[ إكتفيت بِيّ ] الجزء الأول 1/2

[ البارت ٣٦ ]

-
-
يوم الاحد العصر بالتحديد الجامعه كان ايم ورشود ودان بكلاسهم بس جالس بعيد عنهم كالعاده ..
آيم : -متملل ومزاجه مو تمام ينتظر السَّير يخلص كلامه ويطلع- دقايق .. ربع / نص ساعه! ساعه وثلث ... اخيراً انتهى !!!! هففف -قام شال كتبه ودخلهم بالملف وجا ينزل من المدرج تعثر-
دان : شافه وفز بيساعده
آيم : -لحق اخر لحظه وتمسك بالكرسي وكتبه تناثرت- اخخ
دان : -مسك ذراعه ويحاول يقومه- بسم الله عليك تعورت؟
آيم : -وقف وسحب يده ويجمع اغراضه- لا الحمدلله
دان : انتبه مره ثانيه -واقف يناظره-
رشود : سلامتكك زين ماتشقلبت عالدرج -يشيل معاه-
آيم : يسلمك -اخذ منه الكتب ومشى- مشكور !
دان : هه شايف وتقولون انا الي اتمشكل هذا هو موباين بعينه معروف امش امش نرد السكن
رشود : واحد متشقلب كان بياكلها موفاضيلك تبيه يبوسك يعني ولا يخمك يقول -ينعم صوته- يابيبي شوكرن
دان : -خزه ومشى-
رشود : كلكم نفسيات امش خنروح ذبحني الجوع -ردوا كلهم السكن مع الباص رشود ودان كالعاده مع بعض آيم دخل يتروش بعدها نام -
بغرفة العاقلين ::
نايف : خلود وين المجانين اليوم هاجدين؟
خالد : نايمين اص لاتطريهم داني توه رجع قال بيريح شوي
نايف : -يضحك- تصدق نفسي اشوف ايم يصفق داني
خالد : -يضحك اكثر- والله على اسلوبه اشك انه بيكفخه اي لحظه
بغرفة المجانين ::
-نايمين وهدوووء-
آيم : -فز من نومه ونفسه ثقيل قام يدور البخاخ بالظلام- اففف اعوذ بالله وين راح الحيين -ولع النور حتى يشوف زين-
دان : انزعج- هييييه انت خير ماتشوف ادمي نايم!!
آيم : مو وقتك -كمل يدور بشنطة الجامعه وراح فتح الدولاب يدور بجيب البلوفر-
دان : -نفض بطانيته وقام عنده دف كتفه- وبعدين معاك حيوان ماتفهم!
آيم : -التفت عليه ونفسه ثقيل وانكتم ويكح من ريحة الدخان بملابس دان- خييير!!
دان : خير انت!! شايفني جاي من الدوام تعبان ماكل تبن وتخرب نومتي تقول خير!! اي خير يجي من وجهك
آيم : -دفه- انقلع نام .. وفكني
دان : لا شايفني بزر قدامك ؟
آيم : افففف -بعد بيمشي عنه-
-
-