(منار والموت) _
طبعا صارت اشياء من وراي واني ما اعرف مرت عمي اسماعيل راحت لمرت عمي سعد وكلتلها اكو ناس راح يخطبون منار انتي لا ظيعين هاي البنيه خطبيها لابنج اياد هم متخرجه وتعين ابنج براتبها وهم حلوة بعد ..عاد مرت عمي سعد راحت لاياد وغصبته أن ينهي عليه ..بس اياد جان رافض هاي الفكرة بس بعد ما خانه يطمع بيه قرروا ينهون عليه بيوم الخطبه وصار يوم جمعه واجتي سكينه ساعدتني ولبستني فستانها شذري و حجاب وخلتلي مكياج وطلعت كلش حلوة وكعدنه بالغرفة اني وسكينه ناخذ صور ونضحك.. وتأخرو عالموعد صارت ساعة بال10 بليل وهم ماكو رحت للاستقبال لكيت عمي سعد وإسماعيل كااعدين وزوجاتهم بعد وياهم واياد دخلت ..منار عمو وين الناس راح تخطبني ..سعد رفضناهم وكنالهم ماعنده بنيه للزواج ..من حجه هيج عمي اني بسرعه نزلت دموعي وظليت ابجي .منار ليش هيج عمو يعني انتم ما دورون سعادتي لو وحده من بناتك جان بسرعة وافقت عليه بس هاي اني اليتيمه ومحد الي بس الله وهسه انتم رفضتو زواجي بس هاي حياتي الخاصه اني اتحكم بيها ارفض لو لا ..سعد كلامج مو قانوني روح لغرفتج يالله .. منار رحت أركض ودموعي تصب اتصلت على فهد ..الوو فهد ليش ما اجيت تخطبني ..فهد ما اكدر اجي حبيبتي لان اعمامج رفضوني ..منار شنو رفضوك صدك تحجي لعد وين الوعد مالتك ..فهد حبيبتي شنو بأيدي اسوي مو رحت وحجيت وياه عمج وكال تعال وخبرت اهلي وحضرنه نفسنه وشويه وخابر عمج كال ماعدنه بنيه للزواج بس شوفي اني راح هسه اجي الكم لان مااكدر اخلف بوعدي الج هذا مو من طبعي ..منار سديت جهاز واني ما افهم جاي يصير اعمامي رفضو وفهد ما اعرف اصار بي اتصلت على فهد اكثر من مره بس ما رد عليه اريد اكله لا تجي اخاف يفضحني كدام اعمامي ويموتوني وبعد نص ساعه اندكت الباب وطلع فهد ظلو بالطارمه يحجون شوية وطلعت اني ..سعد بكل عين وكحه جاي وانوب جايب اخوانك وياك ..فهد اني اجيت علمود اخطب منار على سنة الله ورسوله ..سعد مو كلنه ماكو بنيه للزواج روح اطلع .. فهد ما اطلع اذا ما اخطبها هسه لان اني احبها سنين تعرفون شنو سنين ..سعد ومنين تعرفها انت ..فهد اعرفها من زمان واحبهاا هم اذا ما تنطونياهه راح اشوفكم الي ما شايفينه ..اسماعيل وبكل عين صليفه هيج تحجي وبيتنه بعد احجي شعندك وياهه بسرعه ..فهد لا تخافون ما عندي نيه سوده وياهه اني بس حبيتها وردتها بالحلال لا ظلموني وظلموها حرام عليكم ..صاح عمي سعد بصوت عالي منار تعالي بسرعه ..رحت يمهم واني ميته من الخوف ..منار ها عمو شكوو .. سعد تكليلي شكو تعرفيه منو هذا .. منار هذا فهد وياي بالجامعه ..سعد عفيه بنت اخوي هيج طلعتي تحبين من ورانه وما ندري موو ..منار جنت مدنكه راسي وخايفه اجه عمي سعد رفع راسي وظربني عالخدي فهد ظل يصيح ..عفوها عود انت عمها وهيج تعاملها ليش أسوت هيه حتى تضربها لان حبتني وحبيتها ليش الحب حرام واحنه مندري والكم الله ما راضي عليكم بهذا تعامل مالتكم وغصبن عليكم اخذها لان احبها ومووووت عليها ..بهذا الاثناء راح اياد وجاب البندقيه ..اياد اذا ما تطلع من البيت راح يصير موتك حلال ..منار فهد روح الله يخليك روح ..
يتبع..
