[ إكتفيت بِيّ ] الجزء الأول 1/2

[ البارت ٢٥ ]

-
-
عند آيم : جاه اتصال استدعاء وراح لمكتب الشئون ..
السلام عليكم ..
الموظفه : وعليكم السلام ، اتفضلي حبيبتي بشو اقدر اساعدج؟
آيم : اتصلو فيني خبروني ان فيه شاغر بسكن الطالبات ؟
الموظفه : شو اسمج؟
آيم : اسمي ايمان سلطان ال***
الموظفه : هيه انتي صارلج فتره مقدمه اوراقج تفضلي ارتاحي وانا بييبلج الاستماره عسب تسجلين بياناتج وتقدرين من باجر تنقلين لهناك
آيم : -ابتسم- تسلمين اهه الحمدلله برتاح من الجلسه لحالي والمشوار - بعد دقايق جابت له الاوراق سجل كل بياناته واتصل بأبوه بلغه بالموضوع ورجع الشقه يجهز اغراضه-
-
دان : -جالس مع ربعه وجاه اتصال- ايوه ؟ ها خلص الموضوع؟؟ -ابتسم- تمااام يعطيك العافيه شكراً ..
-قفل الخط وظل مبتسم وسرحان بفونه-
سيف : هي شوبلاك؟ منو ماخذن عقلك
دان : ساكت ؟
رشود : خله لي -يرمي عليه الكاب-
دان : -عقد حواجبه- هييه شتبيي؟؟
سيف : انت اللي مب ويانه شكثر رمسناك مب حولنا
دان : ها ماسمعتكم
خالد : خلاص روقو خلونا مجتمعين بدون هواش
دان : اسمعوا فيه مفاجأه بكرا تعرفونها
نايف : قووول وش مفاجأته
دان : اص قلتلك بكرا لاتحن
سيف : صدق الله يعينكم عليه الحمدلله مو يالس اهني زود عن الشهر جان اتخبلت مثله -قام- اترخصكم انا ساير البيت -كلهم- : بحفظه ..
-
آيم : قضى يومه يرتب اغراضه وكان تاركهم بالشنط حتى مايتعب بالنقل اللي متوقعه بأي وقت .. رن جرس الباب ..!
.. من جاي الحين؟؟ -قرب عالباب- مين؟
.. : انا ابو ماجد افتحي يابنيتي
آيم : انحرج كان لابس برمودا وتي شيرت راح يركض ولبس اقرب جنز ورجع يفتح الباب - اهلا عمي حياك تفضل
ابو ماجد : هلا بنيتي اسف ماخبرتج قبل ابوج كلمني بخصوص الشقه قلت ايي اتطمن واشوف لو قاصرنج شي
آيم : يكثر خيرك ماتقصر ، الحمدلله موقاصرني شي وبكرا ان شاءالله العصر راح انقل للسكن يعطيك العافيه ماحصلت لي فرصه اشكرك عالمساعده
ابو ماجد : ولو ابوج صديق عزيز لاخوي الغالي
آيم : يطول بعمرك
ابو ماجد : يلا لازم امشي تامريني بشي؟
آيم : سلامتك ربي يحفظك
ابو ماجد : الله يسلمج اتحملي بروحج وادرسي زين ترى الشهاده سلاح يابنتي لاتضيع من ايدج
آيم : -ابتسم- ابشر لاتوصي
ابو ماجد : يلا فمان الكريم -طلع وسكر الباب وراه-
شخص كبير بالسن وغريب اول مره يتقابلون لكن اعطاه دافع كبييير انه يستمر وبقوه ويكافح حتى ياخذ الشهاده ..
انتهى اليوم وكلهم نامو وكل شخص يفكر في باكر ؟ -
-
-