بيد قلبي

part 15

بيد قلبي ...

......

نمت من البجي
كعدت الصبح
عيوني وارمه
وكوه افتحهن ..
اول مكعدت رحت على المرايا
رحت غسلت
ومشى اليوم
والبعده .

بليل
حضرت جنطه مالتي
دروح للقسم
ماما حضرتلي اكلات
وضمتهن بالمجمده
كنت بالغرفه
اراجع المواد
سمعت امي تصيح
- هااا ماما ..!!
- ليلى ماما تعالي
صلاح يريدج ...!
كلبي خفق
رحت للغرفه
رتبت شعري
وخليت لعيوني كحل
باوعت على ملابسي
يله زينات ..

كرصت خدودي ..
واخذ نفس .
رحت لكيته بالصاله
كان يحجي ويه مثنى
وبابا ..
سلمت عليه
ماما كالت
- ليلى العصير جيبي
كال - شكرا عمه
اريد جاي
ليلى جاي ..
رحت سويتله
وعفته على النار
وبطني تخبط
هاي شبيه شراح يسويلي ..؟
حضرت الجاي
ونضفتهن حيييل ..

نطيتهم ..
وضلوا كاعدين ويسولفون
وكل شويه اشوفه يباوع ..
بعدين كال ..
اريد حمام ..
طلع بره
وضليت كاعده
ماما كالت
روحي شوفي اخاف يريد شي !..
هزيت راسي - لا ميريد شي ..
لو حتى بالحمام ادخل ويا ..
- ههههه من كبر طمج
ولج امشي ..
بابا كال - ضحكوناا ..
غمزتلها لا تحجين ..
طلعت بره
لكيته كاعد يم المغسله
وبايده جكاره !..
- شسوي هنا
بارده !!  ..
وسويت اشششه ..

- اي مو انتي بارده
فلذلك بردانه
تدرين اني جسمي نااار ..
- اخاف مصخن ..
- هي بهي
ويامن داحجي ..
وهز ايده
- امشي جوه ...
- شلونج
- بخير ..
- باجر تروحين موو !..
- اي ..
ضلينا ساكتين ..
وهوه يشرب بالجكاره ويتنهد ..
سمعنا صوت ..
كام بسرعه .
كال يله ليجي اخوج شيخلصنا ..
طبينا جوه ..
اخذ سويج السياره والمحفضه وسلم ..
كال - اترخص
اليوم جيت من الخفاره
وتعبان ..
ليش مكلي ..
طلعت ورا ..

كال - باجر انتضريني
اني اوصلج ..
ودخل ايده بجيوبه
وطلع فلوس
- هاج اخاف تحتاجين شي
- بس اهلي موجودين
- يعني واذا
اني هسه زوجج ..

ديطلع كتله صلاح صلاح
ندار ورفع حاجبه ..

تقربت يمه ..
ورفعت نفسي
اريد اوصل خده
بوسته
وكتله بصوت يرجف
وحتى كلبي يرجف
من عطره سطرني ..
- نلتقي باجر ..
ضل يباوع وعلى شفافه
طرف ابتسامه

بعدين
بقوه خلاني على صدره
ويشم بيه ..
احساسي صعب اوصفه
كلبي يدك سريع
وكلبه هم ..
رجليه ماعن
وجهي صخن
احساس غرريب حييل
نسيت نفسي ...

همست بصوت ناصي
- راح يجون اهلي ..
عافني
بعد مااخذ نفس طووويل ..
دنكت ولا رفعت راسي
شكد عيب
وشكد خجلانه ..
- ليلى
مرديت
- حبي
رفعت عيوني
وجهي مصخن
ابتسم ...
- ليش الخجل
وهلخدود ...
بوسني
وكال
- ديري بالج على نفسج ..
لوح بايده وشغل السياره وراح ...!