[ إكتفيت بِيّ ] الجزء الأول 1/2

[ البارت ١١٦ ]

-
-
رن فون ايم وكان عالطاوله قدامهم .. وكلهم يطالعون بعض!!
دان : شاله شاف الاسم وحطه سايلنت رجعه مكانه
رشود : مابترد؟
دان : لا اذا صحى يشوفه بنفسه
خالد : من اليوم ورايح محد يتدخل بخصوصياته غير كذا انتبهو لكلامكم -طالع نايف- حتى القطات والمزح ركزوا شوي!
دان : ويلا دبرونا بالغدا نعسان والجوع ذبحني
خالد : قام يسوي باستا عالسريع تغدوا وكلهم دخلوا يرتاحون
دان : تطمن ع ايم حط وعدل لحافه وراح ينام
والكل نايم ، بعد ٤ ساعات ..
ايم : صحى من الكوابيس وحاس بعطش ومزاجه متعكر غسل وراح المطبخ شرب ماي وجلس عالكنب انتبه للفون سحبه وحصل اتصالات من ابوه وجدته! هممم اتصل ولا اسحب؟ مابين تردداته اتصل ع ابوه مالقى رد ، تنهد براحه وتمدد عالكنب
دقايق ورجع اتصل عليه فز وعدل جلسته ورد .. الو؟
سلطان : هلا كيفك ؟ وينك اتصلت كثير مارديتي كلموني الاداره خبروني باللي صار انتي بخير!
ايم : هلا ، الحمدلله كنت نايمه
سلطان : كيف صرتي الحين؟
ايم : ماعلي
سلطان : تنهد- كلمت جدتك واتفقت معاها امك ماعاد بتتصل عليك مره ثانيه او تجيك
ايم : ساكت -اللي سويته معاها صح ولاغلط!-
سلطان : معاي؟؟ ايم!
ايم : هلا قلت شي؟
سلطان : اقولك بعد كم يوم راح اخطب بنت صاحبي
ايم : ابتسم ع جنب- اها ربي يوفقك ويهنيك
سلطان : ابتسم- امين ، يلا بقفل الحين تبين شي؟
ايم : سلامتك ، وسلملي ع خاله نجاة -ضحك بخفيف
سلطان : ربي يسلمك يلا استودعتك ربي
ايم : قفل واشتعل قلبه ماهو عارف السبب هل كذبهم عليه ولا ايش؟؟ تعب من التفكير قام غرفته اخذ الباكت ورجع الصاله فاتح النافذه وبدأ يدخن بهدوء .. زقاره وثنتين وثلاث ! اكتفى طفى اخر وحده وجلس عالكنب ويضيع تفكيره بالتلفزيون ..
خالد : صحى غسل وجلس جمبه ومستغرب ريحة الدخان ويطالع الباكت عالطاوله! - هذا لمين؟
ايم : طالعه بتعب- حقي
خالد : اها! ماحب يجادله كان واضح مزاجه- طيب اكلت شي؟
ايم : هز راسه بلا
خالد : مسوي باستا بسخن لك منها -وقف رايح المطبخ
ايم : لاتسلم مومشتهي
خالد : لازم تاكل وتاخذ علاجك دان علمني انك نمت مااكلته
ايم : مومهم
خالد : لامهم خل عنك العناد -دخل المطبخ-
ايم : قام ودخل غرفته وانسدح غفى
خالد : طلع ماحصله! اففف عنييد -صب له عصير وجلس يتفرج ع فلم-
-
-