ذروة عشق

بارت23+22

مساء الخير
ذروة عشق
البارت 22
كاتبة تبارك حسن

راح يرجعلنه وامسح بدموعهه
يمه خلي نرجع تاخذين علاجج ونرجع يم
ابويه يمه شفته مابي شي امي حضنتني
ورجعنه اني وياهه للبيت
غسلت وبدلت وبقينه كاعدات
ريتاج متعرف بلموضوع محد كللهه
رايحه للمستشفى علمود تعين
تقدم واتصلوو عليهه مناك
ومخبريهه كالبه المستشفى بلصياح 
والبجي
اجني النسوان للبيت
رحت اشوف امي لكيتهه متمدده وصافنه
رحت كعدت يمهه مااحس اله
ع ضربه بلباب وصوت يصيح ماات مات
خالي اباوع هذا ابن عمتي
يصيح اريد اكوم مااكدر من الهبطه
البيت انكلب صياح رفعت نفسي وركضت
اريد اطلع النسوان كمشني كمت اصيح بوووويه
وادفع بيهه مااحسيت ع نفسي فقدت
ماادري بصار بعد فتحت عيوني
واني بلمستشفى اسمع الدكتور يحجي
اول مره هيج يصير عدنه حاله
بعدهه ضغيره موو مال يرتفع عدهه ضغط هيج
ضاربني 3 ابر حتى ينزل الضغط
سائل شعدهه كالو ابوهه شهيد صبري
والله يرحمه واني عيوني يجرن
كل هذا الصار واني ممصدكه ابويه راح وبعد ميرجع
يعني راح افقد كلشي راح الاهتمام راحت كلمه
بابا ماكوو رجعوني للبيت
واجتي جنازه ابويه للبيت واسمع الناس
وخوالي انطوو مجال البناته يودعنه اني شبه صاحيه
اسمع ناس بس مااكدر احجي جسمي احسهه ميت
كومني يم التابوت الناس يبجون ع بجينه
بابا كوم مووانتي مترفضلي طلب كومي حبيبتي قبل
ساعات جنت يمك عايش وصيح ياعلي ليش
هسه سكتت ليش تعوفني بعدني ماشبعت منك ع بختك بويه
كووم ابجي بهداوه جسمي مااحس بي
شالوو الجنازه وصار تشيع وبعدهه فقدت ماادري
بكلشي اصحى ساعه افقد ساعات
صار العزاء وجابوو ملايه تقره ع اب والبنات الفاقدات
عمود البيت انتهيت من اللطم والبجي
عدت الفاتحه وصارت عندي حاله نفسيه
نفسيتي تعبت نوم ماكوو وكطعت الاكل وعازله نفسي
بعرفه ضلمه الامتحان المجلته عفته ماامتحنت
عدت السادس
عشت ع صوتهم هوه وزينب يحجون
قبل لاتتوقه مسجله صوته وهوه يسولف ع اصدقائه
وايام قبل كلمااا اشتاقلهم اطلع تسجيل
واضل اسمع بي بقيت فتره ع هاي الحاله
اجه عمي لبيت جدي كمت احقد ع عمامي من راح
ابويه حملتهم موته لئن كام يشتغل حتى يخلص كلشي
ونشيل من بره ضغوطاتهم
كعد يم اهلي وسلم عليهم وسئل عليه
كايليله متهدأ وتعبانه
اجاني للغرفه كعد يمي ويحجي وياي
اني بس ساكته ماحجيت كلمه وعيوني متروسه
دمع يباوع لعيوني وكام يبجي وياي
كلي كومي وياي للبيت اخذج يمي كم يوم
قبلت لئن سمعت من اهلي المركز مسلمي ستوته
ابويه كلت اروح اشوفهه مااريد ابقه ع امل وانصدم
مثل مانصدمت بموت اختي
وصلنه للبيت بقيت يمهم 5 ايام مااحجي ويااا
ايي واحد ودائمن منعزله يتيهوني يلكوني كاعده يم
الستوته وابجي واعاتب ابويه
مرت الايام واجه الاربعين ابويه
واجتمعت اقاربنه واخذوو
سياره اصدقائه وحدهم واحنه بغير سياره
وصلنه النجف وزرنه الامام وطلعنه للقبور كابلنه
ابويه ونبجي وفقدت عليه اخذوني بسياره
كعدت كمت بين فتره وفتره اوكع وياخذوني
للمستشفى زوروني الائمه وساده بلكت اطيب وخالي
كال ناخذهه البغداد دكاتره زينه مااقبلوو عمامي
امي طلبتني من العباس اصير زيته ورحت زرت  والحمدالله عدت
وصرت احسن
واجه وقت الدوام عدت السادس
مادخلت دورات مثل ذيج السنه هم ماردت احمل امي
واتعبهه وحسيتهه بعد متسوه
ابويه جان رايدني هندسه اني شاطره وذكيه
بس بسبب الصدمات والمريت بي كمت اتنازل عن
احلامي جنت احلم بلطب بس من توفت اختي عفت
هذا الحلم خفت اصير بهذا المجال وتمر عليه هيج حاله
مثل حالت زينب واكون عاجزه ومااسوي شي
وحلم الهندسه تنازلت عنه لئن ابويه راح
انتبهت دراستي اكثر وجانن المدرسات هوواي
يساعدني من المواد المافهمهه خصوصا مدرسه الكيمياء
والرياضيات كلش حبيتهن ويعرفن بوضعي وتأثرن من سولفت
الهن مرت السنه واجتي الامتحانات ونجحت
والحمدالله كدرت اجيب معدل 80%
جانت صديقه وياي من المنطقه اعرفهه من البتدائيه
اجتي شوفي هي معادت بس اني عدت
السادس سئلتهه ع التقديم شوكت 
كالت شوكت متردين اني ردت علوم كيمياء
كالت بعد هوواي مشيت ع كلامهه لئن هيه تعرف
واني ماعندي موبايل بوقتهه حتى اعرف
كمت اسئل اوو اروح للجامعه يكولون بعد وقت
ع تقديم انطوني رقم احسن مااروح
وارجع ع خالي بلاش وبس اتعب نفسي
كمت اتصل عليهم ويكولون بعده وبعده الموقع
اخذت اسبوعين ورحت اني وامي المركز التسجيل
كعده وحجينه وياهم وكتلهم اريد اقدم
فاجئوني وين جنتي البارحه انسد التقديم
والله اني كلماا اتصل عليكم تكولون بعد وع عده مرات
اجي وتكولون بعد هسه ويااا حضي انسد
غوركت عيوني وكمت ابجي والله كلماا اتصل
تكولون بعده شسوي هسه
حجه الموضف فدوه كومي لاتبجين كطعتي
كلبي هسه اعرفج ع موضف
اسمه حسين وهوه يحلهه اسمعه يصيح
حسين هوه اجه اني مدنكه ابجي
واحجي وياهم كله من عدكم انتم اني اتصل
وتكولي بعد ارتاحيتوو هسه فتحت عيوني صار
كبالي اسمعه حجه اويلي شلون عيون
وخرت عيوني من عنده الطلاب تباوع
ذروة عشق
البارت 23
الكاتبة تبارك حسن