[ إكتفيت بِيّ ] الجزء الأول 1/2

[ البارت ١٢٨ ]

-
-
نايف : استنو بنادي ايم
رشود : خله مايبيي ياكل
نايف : سألته؟
رشود : لا بس هو اللي جهز الطاوله وماحسب نفسه واضحه
دان : اجلس لاتفشل نفسك خله لين يروق بنفسه
خالد : من مزعله؟
دان : علمي علمك هو كان معكم!
تجاهلوا الموضوع وكملو اكلهم بعدها الكل راح يخلص اشغاله قبل النوم ..
خالد : كان عالمكتب يرتب اوراقه وتركهم- لايكون!
نايف : التفت عليه- ايش؟
خالد : تنهد- امي كلمتني وهو عندي شكله هذا اللي ضايقه
نايف : مااتوقع يهتم بهالأمور
خالد : احيان كلمه مانتوقعها تقلب كيان الشخص
نايف : اهخخ صادق
خالد : الله يجبر بخاطره -خلص ترتيب وراح عندهم دق الباب-
دان : التفت- هلا خلود تعال
خالد : طالع ايم- ايم صاحي؟
ايم : رفع البطانيه- همم
خالد : ابتسم وجلس جمبه- اسف لو ضايقتك بدون قصد
ايم : تفاجأ كيف عرف! ابتسم بتسليك- بس انت ماسويت شي!
خالد : تنهد وشد ع يده- فاهمني زين
ايم : جلس ويحاول يشتت نظره ويحوس بشعره
خالد : باسه ع راسه- لاتفكر بشي اعتبرنا اخوانك واهلك مابتندم صدقني -ابتسم- يلا نامو ورانا كرف تصبحون ع خير -طلع وسكر الباب وراه-
دان : مستغرب موفاهم! لمح الضيقه بعيونه وقرب عنده حط يده ع كتفه
ايم : لف وجهه يخبي العبره اللي كاتمها بصدره وانفاسه فاضحته
دان : جلس جمبه ولف دقنه عليه يطالع عيونه- تكلم؟؟
ايم : مسك يده ونزلها بهدوء وغمض عيونه بقوه
دان : مد يده ورى رقبته وحضنه كأنه يقول انا معاك طلع كل شي بقلبك
ايم : "ياكبر حاجتي لهالحضن ابي اللي يفهمني يحس بي بسً مافي شخص كذا ؟؟ " بكى هالمره مشتاق ومحتاج ومكسور
حس انه خسران كثيير بحياته!
دان : شده ويمسح ع ظهره- اشش انت اقوى من كذا
ايم : دافن وجهه بكتفه وشاد ع تيشيرته- خايف!
دان : استغرب هالكلمه تطلع منه؟؟ - خايف من ايش؟
ايم : اخاف مااتوفق بحياتي ! خايف ربي يعاقبني اناا .. مااكرههم بس ! موقادر .. اسامحهم وربك غصب عني...
تخلو عني لمصالحهم نسوني كسرو قلبي محد مهتم والكل يلومني!
-
-