ذروة عشق
البارت 20
الكاتبة تبارك حسن
اختنه انهانت بدون سبب
بس لزم ترجع معززه مكرمه للبيت
ورجعتنه امي ورجعت الحياه للبيت
بس عمي
رجع المشاكله كاعد اقره للمتحان
الفيزياء واسمع عمي يغلط ع ابويه
ويطرد باامي سكتت ورحت
للمطبخ اسوي جاي احس روحي
تعبت واني اسمع هوسه البيت احس دنيا
افترت بيه ودخت رحت
وكفت كباله
كافي حرام عليكم
شنو مسويلكم ابويه اشوو
جريتوهه مشاكل ويااا وهوه خالك بعيونه
ومافديوم قصر وياك وسوه زله
معتبرك ابن اله موو اخوك
الله ياخذكم شمسويلكم ابويه
بشنوو اذاكم شمسوين الكم كلي
بشنووو
الله لاينطيكم كمت ابجي
عمي صفن بوجهي مامتوقع مني
احجي عفتهم ورحت
للغرفه اسمعه يصيح شنوو
تعلي صوتهه عليه
احس راسي راح ينفجر من
صوت سديت اذني مااريد اسمع
صوت ايي واحد نفسيتي تعبت ودمرت
خليت راسي ع رجليه وكمت ابجي كااافي رحموو
بحالنه
ضغطت ع راسي من الوجع اباوع ع الكتب
بعدني ممكله ايي شي
ومالي خلك اقره عفت الكتب اريد
اريح راسي من وجعه
هدء الوضع ماكوو صوت بعد
كلهه سكتت
ثاني يوم امتحنت بس موكلش
مجاوبه واجلت امتحان كيمياء خلصت الامتحانات
وارتاحيت شويه منهه امي فرحانه بينه
اني التهيت بلبيت اوو اقره قرأن وصلاه
الليل ودعاء كميل صرت مااعوفهن ابد
عفت كلشي وكمت اساعدهه هيه وعمتي بلبيت اتفنن بلطبخ
ع رغم بلبدايه موكلش بس يشجعن
بيه انضف البيت ومن اغسله ينشلع كلبي بي
لئن تعبان امي وعمتي يباوعلي
يكللي نشبهج بزينب نفس الهمه والشغل
والشطاره
عكس ريتاج الهادئه وامي من تسمع
حجيهه تذكر المواقف القديمه وتصير تبجي عليهه
جابتهه تعب بتعب اني حسيت
زينب راح يصير بيهه شي من يوم الحنه
انداريت عليهه شلون يعني
وره عرسها حلمت جن سياره بيضه وكفت باب العماره ونزل منها شاب حلو كلش لحيه سوده وطويل وجسم حلو ولابس دشداشه بيضه ومخلي شماغ اخضر ع جتفه وصاح زينب جاسم وجن زينب نزلت لابسه بدله بيضه وحجاب ابيض ومخليه بركع ع راسها ولزم ايديها
اني لزمت ايده كوتله وين ماخذه شتكول علينا العالم هستوها مزوجه وتزوج جن بيبتج كالت هذا زوج زينب مو فارس اني كمت ابجي واتوسل بيه يعوفها وهي لازم ايده ومبتسمه كال راح امهلج سنه وارجع اخذها
بقيت افكر بهذا الحلم شنو وشنو يصير بزينب ومن مر سنه ع زواجها وتوفت عرفت حلمي وتفسيره
بقيت صافنه بوجهه امي
ماما مو بس انتي اني عرس زينب كله مااعرف ليش حسيت اكو غصه وحته ملابس مشتريت مااعرف ليش
وحلمت بيها بالليلة الحنه جن صورتها هي لابسه بدله بيضه وحدها ماوياها
فارس وكعت وانكسرت وحاولت الم الكزاز وارجعها وانجرحت
يووم هي رتاحت من عذابها ومن اختيارها الخطاء غشوها ييمه وهسه هو زياره ميروح يزورها
بالجذب مااجاج وجبر خاطرج وكالج مشتاق لزينب خل نروح اني وياج
امي سكتت ومسحت دمعتهه
وراحت الغير غرفه
عفتهه براحتهه مرت الايام ورجعت عمتي
جانت مسافره الايران ويااا ابن
عمتي وهبه لئن ميصير عدهم اطفال
رجعت للبيت وسولفنالهه ع مشاكل الصار
انقهرت وبجت ع ابويه
وكامت تحجي ع عمامي
للعصر سيرت عمتي تريد تحجي ويااا
امي ع شقه زينب وغراضهه
انتم الجبتوو والحطيتوو انتم صرفو
بيهن اني شعليه
لاخيه انتي موجوده والغراض
الجبناهه والهه حق بيهن نتبرع بيهن
والسيد موجود هوه ياخذهن
خوش فكره هيه شحصلت من حياتهه
واتفقت وياهه
بره ايام راح ابويه وامي
واني رحت وياهم لئن ميكدرون وحدهم
كلت اساعدهم وصلنه لشقه
لكاهه مقفوله ابويه اتصل ع زوجهه ميرد
رجع اتصل غلق الجهاز
اتصل ع اخو فارس جبير رد عليه
كله احنه واكفين بلباب والشقه مقفوله
والرجال ويانه يريد ياخذ الغراض كاله راح ادز المفتاح
بيد اخويه الصغير
انتضرنه حدماا جاب المفتاح وراح فتحنه الباب
ودخلنه لشقه نص الغراض ماكوو
بقينه واحد يباوع بوجه الثاني امي كامت تبجي
ابويه انقهر خابر عليهم
السيد راح بقينه بس احنه
اجه زوج زينب وامه وخوانه
وعمتي
انهدت بااهلي تغلط وتفشر ع امي وابويه
مابقت غلطه ولا كلام موزين الا كالته ع ابويه وامي
اهلي تصرفوو بهداوه ومااجاوز عليهه بلبدايه
امي كالتلها احنه مومتفقين ليش هيج تسووين
كامت تغلط ع امي
امي ماتحملت
كالت الهه امي احترمي نفسج والزمي لسانج
شالت الشحاطه وضربتهه
صار صياح وحجي كلهه تحجي بوقت
واحد
كامت عمتي خابرت عمي الجبير وكالتله الحك ع جاسم ومرته كتلوني ويفشرون عليه اجه عمي يغلط ع ابويه ابويه صار عصبي كاله انته شدخلك
بينه الموضوع بيناتنه واحنه
نحله كاله اني اريد ازوج فراس بشقة بتك وع غراض بتك شسوي
اباوع الفراس يضحك ومرتاح للحجايه
انصدمنه من حجايته
ابويه كاله روح زوجه منو لازمك بس
غراض زينب اخذهن وغصبا عليكم كلكم وماابقي
ايي شي يخصهه
ابويه اخذ بس لجايبهن لزينب بس الغرفه مااخذها
وصار زعل بيناتهم وبعد محد يحجي
وياااا ثاني
من بعد هاي السالفه ابويه دز ع فارس
زوج زينب جان مسوي
ثواب الهه كله مااكدر اجي مشغول
أنت تقرأ
ذروة عشق
Romanceقصه حزينه وعاطفيه ترويها فتاه احداثها عن حياتها وحياه عائلتها للكاتبة.... تبارك حسن
