بيد قلبي

part 19

بيد قلبي
أماني....

هيج مرت الايام
وصلاح كان يطلعنا
واني ويا نروح لهلي ...
بده الدوام
وبدت المعاناة ...

صلاح اعترض
- انت نطيت كلمه
- انتي عاقله
وج شبببيج اكو عقل بررراسج
- اي اكو صلاح هذا دوامي
- واني داكلج
ماكو كليه
شنو اخلي مرتي تروح قسم داخلي
مكرن ...
- والله انت مو كد كلمتك
اني صوجي صوجي
كمت ادردم ...

عافني وركع الباب
ويستغفر ...

نزلت يمهم
شتغلت وياهن
بعدين جا المغرب
سوينا العشاء يله صلاح جا
وكان معصب
عمتي عرفت وغلست

مدينا السفره ...
باوعتله اكل شويه وكال الحمدلله ...

انقهرت شبي ...
عمتي كالت روحي لرجلج
- لا عمه دغسل الماعين بعدين
- روحي يمه ...

دخلت للغرفه
يلعب بالموبايل
كتله - صلاح باجر تروح ...
- اي ...
- ليش مكلت
- ماريد ...
كان يحجي ويلعب بلمبايل ..
- حبيبي ...
لا تزعل بس انت كلت ترجعين للكليه
- واني مااقبل ترجعين ..
- اوك براحتك
- ليلى مااكدر
ماكدر اخلي مرتي تنام بعيد عني
- انت مو دتنام بعيد عني
مو تروح خفاره
- اني يوم
مو اسبوع
- بس هاي كليتي
- وهذا قراري

كتله ماشي ...
رحت اغسل الماعين
واطكطك بيهن من القهر ..
شلون برود عنده ...

اجا سجاد
- سالمين ولج ام خشم شنو هل الصوت
- من وره اخوك
- والله السمعج ..
ليش اخويه شعليه
اذا انتي لسانج اطول منج
لان انتي قزوم ..
- اووف مالي خلكك ..
- ولج شبيج وجهج يسد النفس ..
- صلاح
- شبي
- ميقبل اكمل كليه
- حيل
ركعت الماعون
- من حلحاله
ليش ..

- لعد شنو تروحين هناك
وتعوفين صلاح وحده
- مثلا سهام عدها كليه تبطلها
- اكيد ابطلها
ولج اخليها بعيده واني هنا
شبيه عندي وضيفه وخير من الله
مامحتاجين
- ردتك عون طلعتلي فرعون

جتي مرت رائد خطيه حامل ..
كالت متزاعلين
كتلها اي ...

وضلينا نسولف ..
صلاح نام لان باجر من وكت عنده ..
صعدت للغرفه
سبحت ولبست تراكسود ..
وخليت مك اب ..
وعطر ...

تمددت ..
اجاني صوت صلاح ..
- ليلى حضرتي ملابسي ..
- اي حضرتهن ..

باوع بعيوني ...
- احبج ..
ونفخ بوجهي ...
خله شعري وره اشاني ...
وصار يمرر اصبعه على وجهي ...

وبده يتقربلي
وهوه نفس اللهفه
....

ايلم اني بعيده عنه
لان ميخليني اروح ..
بالاخير شافني هيج
وكال
- ليلى امشي اشتريلج ملابس
- مال شنو عندي ..
تنهد - مال كليه ..
طفرت يمه
- صدك ..
- شوكت مكذب ..
كرصته بخدوده ..
وبوسته بوسه خفيفه بشفايفه ..
- يمممه اروح فدوه لحبيبي ...
شافتي هيج