ذروة عشق

البارت1

ذروة عشق
البارت 1
الكاتبة.. تبارك حسن

في بعض الاحيان نخسر الحياه بااكملهه لفقدان شخص
واحد نفقد الامن نفقد كلمه كنا نرددها في كثير من
الوقات
الحياه والقدر خبئ الكثير لنا الحزن الم
خبئ لنا الوجع اخذ منا اشخاص
كان بعتقادنا سيدومون لنا
وقت المحنه نجدهم وننسند عليهم
لكن كانت كل امالنا ذهبت مع ذهاب هذا الشخص
ولكن سيعوضنا الله وسيجبر الله كسرنا
بااناس كانو كالبلسم ع قلوبنا......

موكلشي نتمنا بهذا الكون راح يصير وموكل شخص بطفولتنه جنه نتخيل راح يبقه ويانه العمر كله وقت المحنه راح نلكا واكف ويانه وساندنه والحياه
متمشي مثل مانريد لزم تجرفنه
للهاويه والحزن والم
كثير من صدمات مرت بحياتي وخلتني انسانه قويه بما في الكفايه
زادتني قوه فوق قوتي...

جده: سمعي انتي ومراح اكرر غير هاي الحجايه بيت مطلعين وحدج
ومااخليج ترتاحين بحياتج اله اخليج تتكسرين بهذا
البيت
ام محمد.. ليش عمه هذا الكلام اني شنوو مسويتلج متكليلي
اشوو دائمن تتعاركين وياي واني ساكته
مومن حقي اطلع وارتاح بيت وحدي اني واطفالي جم
دوب ابقه بهاي الغرفه موبناتي صارن بطولي
خافي ربج وبطلي معاركج وياي
جده... هااا يم محمد طولان السانج ومستكويه عليه
ام..محمد.. هاا يعمه صار اليحجي الحق ويدافع على نفسه طولان
السانه
لارين..مثل كل مره اباوع ع امي عافت بيبتي وراحت الغرفتهه
وبيبي ضلت تحجي عليهه وذمهه كدام نسوان عمامي
واني مابيدي شي اسوي
رحت كعدت ع درج وخليت اديه ع راسي ربي متخلص هاي
السالفه موو والله تعبته ربي الطف بحالتنه وافرجهه
علينه خلي نطلع ونرتاح موو خلص كلب امي من الحجي
والنك عليهه
مسحت وجهي وكمت للغرفه
لكيت امي صافنه وخاله اديهه ع راسهه تعبني حاله امي من
اشوفهه هيج وزياده فوك حجي بيبي من يرجع ابويه
من شغله تكعد بيبي وتحجي براس ابويه
وتوزه عليهه ويجي يحجي ويصيح
رحت كعدت يم امي وخليت راسي ع رجلهه
وكمشت اديهه مابيدي شي اسوي واني اشوف انكسارهه
وضوجتهه مااعندي غير هاي طريقه اواسيهه
مسحت ع راسي وباستني ابتسمت بوجهه
وكامت تكمل شغلهه رغم امي كايمه بكل اعمال البيت
والشغل اكثر شي عليهه بس بيبتي ضوج منهه
وتفظل نسوان عمامي عليهه
هوه هذا حضهه شنوو سوي متكدر تغير شي واذا حجت
كلشي ينكلب عليهه
بقيت كاعده واتفرج عليهه
..........
سمعت امي صاحتني لارين
رحت عليهه
ها ماما
فدوه بنيتي روحي اخذي الملابس وعزليهن
صار ماما
اخذت ورحت للغرفه
كعدت ارتب بلملابس فاتت اختي ريتاج
ريتاج.. عوفي عنج اني اكمل
لارين ماشي
عفتهه وكعدت ع صفحه
ريتاج اختي الجبيره مواليد 1988
وبعدهه تجي زينب 1990 طالبة
ومحمد 1993 وطالب
وبعده اني لارين مواليد 1995 وطالبة اخر البنات ومدلله ابويه اوو حبيبه ابويه وعزيزه كلبه مثل ميكلي متعلقه كلش باابويه وميردلي طلب .
وحسنين مواليد 1998 وكذلك طالب.
وباقر اخر العنقود مواليد 2003
وابويه موضف وامي ربت بيت

.............
فزيت ع صوت اختي
ريتاج... وين صافنه يحلوه
لارين.. ماكوو شي سمعت صوت ابويه
طلعت اركض
رحت يمه
الله يساعدك بابا
هلا بناتي باسني براسي
بقيت واكفه يمه طلعت بيبتي من غرفتهه
الله يجويك وليدي
هلا يمه باس راسهه
الله يرضه عليك وليدي
كعد ابويه يرتاح اني بقيت يمهم اريد اسمع خاف بيبي تحجي ع
امي كباله
ماحجت شي اجتي امي
الله يساعدك ابو محمد
هلا ...
حضرتلك الحمام كوم اسبح علماا احضرلك الغده
يي كايم عافته وراح لشويه وكام
اني باقيه اباوع عليهم وع اليصير
بيبتي بقت كاعده واني يمهه اباوعهه تحجي ويا
روحهه ع كيف مااسمع منهه شي
حدماا اجه ابويه وكعد وامي خلت
الغده يمه
اتغده وكمل راح للغرفه اجه
جايب الفلوس خلاهن باايد بيبي
مثل كل مره الراتب ينطي البيبي وكلشي منحصل منه بس كروه
ابويه
حيل ضجت بقيت اباوع عليهن
الله يرزقك ياوليدي
بابا واني مالي من راتبك اريد اشتري ملابس جديده
مااحس اله ع صيحت بيبي عليه
كومي ولج ماشبعين من هاي الجرود جيبن وتكومن
كولي ياالله بيبي يانكوم سوده عليه امي تخصرلنه من ملابسهه
ونلبس اذا نضل ع راتب ابويه
كلشي منحصل
جده....شوف السانهه يجاسم طالعه ع امهه تلاسن وترادد
جاسم.. سكتي بنتي
لارين..عفتهه وكمت واني شايله عليهه بكلبي شلون بله
احنه نضل هيج كلشي منشوف من راتب
بس مصرف روحه ورجعه ابويه
يضل راتب يم بيبي
وكلشي ممحصلين منه صدك ضجت بلحظتهه
عفتهه وكمت وهيه خازرتني
رحت طلعت بلحوش لكيت زينب كاعده
كعدت يمهه
زينب...ها حبيبتي شبيج ضايجه
لارين...ماكوو شي مضايجه
زينب.... شوو باوعي بوجهي
لارين...مادرت وجهي بقيت مدنكه
زينب.... تحجين لووو شلون
لارين...زينب احنه لشوكت نضل هيج كلشي ممحصلين
ومشايفين بحياتنه لشوكت يضل حسره علينه
ثوب الجديد وهذا ابسط شي
باوعت ع زينب
مسحت وجهي وماردت عليه
لارين... اشووو ساكته
زينب... حبيبتي لزم تتعودين ع هذا الوضع
...
.
.
.
.
.
يتبع