بيد قلبي

part 1

بيد قلبي ....
بارت 1 ......

ليس بيدي قد احببتك ...
ياليتني لم التقي بكي يوما ...
ولكن عندما رأيتكي ....
وانتي طفله ...
قلبت موازيني
اصبح قلبي بيدكي وليس بيدي ...
وانتي طفله ....
ولكن ماذا سأفعل ؟؟..
فهل سوف نلتقي مجددا !! ...
لااضن .....
تمنيت ان تكوني بين ذراعي بوما ...
هل سوف يتحقق حلمي ...
هل تكون هذه الاحلام حقيقه ..
الى متى ...
الى متى ...
.........

     ☆☆☆☆☆☆☆☆

اسمي صلاح من ناصريه ...
مواليد 1980
عمري 27 ...معهد طبي ..
قسم تحليلات ...
اني اصلي من ناصريه ..
لكن اخذت اطباع بغداد ..
لان دراستي صارت ببغداد ..
لكن منسيت اصلي ...
عائلتي متكونه ..
من ابوي وامي واخواتي 6.
واخواني4   ...
خواتي ..
انتهاء واميره وقبس واسراء متزوجات ..
واساور وآيه ممتزوجات ..
واخواني ...
قائد .
ومحمد
ومؤمل
وسجاد
ثاني واحد بيهم ..
والاكبر قائد
اني طبعي جدا عصبي ...
مااجامل ولااضحك هوايه ...
اكره اليضحك هوايه ..
واكخ بي ..
مااعرف ليش اضوج ..

فقط اضحك من تجي وحده ..
وحده اخذت كلبي ..
كل بنات الكليه ولحد اليوم ..
يحاولن يتقربن مني ..
لكن كلبي وعقلي ..
كله يم وحده ...
احس من توكف يمي تشنج كل اعصابي ..
اهدئ ..
واباوع عليها شلون تحجي ..
بطفوليه ...
وساكت ..
لكن كلبي يريد يركض ليمها ..
بنت عمي ...
ليلى ....
عيونها زيتوني طووخ ...
وخدودها يخبلن ..
شعرها الناااعم ..
من صغيره وبس الزمها من شعرها تكوم تعيط
ورصعتها ..
من تضحك تاخذ كلبي ..
امنيتي ابوسها من الرصعه ..
مااعرف من اشوفها ..
كلني اتخربط ...
احس هذا مو حب ...
لااااا اكثر واكثر ..
اتمنى اخليها بكلبي ..
واقفل عليها بمفتاح ..
والمفتاح اذبه بنهر ...

جنت بطفولتي اني وياها وياها ..
من جنت اضربها ..
واعاند وياها ..
بس من تبجي ...
اكوم الوب ..
اريد شي يسكتها ..
واني من صغري مااكدر ...
مااكدر اعتذر ..
كنا عايشين كلنا بيت واحد ..
الي هوه بيت جدي ..
بس هسه افارقنا ..
احنا طلعنا بيت وحد ..

من كبرت ..
صارت متحاجيني ..
واني اتخبل من تصرفها ..
على كد السلام ومرات متسلم .
هيه لسان ..
ماادري شلون اكلها احبج ..
من اشوفها اريد انفجر ..
اهلها مدلليلها زايد ...

عمرها 17 ..
بكد اساور اختي ..
اسمع يجوها خطابه ..
ذاك اليوم البيت ينكلب عززه ..
ومايعرفون احبها ..
عمي ميقبل يزوجها لان هل البنيه ..

يوم الاحد نزلت من الخفر ..
تعبان الصبح ..
رحت خليت راسي ونمت ..
كعدت متكسر ..
على صوتها ...
وهيه تضحك ..
وصوتها الي كله انغاام ..
صدك هاي ليلتي ..
رحت ركض ع المرايا ..
عيوني وارمات من النوم ..
رحت غسلت بسرعه ومشطت
ولبست الرموده .
ونزلت بتعلاكه  ...
اعرفها تخجل من تشوفني هيج ..
شفتها ...
كاعده ...
ومخليه الشال على اكتافها ...
كلبي يريد يطلع ..
من الدك ..
خليت ايدي على صدري ..
واباوعها ...
طفله هيج تسوي بيك ..
رحت يمهن ..
شفتها عدلت الشال ..
سلمت ...
- شلونج يبن عمي ..
كامت تفرك بيدها ..
- بخير الحمدلله ..
انت شلونك ..
مدانشوفك ..
- اي تعرفين مشغول هلايام ..
- يمه سويلي اكل. .
كلش جوعان ..
- من عيوني ..
كامت ليلى ..
اريد اعرف ..
ليش تبتعد عني ..
ليش ...
امي كلتلها ...
سويله اكل هسه اجي ...
راحت واشوفها مرتبكه ..