بيد قلبي

part 5

بيد قلبي 💕
بقلم أماني محمد

بيوم كاعده بلغرفه اضفر شعري
ماعندي شي انشغل بي !!
صاح بابا ..
نزلت !!
- نعم بابا ..
- تعالي كان يضحك ..
باوعتلهم - شكوو ..
- الف مبروك بنيتي
طلعن النتايج ..
ومعدلج 93 ..

- لااااا كذب ..
- والله تعالي شوفيها ..
رحت شفتها ع الموبايل ..
واني كلش فرحااانه ..
الحمدلله هذا الكدرتله ..
اخوتي باركولي وكالو مكنا متوقعين هيج ..

شكرت ربي هووايه ! ..
وكدرت اخترق تفكير صلاح ..
اكثر شي فرحت من جاا ..
وكال معدلج 93 ..
- شفت انت 89..
واني 93 ..
وانت محاضرات واشكال .
وكلت شراح تطلعين
هذا الطلعته يااستاذ ..

ضل صافن عليه ..
وبعيونه فرح وعصبيه ..هيج
عفته ورحت للغرفه
واني ممصدكه ياربي الف الحمدلله والشكر !
رغم معدلي
وفرح الكل
لكن حتى ضحكتي قليله
مااضحك هوايه
مجرد مجامله ..

صلاح .....

بيوم راحت للدكتوره
اعترف بجيت !
ياريت ميت ولا شفت الشفته
كان يووم صعب حييل
من تباوعلي بتوسل .!
اني ردت اتأكد انه هيه نضيفه !
لكن متمنيت هيج يصير
بعدما طلعت
ردت رووحي
بنفس الوقت خفت عليها

مشت الايام
وهيه متطلعلي
يمكن شهرين وهيه بس مرتين شايفها
ابد متطلع
وفتره صعبه
لااكدر اصعد للغرفه ..!
كنت مكتفي بصورها !!
القديمه ..

من راحت للمدرسه
اول يوم !!
كانت ملاااك  .
ملاك بريئ
مشفت بأناقتها بجمالها
بهدوئها من تمشي
مو مثل قبل
بس تضحك
وطبعا شتاقيت لضحكها هوايه

صرت اراقبها من تروح للمدرسه
تروح وحدها وتجي وحده ..
صارت تكرهني
وهذا الشي خلا حتى الامل يروح بانه تحبني

كنت بس اريد تحاجيني
صارت قليله الكلام
ابد متحجي ويايه
استفزها بالمدرسه
وهيه متردلي بس تبتسم !

طلعت معدل
وانهدت بيه ضحكت على حجيها
يعني كانت متحملتلي
استاهل ..

يوم عن يوم
يكبر حبي الها !
تعبت حييل تعبت
امي تكلي تزوج
اخوتك الاصغر منك متزوجين وانت لا
اكللها اصبري

خفت عليها بالكليه
اخاف تحب ..
اموووت اموووت اذا فكرت بهذا الشي !!

صار وقت التقديم
واني خايف عليها
قدمت على معهد طبي
وصيدله

صارت متطلع ابد ..
مااعرف شدتسوي بالغرفه ..
اووف اموت واعرف شكو بالغرفه

اليوم خطوبه اخويه سجاد ..
رحت للغرفه
خليت ايدي على راسي
ياربي خليها تصير من نصيبي
اووف شوكت تحبني
شوكت يجي اليوم وتصيرين عروستي
نذر العليه
البسج بوشي
واحبسج شلون ممحبوسه بالغرفه هسه
وشهر عسل وين متريدين
بس حسي بيه !!
دامووت ليلى ..
اخخخ ربي اجعلها من نصيبي
خلي الحب بكلبها
لبست بنطرون ..
وقميص ..
ونزلت لكيت سجاد كاشخ ويخابر مبين عليه الفرح !!