سكرتيرة و لكن

البارت الاول

البارت الاول

مع ظهور اول شعاع من الشمس و على صوت الحصرى يتلوا ما تيسر من سورة الكهف
تستيقظ بطلتنا وهى
حياة وهو تقوم  من النوم : انا اتخرجت ات خ ر ج ت عاااااااا
اتخرجت اخيرا واخذت تقف على السرير وهى تقفز عااااا اتخرجت اخيراااااا
سامية وهى تفتح الباب : اية يا مجنونة فى اية
اتخرجت يا ماما خلاص مفيش مذاكرة مفيش كلية مفيش صحيان الصبح بدرى كانت تقول وهى تمسك يد والدتها وهى تقفز
سامية : اهدى اهدى حبيبتي انا عارفة انك عندك برج واحد فى دماغك بس شكلة طار للاسف
حياة : ههههههههههه ماما انا هلبس و اروح اجيب فول وفلافل علشان نفطر صحى بابا و معتز عقبال ما اجى
سامية : طب صلى الاول وبعد كدة روحى الى انتى عيزاة
حياة : ماما حبيبتي روح قلبى انا بصلى الفجر حاضر ولا نسيتى
سامية بضحك : خلاص يا شعنونة انا هحضر السفرة عقبال ما تيجى
حياة : اوووك سلام يا مزة
سامية : بت عيب
ذهبت حياة لجلب فطار يشبع كما تقول و قامت سامية بايقاظ عبد الله زوجها و معتز ابن اخ عبد الله بعد ان توفى والداة فى حادث مروع
سامية وهى تقطع السلطة : اوعى تفكر انا عارفة انك مستخبى ورايا
معتز بضحك : وانتى عرفتى منين يا قطة
سامية بضحك : انا عارفة العيبك انت وحياة مش كبرتوا على الحاجات دى بقى
معتز وهو يقبل يدها : نكبر دة اية احنا هنفضل كدة دايما يا امى
سامية : ربنا يباركلى فيكم يا رب
حياة : اية دة اية دة اطلبلكم بوليس الاداب ولا اية
سامية : بنت بطلى قلة ادب مش عارفة بتجيبى الكلام دة منين
حياة / معتز : من السوبر ماركت
هههههههههههه
سامية : والله طب امشى انت وهى احسن اطلبلكم الكبير يتعامل معاكوا
عبد الله : مين بيجيب فى سرتى الصبح
سامية : شوف عيالك بقوا قليلين الادب ازاى
عبد الله : اة طبعا هشوف بس الاول عايز الفطار علشان اللحق صلاة الجمعة
سامية : من عينيا 5دقايق ويكون جاهز
حياة : يا موحنى اية عصافير الحب دول
سامية : بنت بطلى قلة ادب
معتز : ولا تزعلى نفسك يا ماما انا هريحك منها خالص
سامية : ايوة خدها و امشوا
حياة : كدة طيييب ماشى
بعد الاكل
حياة : ميزو تعالى
معتز : عايزة اية يا قردة
حياة : تعالى بس عيزاك
معتز : خير عايزة اية
حياة : احنا مش اتفقنا بعد ما اخلص كلية هتقدملى فى شركة
معتز : اة هشوفلك حاضر يومين كدة هظبط كل حاجة وارد عليكى
حياة : استنى بس رايح فين انا عايزة اختار الشركة انت نسيت ولا اية
معتز باصتناع:  نسيت اية
حياة : انى عايزة اتجوز صاحب شركة
معتز : حياة انتى مش كبرتى على الحاجات دى مفيش حد بيتجوز كدة
حياة بغضب : لا فى وانا هوريك هااة هتساعدنى ولا لأ
معتز : امرى لله هتعملى اية دلوقتي
حياة : بص انا عملت سيرش على جوجل ولقيت انسب شركات القاهرة الى تناسبنى 3 شركات هقدم فيهم و اشوف هتقبل فى اية
معتز : واشمعنا 3 دول بالذات
حياة : انا اقولك الشركة الاولى شركة فهد المنصورى شاب فى الثلاثين ومز
الشركة التانية مروان المهدى شاب فى اواخر العشرين لسة راجع من ايطاليا و محدش يعرف شكلة
الشركة التالتة صهيب الشريف فى منتصف التلاتين و قوى الشخصية
فهمت بقا ويا رب اتقبل فيهم
معتز : على العموم انا هحاول اشوفلك واسطة علشان تعرفى تتقبلى فى واحدة فيهم
حياة : وهو كذلك يا ميزو ربنا يباركلى فيك
ابتسم لها معتز وهو ينهض للذهاب الى الصلاة وفى سرة (يارب تحسى بيا وتحبينى زى ما بحبك )