بيد قلبي

part 21

بيد قلبي
أماني محمد ....

------
"منذُ خطوتي الاولى نحوك وانا اعلم جيدًا بأنه لن يكون لِي مهرب منك ابدًا ولن،ننتهي"...

ليلى ..

- ليلى انتي وين ..
- اني اني بالمستشفى ..
- وين باي مستشفى الو ليلى تسمعيني
- اي اسمعك
معين تعال
وجيب اهلي وصلاح ..
كنت اشهك
- اي اي والله جاي
بس كوليلي انتي بيا مستشفى ..
سألت ام كاضم وكتله
- جااي لا تخافين ..
ضليت ممدده وراسي يون
وايدي
واحس الم باحشائي ..
اباوع ع الناس اليمي
كلها يمها اهلهه
ماعدا اني وكم وحده ...
اجتي ام كاضم
كالت محتاجه
- لا خاله نسلمين
بس سؤال
الانفجار بي شهداء ..
- اي يمه بيهم والله ..
الله يرحمهم ..
كمت اموت من كالتلي هيج ..
ضليت ادعي ربي رجع اهلي سالمين ..

وره شويه واشوف معين جاا ..
بس شفته طكيتها بجي ...
هوه حار بيه ...
- ليلى شلونج باعيني ليالي ..
- معين اهلي اهلي شلون
خابرهم والله محافضه ولا رقم ..
- ليلى اني كان خابرت
على صلاح
بس اذا اخابره راح يكول منين تعرفها ..
- انطيني الرقم
معين الله عليك
اهلي بيهم شي
- لا والله مبيهم
كلهم هناك
بس اهدي لا تضلين تبجين ..
انطاني رقم صلاح ..

كال واكف بره
هسه اجيج ..

دك ..بسرعه رد ...
- ص صلاااح ..
- ليلىىى
انتي ليلىى
- اي صلاح اني ليلى ...
اهلي وين ..
سمعت صوت عالي يمه ..
- صلاح اهلي بيهم شي
- لا لا كلشي مبيهم
ليلى انتي وووين
كتله بمستشفى ****
كال جايج ...

وره شويه جا معين
جابلي مي ...
مسحت دموعي ..
- تعبتك ويايه ..
باوع بعيوني
ونصه
- لا بلعكس ..
- شمدريك اني مو بلبيت ...
شفته ارتبك ..
- سمعت من الناس ..
- والله مااعرف شلون اشكرك
ماما وبنات عمي هناك مو ..
- اي كلهم موجودين
ليش جبانه لا تخافين ..
وابتسم ..

كال راح يجي زوجج
اني طالع ..
- ماشي
اشكرك مره ثانيه
الله يخليك ...
طلع بعد مباوعلي بنضره محيره ...

وره شويه
جا صلاح وبابا ومثنى ...

اول مأجه صلاح ضمني لصدره ..
- اخخ ليلى شلونج
حبيبي انتي بخير موو ..
بعدين جا بابا ومثنى بوسوني
اباوعلهم
عبالك كانوا بالانفجار
تعبانين
ومعين اكثر واحد
اصفررر. ..
وكل شويه يفرك بعيونه ...

- امي وينها
بابا - امج بلبيت لا تخافين ..
- مبيها شي موو ..
- اي بنيتي ...
بابا بجه ..
- ولج والله كلت راحت بنيتي
راحت ليلى ...
بجيت وياا ...

بعدين اخذوا الموافقه
وطلعوني ..
صلاح لزمني ..
وسندني ...
من طلعت
شفت معين واكف بعيد بالشمس
ويباوع علينا ..
اشرلي بأيده باااي ...بابتسامه ..
صعدت بالسياره ..
وصلاح كل شويه يباوع عليه
كان بعيونه خوف عليه
مو طبيعي .
اني كنت تعبانه حييل ...
وصلنا ...
لكينا العائله كلها هناك ...
ماما كركم صايره وترجف ..
اول مأجيت
ضمتني لحضنها وتبجي ..
- وج يمه ليلى شصاير بيج
- ماما مبيه شي على كيفج ..
كلها جتي وبوستني ..
الي سمعته
اساور مجروحه بس مفقدت مثلي ..
كانت الصدمه بعدها بيه
والالم ..
صلاح اخذني وياا ..
لبيت عمي ...
رحبوا بيه بيت عمي ..
والجوارين تحمدولي بسلامه ...
صلاح صعدني للغرفه ...