بيد قلبي

part 22

بيد قلبي ...
أماني محمد ...

__________________

زلمة شكبرني ،
وخفت منج ،بس ليش هو انتي
       هلگدوتج😍

رحت اتختل ويه الحياطين
ليشوفوني الولد ...
رحت للحمام ...
صلاح اسمعه يصيح بأسمي ..
ليلىى ليلى ...
- ها ها هياتني
كان شايل منديل
ويمسح بشفايفه ...
شكله يضحك
- ولج وين موليه بهل اللبس
امشي ولي البسي عباء ..
- ههههههه
اعرف من حركان كلبك دتحجي
بس حبيبي بليل يبدأ الشغل

من كلت هيج
سد باب الحمام
وتقرب بوسني ..
- انعل ابوج يبو هل الجمال .!!
- يااا دتغلط على بابا ..
- اووي بابا انعل بابا ...
ضحكت ....
وكوه تخلصت منه ..
رحت للغرفه لبست شال وعباء ..
كلي امسحي اللبخ ..
مسحته وكلت هناك امكيج ...

دامشي والحجل
- ذبي الصخام بعينج هم
- اوووي راح تجردني
شنو وين رايحه
غير لعرس
- وعلوووي امشي تره مخليج تروحين !
تحضر ..
وجيت خربطت شعره ..
باوعلي صفح
- لج دتلعبين بالنار واني صاير نار !!
- ههههه حياتوو من اجي شبيك ..!

رحنا بسيارة رائد
لان صلاح ويا شباب !..
وصلنا لبيت العروس
كان مرتب وحلو
رحت بوست العروسه
وباركتلها ..
بعدين كلت الاختها
- اريد غرفه ابدل بيها
-اي تعالي ويايه
رحت وودتني للغرفه
لكيت آيه هناك
- ولج ليش مصحتيلي
- نسيتج
وانتي شو ممخليه مكياج
ولج غير حماج
رفعتلها حواجبي
وطلعت المكياج من الجنطه !
- والله مينكدرلج
اليشوفج كلشي متخلين ..
ذبيت العباء
والشال
وخليت مكياج
لبست الحجل
بعدما راحت ايه
سويت شعري ...
ورحت يمهن
كام يرن الحجل
اضحك بخجل
لان كلها انتبهت ..
زهراء كانت لابسه صدريه مال حوامل
كلش حلوه ..
فكت عيونها
- يا معزايه منيلج
- هههههه اسكتي لا تخجليني
- فلك فلك ولج شمسويه
منيلج هلفستان
- من المحل يعني مين ههههه
ضلت تحجي وتكول راح تسودني للرجال
اجمل يوم
صدك الاعراس تجنن
كل شويه وحده تجي تباوع عليه
حسبت نفسي عارضه
وهنه خواتها
لابسات صلوخ
واني بس شويه قصير ..

كمت اركص شويه
وركصنا العروسه ..
بعدين صاحو جاا العريس
رحنا نتراكض ...
اني لبست العباء وجيت
زهراء - باع الشرف والعفه
آيه - ولاجنها هستوها دكت لمن كالت يزي
أساور - بركاتج زليخه
- ههههههه عوذا منجن
دعوفني ..
ماما شافتني
- والله لو ملابسه هلبس احسلج
ماما عين العالم مترحم
-ماماتي هسه عبالك نانسي مو ليلى

فض العرس ..
رحت ويه صلاح ..
صعدت اول وحده
بوسته بخده
هز بأيده
- لا ماناويه ع خير انتي
كمنا نسولف
وهوه يباوعلي بعيوني
ويكلي بدي اكلج اكل
اقتحمت السياره زهراء والبنات
- ياقوم خفوا علينا
ترى نحن هنا ...

رجعنا وقضينا اجمل ليله بلعمر

مرت الايام والشهور
ومر على زواجنا سنتين ...
وعمتي تسألني على الخلفه
واكلها عمه ماكو بعد
كنت كلش انقهر
اتمنى اشيل بحضني طفل ...
صلاح اشوفه من يشيل
اولاد رائد
اكضيها صفنات عليه ..
مرت سجاد صار عدها
وحامل 7 اشهر ..