بيد قلبي. ...
أماني محمد ...
رحت للغرفه
كعدت بين الكنتور والجربايه
كانت الغرفه ضلمه
خليت ايدي على وجهي
وكمت ابجي من الفزعه
ضليت بفستاني ..
جتي عليه ماما وبابا واخوتي
شافوني هيج
وتخبلوا
بهل الحاله
وفكرت بشي واحد
بصلاح
عنده ضغط ودائما يرتفع ...
بابا - شبيج بنيتي ليش كاعده هنا
- يابه دشوفها شلون دترجف
ليلى عيني بيج شي
كنت ماحجي بس اباوع بلوجوه
بابا خلاني على صدره
وكمت ابجي بصوت
والزم دشداشته
وهوه يمسد على شعري ...
شويه هدأت
والرجفه بجسمي لساها !
مثنى اخذني للسرير
شاف كصتي ناار
واني مراره بحلكي
جابلي خافض الحراره
وعلاج
وضربني ابره لل2 يله ناموا
ثاني يوم
كعدت لكيت ماما نايمه يمي
ومبين عليهه التعب
كعدت حسيت بدوخه مو طبيعيه
حتى وكعت ع الطبله
ماما كعدت ع الصوت
- شبيج ياامي
لزمت خدي كالت حرارتج نزلت
باوعت على ملابسي
غير الفستان
كتلها مانا منو بدلي ؟
- اني
لان من فكتج الصخونه
عركتي وبدللتلج
- بس احس بدوخه
- اي من العلاج
امشي انزلي حتى افورلج حليبه
- لا ماريد
- بنيتي لا تعندين
رحت للمغسله غسلت وجهي
وبردانه حييل
رحت ع الصوبه
كعدوا
ماما سوتلي شوربه وحليب
كوه اكلتهن
بيبي بيت عمي
من صار البارحه
كالت اشوف حل ...
وره الريوك
رحت خليت راسي ع المخده
وارجف
حسن كال راح اجيبلج ابره
- لاااا ماريدها
- ولج بلكانونه
- لا لا هسه اصير زينه
- شصيرين
ميفيدج اله ابره
راح جابلي من المضمد
ومثنى ضربلياها
كعدت على صوت جوه
شويه احسن من الصبح
باوعت ع الساعه
ب2 عزه شكد نمت
لميت شعري
واخذت الشال رحت للهول
كانت ماما نايمه
واخوتي بالشغل ...
تذكرت بشار
كلت شلون خطيب
لا اتصل ولاابد ..
رحت ع المبايل
لكيت رقم غريب داك عليه
شكيت هوه ..
دك وهوه بيدي
جاوبت
- الو
- هلو ليلى
ليش متردين من البارحه ادك عليج
- مريضه
- ههههه بله اول يوم الخطوبه
وتمرضتي شيكولون خايفه من الزواج !
سكتت كان يحجي بضحكه
- شو ساكته
- شحجي
- صدك مريضه شبيج ؟
- مصخنه
- ماخذتي علاج
- اي اخذت
ممكن اسأل سؤال
- تفضلي اذا تردين اجي واسالي
- لا لا
خلي اسألك هنا
- هههه ماشي
- ليش جيت عليه
وتعرف اني مااكدر انجب اطفال
اكو بنات هوايه
وحتى ممتزوجات
يتمننك
- وليش يتمنني ؟..
هيج اني حلو ..
- مو قصدي هيج
بس انت مقاصر من كلشي
ليش جيت عليه
ترى ماافيدك !
- ليلى
قبل متتزوجين اني شفتج
تذكرين
كنتي صف سادس
اني متزوج
كنتي ع السطح
لابسه التراكسود الوردي
وباندج
وخدودج بلون التراكسود
ماخذه السطح عرض وطول
هنااا تمنيتج تصيرين من نصيبي
ومره بيت عمج شفتج
- مااتذكر
- هههه لعد شبيه مدانسه
ردت امشي عليج
بس متزوج
ماردت اكسر بخاطرها
- ليش محبيتها
وبعدين انت متزوج
شلون تباوع على غيرها
- شسويله لكلبي
وهسه اسعد انسااان والله
شلون صرتي
- الحمدلله زينه
شسويت البارحه
اسفه سببتلك مشكله
- عادي ليلى
اهم شي اني وانتي سوه
صدكيني راح اخليج بعيوني
ويالفه الاطفال لا تجيبيها على بالج
ماشي حبيبتي
سكتت
شوكت صرت حبيبته ؟ ..
- هاا هم سكتي
احب المره التحجي اني وضحك
- يله بااي
- انهزمي انهزمي
بعد ورانا طرييق طويل
سديته
واني عقلي مشوش
وين انطي وجهي
اووووووووووووف !!! ..
أنت تقرأ
بيد قلبي
Romanceتمنيت ان لا تدخل في قلبي ولكن ماذا حصل لقد قلبت موازيني ... احبكي احبكي ولكن .. هل سنلتقي يوما ما ... ااااااااااااه ....
