[ إكتفيت بِيّ ] الجزء الأول 1/2

[ البارت ٣٠ ]

-
-
الصباح ::
خالد ونايف صحوا وتجهزوا ..
نايف : الثنائي اللي نايمين اصحيهم؟
خالد : اوه صح ايم هنا ، شوفه اذا يداوم صحيه اما دان ماعنده شي اليوم لاتكلمه
نايف : اوكي -راح وفتح الباب بشويش وقرب عند ايم يهز يده- ايم ايم ! يلا قوم دوام
آيم : -انزعج من النور وفتح عينه- هاه الساعه كم؟ -سحب الفون-
نايف : الحين ٧ شوي ونمشي بيمرنا سيف اليوم
آيم : لالا روحوا اليوم عندي اوف
نايف : افف حتى انت ! يلا سلام -طلع وسكر الباب-
خالد : هاه بيداوم؟
نايف : لا عنده اوف التمو ع بعض
خالد : يحوول الله يستر لحالهم وبمكان واحد! مشينا مشينا
-طلعوا وراحوا دواماتهم-
-
دان : -صحى ع صوت نايف قام ولع النور-
آيم : -انزعج وتغطى باللحاف-
دان : -استوعب انه مو لحاله شال اغراضه طفى النور وطلع يغسل وجلس بالصاله خذله فطور ويتفرج عالتلفزيون- رن فونه! هلاا؟
سيف : الوو صباح الخير
دان : صباح النور
سيف : ها اشوفك نشيت مبجر اليوم ؟
دان : بسم الله مداك تعرف توني نزلت السنابه جني
سيف : فاضي والربع كلهم بكلاساتهم الا اقول شحالك وياالروم ميت اليديد؟
دان : تماام ماعلينا
سيف : خوفي والله من سوالفك مب خالي
دان : اي سوالف سويت شي الحين؟
سيف : بليا ماتسوي شكثر صارلي اعرفك
دان : -ياكل ويتكلم- اقول توكل خلني اكل روح شوف شغلك
سيف : سير سير لاتاكلني -قفل-
دان : -بقلبه- والله انا اللي مدري وش براسي!
آيم : -صحى ع صوت فونه رد بصوت كله نوم- ايووه
فهد : هيه يلا دواام!!
آيم : هيييه ماعندددي اليوم
فهد : اووه نسيت نسيت اسف -يضحك-
آيم : ياربي مزعج بناام
فهد : احسن .، يلا نام ياكسول
آيم : يلا سلام -قفل ويتقلب يحاول ينام بس..!- اففف طير نومي -جلس عالسرير ويحك عينه-
دان : -فتح الباب شاف شكله كيف بالظلام- بسم الله ! -
-
-