بيد قلبي

part 23

بيد قلبي
اماني محمد ....

مرت الايام ...
وكنا
كل يوم نتعارك اني ويا ..
حضرتله ملابس بالحمام
ونفشت الكنتور اعزل بي
فجأة نفتحت الباب بكل قوتها ..
اني كنت لابسه تراكسود ..
وكفت من شفا منضره خفت
العيون حمر
الصدر يصعد وينزل
شعره مخربط ..!
كتله
- صلاح حبيبي شبيك شصاير ؟..
رفع عيونه بعيوني ..
كانن حمر دمم ..
لفتت نضري ايده ترجف ..
-  اسألج سؤال بس والله ياليلى اذا كذبتي
بحررف اقتلح واخلص منج ...
- من كنتي بالمستشفى
بطني كامت تلويني من كال مستشفى ..
كنت ناسيه ذاك اليوم ...
- المن خابرتي ..؟؟؟
- ا اا ه مخابرت احد غيرك
- ليلىىىىىى
خابرتي معين ...؟؟؟

ولزمني من ايدي حييل ! ...
- ااااي صلاح ايدي
- احجيييي بس كولي اي لو لا
- افهمني صلاح الله عليك
نكث ايدي ووكعني بالكع
- خابرتي ليلى خابرتي ..
دموعي وكعت على خدودي
- صلاح والله  مكنت حافضه رقمك
والله وداعتك وداعت بابا ..
صلاح لا تضلمني

- انتييي طالق طالق طالق.  
ودفعني بكل قوه ...
ضلت ترن بأذني كلماته ..
باوعتله كام يكسر بالغراض
راح ع الميز ويكسر المكياج
الي كان مالي الميز ..
مخله شي بالغرفه . 
بالاخير جا عليه
ولزمني من شعري وكتل
جوي بيت عمي يخلصوني منه .
بلحضه حسيته مو صلاح
لا وحش ...

جسمي كله يون عليه ....
حلكي وخشمي يجرون دم ..
ومستمر يحجي ويغلط
ويريد يهجم عليه. .
يطلعهم
- عوووفوني اني وياها
لااااااتددددخلووون ...

عمتي كامت تلطم
من شافته شلون منفعل ..
اني مكرفصه ولازمه خشمي ...
كانوا حواليه كلهم
ويهدون بي ...
وهوه شنو يجي بأيده يشمره ..
الغرفه كلبها
- اكتلها والله يابه اذا مرحتوا
بس خلوني اني وياها كلشي ماسويلها

- صلاح يمه اروحلك فدوه اهدأ
كللنا شبيك والله البنيه راح تموت ...
- اطلعوا داخذها
ماريد اشوف وجها
ارجعها منين مجتي !!!!...
عمي كله
- ولك كاااافي شنو من بشر
لا تحجي السبب
وكل يوم نازل عليهة بالكتل
شكبرك بعددد تصير وتتصرف مثل الزعاطيط
احترمنا احترم عمك

مهتم للحجي ..
عاد اني كلت خلي اريحه
كمت وكغت ومشيت يمهم
عمتي تغمزلي ارجعي للغرفه
مهتميت لأحد
جمعت ملابسي ..شويه
وكتله
- اني طالعه صلاح راح اريحك مني
وعمي ترى صلاح طلكني
منسمع غير العياط ..
صلاح كان يدخن ويروح ويجي ..

كال امشي بسياره
رحت صعدت وخشمي ينزف
ودموعي تبلل خدودي ..
عمي كال
- ليلى ارجعي لمكانج
- لا عمي الشغله بيني وبينه
يبرد وانشالله خير
- ليلى يمه لا تكطعين بينه
وارتاحيلج شويه وارجعي

جتي زهراأ تبجي والبنات
- ديري بالج على نفسج
وخلي تلفونج مفتوح
بوستهم وطلعت بسياره ...