بيد قلبي

part 14

بيد قلبي ..
أماني محمد ..

_________

صعدت بالسياره
وكلبي ويه وصولنا للقاعه
تزيد دكاته ...

حتى نفسي ضاق
شنو اسوي
شنو مصيري
ورا هل الزواج
وصلنا تقريبا المغرب ..
كانت بطني تطلع اصوات من الجوع
ويه نزلتي من
السياره
اشتغلت الهلاهل
صوفرت اذاني
كانت الاجوء حلوه  كلش
حتى بيت منو
معرفت
لان البركع فوك راسي ..

دخلنا بيت عمي
البيت عباره عن اضواء 
ونازكه جدا
القلوب بالكع
وورد ..
والكوشات
من غير الكلوبات
كانت منوره
لاول مره اشوف هيج اجواء
اباوع
هنا وهنا
اريد امي
اريد احد من عائلتي
كنت امشي واتعثر
من الكعب
والبدله
سألت آيه
- احنا ليش جينا بيتكم
ليش مو بيتنا
- صلاح مقبل
- شنو بكيفه
اريد امي ..
- يمعوده شعلينا
همه تفقوا
راد بيت اكبر
ويكول بيتنا ..
انعقجت
اريد امي انهد بيها .
شنو معدنا بيت دنجي بيته

بيت عمي
عدهم استقبال جبير
وديوانيه ..
احنا كعدنا بالاستقبال
والزلم بالديوانيه ...

شلت البركع من على راسي ..
جني النسوان تبارك
وتبوس ..

بالاخير جتي ماما
اباوع عليها من الباب
عيونها مثل الدم
نزلت دمعتي
وبسرعه مسحتها ..
جتي وهيه مبتسمه
بس من
عيونها
اعرفها
بوستني
ومو بس هيج
حضنتني ..
- مبروك عليج يمه
- ليش هنا
ماما بيت معدنه
- اشش لحد يسمعج
بيتنا صغير
ورجلج
كال بيتنا كبير
ويلم ..
شكو بيها
- خلو خلو يتصرف بكيفه
بعد كبروا راسه
اول شي
سويتوا
من كتوله اخذها
وبعدين سكتتني...
- كاافي كافي يمه ..

راحت من يمي
اريد
يشفي غليلي

جابوا العشاء
من صدك
استرخصت نفسي
شنو
مشايفه هيج ابدد
يسوون الخطوبه بيت العريس
اجيت ابجي

اكلت لكمتين
نسدت نفسي من القهر
وبعد وبعد

كامن البنات يركصن
وكل شويه يبدلن
كلها
فرحانه
وحتى عمتي كامت
تركص
من صدك
ضحكت على ركصها
وبيبي كاعده يمنا
وتسبح
وآيه واساور
يصنفن عليها ....

وره الركص ...

صاحوا
راح يعقد السيد ...
صنطت كلها ..
وبين كلها ..
اني يأست من حياتي
رحت يم الباب ..
وعقدنا
وتم كلشي ..

بعدين جااا العريس ...
وكامت
ناس تردم (تدعم ) ناس ..!!
وبين كلها اني
كاعده
وجسمي مثل السعفه
اصبر نفسي
اهدي اهدي
اغمض عيوني وافتحها ...
دخل هوه وابتسامته ...
ويرجع بشعره ..
النسوان تهلهل ..

اول مااجه ..
يباوع عليه ..
باسني من راسي
ضل بالثواني
مخلي شفته على كصتي
ويشم ..