[ إكتفيت بِيّ ] الجزء الأول 1/2

[ البارت ٧٨ ]

-
-
فهد : اهلي يبوني اتزوج قبل اسافر بس مايمديني
ايم : طيب اخطب ولما ترجع وقت اجازتك تعمل زواج بسيط وتاخذها معك!
فهد : فكرت كذا بس متردد !
ايم : استخرت؟
فهد : ايه ! مرتاح بس خايف مسئوليه وغربه
ايم : توكل ع ربك لما ترجع تقرر
فهد : ان شاءالله خير ، ها نطلع؟
ايم : اي يلا عازمك ع اسكريم -يضحك-
فهد : -يضحك- وتسميها عزيمه؟
ايم : تحمد ربك ماعشيتك لوزين وربيع
فهد : ترى انا اللي دافع هاه!
ايم : غصب عنك ولا ناسي وعدك!!
فهد : -يضحك- عشان كذا جيت افك الوعد لا ابلش فيه برقبتي
ايم : -يضحك- يلا يلا باقي ساعتين
فهد : حاسبها بعد
-وصلوا عند الايسكريم وايم طلب لهم ع ذوقه-
فهد : طيب يمكن ابي شي ثاني؟
ايم : -يرفع حاجبه- يعني معرف ذوقك! اص تعال بوديك مكان احبه -يسحبه بيده-
فهد : -ماشي وراه ويضحك ع عفويته وبرائته كيف بيكون حاله لما يسافر! وصلوا لعند الصخور اللي جا عندها من قبل-
ايم : ترك يده ومشى يوزن نفسه لما وصل للأخير
فهد : مشى وراه وجلس جنبه- وين جايبنا
ايم : هالمكان جميل هادي وبعيد عن الناس -يتنهد-
فهد : همم صح هادي وحلو!
-سكتوا دقايق يتأملون البحر وكل واحد يسرح بتفكيره ، فهد يفكر بحال ايم كيف راح يكون شايف الفرحه والخوف بعيونه وشي عجز يفهمه ؟! ، ايم خايف من هالسفر وش بيكون بعده؟ من يوقف معاه وقت حاجته من يسمعه وينصحه ويعطيه الشور ؟؟ من يهمه اذا زعل او بكى ويقويه لما يضعف ؟؟ -
فهد : -طالع فيه- ليه ساكت؟
ايم : -ابتسم وطالعه- وانت ساكت!
فهد : -يحوس شعره- بكرا دوامك؟
ايم : -يعدل شعره- همم ايه ، فهد؟
فهد : لبيه!
ايم : ممم .. انا ....؟
فهد : ايش؟
-
-