيعي'

ام حيدر: اي شلونچ بعد شلونة الزواج وياچ
شاهيناز: الحمدلله خالة كلشي تمام
ام حيدر: متفاهمين يعني؟
شاهيناز: اي متفاهمين بس هم تصير مشاكل بسيطة
ام حيدر: عادي خالة شي طبيعي هية الحياة الزوجية اخذ وعطاء كسر وجبر مو كل الايام سعادة
شاهيناز: صحيح

اني بالي يم حيدر.. احس روحي تريد تطلع مني وتروح ادورة.. خالة تسولف قطعت حديثهة

شاهيناز: خالة اگطع حديثچ بخير، بس حيدر وينة
گامت: اي هسه اصيحلچيا اكيد بغرفتة
شاهيناز: شوكت اجة اشو ماادري
ام حيدر: البارحة بليل وصل، مقبل نگول لأحد خالة شسويلة
گمت: تمام خالة مو مشكلة، اني رايحة اشوفة من رخصتچ، انتي گعدي
ام حيدر: البيت بيتچ حبيبتي
شاهيناز: تسلمين خالة

صعدت الغرفتة ودگيت الباب.. صاح فوت..

فتت.. چان منتچي علة تاج السرير ويباوع طوبة.. من شافني گال

حيدر: شاهيناز، رجاءاً
سديت الباب وفتت: ليش حيدر، شنو ذنبي هيچ تگطع بية، مو حرام احب يعني مو انتة چنت تحب مريم يعني حلال عليك وحرام علية
حيدر: مابية حيل احچي بهذا الموضوع، لدخليني بحياتچ الخاصة
شاهيناز: بس اني اريدك تدخل، اعرف اني غلطت من سويت علاقة وية ذو الفقار من ورة ظهرك...
قاطعني بعصبية: اگلچ مالي دخل لتحچيلي ولا تبرريلي روحي نزلي
شاهيناز: سامحني حيدر لتنسة اني شگد احبك واحترمك، انتة اخوية شلون ينطيني گلبي ماتوسل بيك واطلب السماح، والله مشتاقتلك ويومية انام واگعد افكر بيك وهسه من شفتك عبالك كلشي بالدنيا ضحكلي'طيبة_الربيعي'
حيدر: انتي ماحترمتيني ولا خليتيلي اعتبار من رحتي صادقتي صاحبي، لا عبالچ الحب هذا يستمر، بعدچ متعرفين ذو الفقار بعدچ، انتي فقيرة وبنية متنتمين لذاك الصوب، بعدچ بالبداية بعدين اذا ماعضيتي ايدچ ندم اطلع اني معتب
شاهيناز: اني مرتاح وياه واحبة ويحبني ميهمني الباقي، بس حيدر اني احترمك لكن هل شي مو بيدي، من حبيتة مسويت شي غلط وداعة عيونك وشفت شلون رأسن اجة خطبني
حيدر: انتي لتخلين ابالچ اني ماريد سعادتچ، اني اكثر انسان يرتاح من يشوفچ مرتاحة وفرحانة، ومشكلتي مو وياچ اني مسامحچ لان اعرف بلوعة الحب شنو، بس عتبي عالسلمت گلبي بديهة وخليت الطوبة بساحتهة
تقربت گعدت يمة: صدگني مريم متندمة
حيدر: ابد لجيبين سيرتهة يمي، شاهيناز ابببد
شاهيناز: ماشي، بس المهم تسامحني، حيدر مشتاقة لأيامنة قبل تذكر شلون چنة مثل السمنة عالعسل كلهة حاسدتنة
حيدر: انتي الضيعتي هاي الايام
شاهيناز: مستحيل، هل ذكريات مينمحن وهل الايام تتكرر انشاءالله اذا انتة تصير متسامح وتنسة الصار
حيدر: مال انساه صعب، بس احاول اتغاضى عنة
ابتسمت: مشتاقتلك من شفتك كلش فرحت
حيدر: واني هم مشتاقلكم
شاهيناز: تعال ننزل جوة عيب خالة وحدهة