ذروة عشق
البارت31
الكاتبة.... تبارك حسن
جانت لعمي الصغير بس من اتوفه ابويه
شال لبيته واحنه بقينه بيت جدي
لان اخواني بعدهم مو مال منطقه بعيده واني ادرس
واخويه يدرس واخويه جبير راد يقدم لجامعه
فالبيت مسافه هوايه عن الجامعه والمدارس مو مثل
بيت جدي لكاعدين بيه
واصدقاء ابويه مقصروو ابد
كملوو البيت من حسابهم والفلوس العدنه
عزلت الغرفه لان جنت مستعجله
وكالبتها كلها كملت تعزيل
ورجعت نظفتها ....
وخلص يومي عادي ...
بالليل راسلتني ميس سلمت عليه
وكالت اريد اكلج شي
كولي
البارحه حجيت ويه سراج ابو خط ع وي جات ويكولي
اني ممرتبط وحبيبتي عافتني
وكال اني ممكمل دراسه بجامعه لكفوني
اغش وفصلوني
يي كملي
خلي يولي عوينجي وابو البنات .
دزيلي محادثه خلي اشوف
والله حذفتها مبقيت شي
ماشي وشكو تكوليلي هيج حجي اني شخصني
لا هيج يلا باي
عفت الموبايل ومحجيت وياااا سراج حدمااا
هوه حاجاني
البارحه ويامن حاجي ب وي جات
محاجي ليش هذا سؤال
كتله بسالفه
والله صح عندي وي جات بس ممفعله
عوفيهه هاي اني اعلمهه دبارهه يمي
عوفها خل تولي اني مصدكتك ماعندي ثقه بكلامها .
.......
عدت الايام وصار حبنا كلش جبير
والحمد لله نمشي بما يرضي الله
صارت زياره الامام الكاظم وسامراء وبلد اول مره اروح
لسامراء واحس نفسي مشتاقه
لسامراء ومكان الغيبه سراج بالبدايه ماوافق لان سامراء
خطره بسبب داعش وو هستوهم محرريها
واحنه رحنه بعد انفجار مرقد سيد محمد بيومين
سراج ماقبل بسبب الاوضاع الامنيه اني اصريت عليه يلا قبل
وبس مامطمن وخايف
لارين... حاللني خاف يصير بيه شي
سراج ...انجبي ميصير شي وان شاء الله ترجعيلي
بسلامه حته نسوي احلى عررس
لارين... ان شاء الله
شنو حاجتك حته ادعيلك
تعرفين مااكوو داعي احجي بيهه
انته احجيلي اريد اسمع منك
تصيرين الي وحلالي وبيتي
..........
ثاني يوم طلعنه من ١٢بالليل اني وامي وريتاج
وزوجها وبتها وجانت ريتاج حامل
ع طول طريق سراج يدز رسائل
هاا اشونج وين وصلتوا وديربالج ع نفسج
وصلنه لبغداد قبل صلاة الفجر
ومافتحوا الامام الا بعد الصلاة صلينا
بره وبعدين فتحوا الامام زرنا الحمدلله ودعيت
اصير من قسمة سراج
وطلعنه لسامراء طريق يخوف
اعلام داعش مشموره بالكاع شفت بيوت مهدمه
ومحلات محتركه ناس ماكو وبين
مسافه ومسافه سيطره ويطلبون الجناسي
ويحذرون لاتباتووون بسامراء وزيارتكم بسرعه
نمشي بسياره وسياره سريعه كلش
وكل شويه رجال جبير من زوار صلوا ع محمد
احنه بمنيه وارتفعت الصلوات الصراحه
اني ماخفت بس امي وريتاج خافن وامي ارتفع
ضغطها لان كلما تشوف بيت مهدم تنقهر
لو محلات محتركه ريتاج هي اصلا
خوافه اني مشتاقه لسامراء لان اول مره رايحه
ومشتاقه لمكان الغيبه .
وصلنه لسامراء ودخلنه الامامين
واني شبعت بجي وابجي بصوت عالي
ضريح مابيه زوار والله ينعدوون بالاصابع والامام
ممكملينه يعني من صار الانفجار باامام علي
الهادي وحسن العسكري وبقه نفسيته وكمت ابجي
لان هيج حال الضريح فعلا تبجي سامراء
جنت اكبر قبه. وهسه ماكو قبه
لزمت شباك صغير مخليه للامام وقريت
الزياره وصليت واني دموعي
تجري كملنه زياره
و رحنه للغيبه زرنه وكملنه انطونه استراحه
لبعد صلاة اخذونه اكلنه بالمضيف
و رحت زرت الغيبه مره ثانيه بقيت اندب امام الحجه
الغوث ياابا صالح وادعي حته نخلص
من داعش وابجي العجل العجل يامهدي
حسيت بنعاس بسبب التعب
سياره ورحنه لسرداب و نمت وحلمت
جن اني لابسه عبايتي وفوكها علك اخضر وواكفه
بالغيبه ومن جهه الثانيه شخص لابس
اسود وعمامه خضره ومخلي
راسه بين رجليه ويبجي بصوت عالي وينحب
اني تقربت منه كوتله ليش تبجي
يا مولاي واني ابجي رفع راسه كال من شيعتي
لنسوني ومذكروني كوتله العجل
العجل يا مولاي وفزيت لكيت امي وريتاج
وزوزه نايمات كعدتهن ... وطلعنه للصحن لكينه زوج ريتاج
منتظرنه بصحن ووكفنه يمه ويمه موظف من
عتبه كاله والله يا خويه كل يوم يروحلنه
شهيد بسبب القناص بالليل يلقطنه لقط
.........
كملنه وطلعنه
ومرينه ع ملويه
خل نصعد الملويه
وين يا ملويه حته كبل القناص يستهدفج
بس بقيت اباوع عليها والله حلوه
أنت تقرأ
ذروة عشق
Romansaقصه حزينه وعاطفيه ترويها فتاه احداثها عن حياتها وحياه عائلتها للكاتبة.... تبارك حسن
