بيد قلبي

part 8

بيد قلبي 💖💕
الكاتبه 《أماني محمد 》

.........
اخذنا محاضرات
وماحتكيت بأي بنت
ماعدا الويايه كاعدات بالغرفه ..!

فيروز كانت مبدعه بلبسها ومكياجها ! ..
كل يوم تبدع ...
وكان كنتورها عباره عن مكياج
وعدسات وحتى باروكات !! ..

وهوايه يباوعولها
وهيه لابسه الكل ..
وتضحك وتشاقه ..
كلش احب شخصيتها ..

اول يوم من دخلت للقاعه
كانت ويايه ويايه البنات ..

والحمدلله كضينا ايام حلوه كلش ..
خلصت الاجازه ومتلهفه على الرجعه
من صدك مشتاقتلهم .!

بابا اجه اخذني
هوه ومثنى وحسن ..
بوستهم ..
- هلو بابا مشتاقتلك ..
مثنى كرصني - ولج واني..!
- هههه طبعا مشتاقتلك ..
- يروح ابوج واني اكثر
والله البيت ماله طعم .
.حسن كال
- ليش لازم ممخلين بهارات
ضحكت عليه
اي شويه كام يشااقه ..

كنت كلش متلهفه على شوفة ماما وبيبي
وصلنا وتلكتني ماما يم الباب
وهيه كل شويه تخابر !
حضنتها وتبوس بيه ..!
- والله نور البيت
مثنى - يمه وينكو ..
هاي وطنيه مو هيه ..
- امشي انت خليني ويه بنتي
دخلنا جوه
ورحت على بيبي
ضلت تعاتبني ليش عفتيني
كنت تعبانه ..
كتلها بيبي شسوي دراسه غير ..
بيبي - هسه صار بي روح البيت
مثنى - اهوووو
بيبي احنا مو بعينج خرب بحضنا
- كلكم متجون ليلى ..
هاي قطعه من روحي
حضنتها ...
عفتها
وهيه تحجي مال قبل ..

ماما جابتلي الاكل ..
كالت روحي اسبحي
رحت سبحت..
ومن التعب
نمت اووي يمه جربايتي
محد ياخذ مكانج ! 
كعدت بليل على ماما
- ماما ميته نعاس
فدوه عوفيني
- ولج يمه جيتي تنامين
والله مشتاقيلج ..
عندي الج بشاره ..
- شي اكيد صلاح جا ..
ضحكت - اي خطيبج ..
- لااا فال الله ولاا فالج
- يمه عيب تعالي
جوي بيت عمج
وبيت خالتج
- بيت خالتي شكو
- ولج امشي شلون خبال
اختي تريد تشوفني ..شكلها اكلها ليش جيتي
- يله بس شويه ..
راحت
شويه وغطيت بنومه ..
فزيت على صوت يم اذاني ..
عرفت هذن الشوادي جني
آيه وأساور ..

- الله ياخذجن يااارب ..
- هههه شلوونج لوله ..
مشتاقيلج
تدرين من رحتي مجينا لبيت عمي اببد ..
بوستهن ..
وغسلت
رحت عليهم
كاعدين بالهول ..
كنت لابسه تراكسود رصاصي
بس البدي شويه طويل ..
وشعري مكفش
وبس اغطي بي بشال ..
سلمت وبوست الكل .!
وبابا يكول هاي بنيتي
بس تحتاجون شي هيه تصمملكم البناء ..

باوعت صلاح ماكو
يوو هاي شمعنه ! ..
بنات خالتي مو كلش علاقتي بيهن
كعدنا اني وآيه وأساور
نحجي على الكليه
هنه نقبلن كليه تربيه
بس كل وحده تختلف ..

أساور - هم اكو شباب هناك ..
- يااا زاحفه ولج شسوين بالشباب
- من امداج لعد شكو رايحين للكليه
- اي اكو بس شعليه بيهم
- ولج هنيالج انتي قسم داخلي ..
آيه كالت - سولفي
شلونها الكليه
منو وياج بالغرفه
كعدنا بالمطبخ
وجمعت البنات
وسولفتلهن كلشي ..!