النظرة الاولى

28

#النظرة_الاولى2
#طيبة_الربيعي
**الجزء الثاني .. البارت الثامن والعشرون🔥🔥🔥🔥**

تدرون غيرت رأيي؟ اغلبكم حابين ابقة على الغلاف نفسة لان تعودتو عليه واني كذلك حابة اغيرة بس هذا احسة ملائم للقصة وبي مشاعر مثل ما بعضكم گالو
فراح ابقة عالقديم😍😍

<<<<<<<<<<<<<<<<<<<<<<
جزء ثاني (28)

ميساء بغيض: ذيچ تبيع شرف ورقة براسنة وهاي لسانهة بطولهة، الله يعينكم يا احمويني الله يعينكم

ردت ارد رشا لزمتني: عوفيهة بسمة مسمومة هاي لاتحطين عقلچ بعقلهة
بسمة: مسمومة على نفسهة اكو من يردهة
رشا: ختولي والله لو ادور مشاكل چا گلت لجدو لحظة وحدة مايبقيهة بالبيت
بسمة: هية لو عندهة كرامة مترجع، بس واضح ساحلة نفسهة على الخير الي هية بي'طيبة_الربيعي'
رشا: هي چي بت فگر لا تغرچ من تگلچ بنت شيوخ

مشينة للغرفة وگعدت تسولف واني ابدل

بسمة: شنو يعني
رشا: يوم الخذاهة عمي امي تگول ماشايفة رغم دارسة وعدهة شهادة بس عقلهة مال وحدة جاهلة حتة الأمية مو مثلهة
بسمة: لعد علويش اخذهة اذا هيچ
رشا: يمعودة هنة ذني عايشات عالسحورة تلگيهة عگدت لسانة وعيونة وخلتة ياخذهة، همة چانو جيرانة بس من خذو گاع سكنو كلهم سوة يعني اهلهة وعمامهة
بسمة: اعوذ بالله هاية فعلاً شريرة
ضحكت: والله بسمة مو مجاملة بس انتن شي غريب رقيقات مو مثل ذني معذربات كلهن لسان وشيطنة، حتة سكينة خطيبة عمي القديمة ولا چان طايقهة بس مايگدر يحچي لخاطر ماتصير مشاكل بين العشاير
بسمة: شكراً حبيبتي رشوو انتي وامچ درر متعجبة عليچن ولا عبالي اطلعون فعلاً مثل ما شاهي گالت
رشا: والله امي تحب شاهي مثل بتهة ودايماً توصيني عليهة من چانت هنا
بسمة: گالت، دائما تمدح بيكم والنبي حتة چنت اگوللهة وين اكو هيچ انتي تبالغين، بس هسه فهمت قصدهة زين
رشا: بنت اصول والله'طيبة_الربيعي'

شاهيناز... رديت

شاهيناز: الو
ذو الفقار: كسرتي احچايتي ورحتي شاهيناز
شاهيناز: متصل علمود تعيد نفس الكلام؟
ذو الفقار: مرة ماتصيريلي بعد ولا تضلين تتبچبچين اذا خذت عليچ
شاهيناز بعصبية: اخذ وطلگني همينة افضللل
ذو الفقار: لا ماطلگ خليچ هيچ معلگة، وانة اخلي امي تشوفلي وحدة سنعة
شاهيناز: اي تنفعك وحدة سنعة مو مثلي عوبة ومابية خير خليتة ادمغ بية لحد ما الله گال بس
ذو الفقار: ولچ طلع معدنچ الحقيقي انة مدمغ بيچ؟؟ چي احافظ عليچ وماريد واحد غيري يعاين عليچ؟؟؟
شاهيناز: واضح معدن منو الي طلع على حقيقتة، اذكرك اذا نسيت انو انتة الرخصتني امام الجميع مو اني
ذو الفقار: قبل لا ارتبط بيچ حچيت هاذ الحچي
شاهيناز: هاا يعني تعترف حاچي عني هيچ
ذو الفقار: لا ماحچيت الوصلو الچ
قاطعتة: خلي امك تاخذلك وحدة معدلة تفيدك وتتحمل الظلم الي اني شفتة