البارت الثالث
صهيب : اتفضلى انسة حياة
حياة وهى تجلس برهبة : شكرا
اخذ ينظر فى ملفها بدقة كبيرة
صهيب : ملفك كويس بس خليكى عارفة انى مش بوظف حد عن طريق الواسطة لو ماسبتيش نفسك هتكونى خارج الشركة مفهوم
حياة وهى توما براسها : مفهوم حضرتك
صهيب وهو يضغط على زر بجانبة : تمام اتفضلى دلوقتي مع مدام سحر وهى هتعرفك كل حاجة
فى تلك الاثناء دخلت سكرتيرة صهيب مدام سحر : ايوة يا مستر
صهيب : عرفيها شغلها ومش عايز اى غلطة اتفضلى
نهضت حياة معها الى الخارج
حياة : هو الشغل صعب لانى اول مرة اشتغل
سحر بابتسامة : لا مش صعب هتتعودى علية بسرعة وسهولة
حياة : امال انتى هتمشى لية
سحر وهى ترتب الاشياء
: علشان جوزى اول ما عرف انى حامل وهو صمم انى ارتاح و متعبش نفسى
حياة بهيام : هيييييح ربنا يباركلك فيه يارب
امنت سحر على دعائها وشرعت فى تعليمها كل شيء
فى منزل حياة :-
سامية : يا ترى حياة عملت ايه اتصل بيها كدة يا حاج اطمن عليها
عبد الله وهو يشرب من كوب الشاى امامة : متقلقيش اوعى كدة يا ام حياة انتى عارفة البنت كبرت ولازم تخرج تعرف الدنيا
سامية : بس انا خايفة عليها يا عبدو
عبد الله : طيب يا ستى هتصل بمعتز يعدى عليها وهو راجع يخدها فى سكتة
سامية و تذهب الى المطبخ : طيب كلمة عقبال ما احضر الغدا يكونوا وصلوا
وبالفعل هاتف عبد الله معتز واتفق معة على اعادة حياة فى طريقة
سحر : كدا فهمتى كل حاجة فى اى حاجه عايزة تعرفيها
حياة و هى ترتب الملفات : لا كدة انا تمام انتى هتمشى امتى
سحر : بكرة علشان لو فى اى جديد راجعى كدة الملفات فى دماغك ولو فى اى حاجة عايزة اعيدها قوليلى
حياة : تمام
نظرت للمكتب وجدت زر يضى و يطفى حياة : بصى يا سحر اية دة
سحر : دة يا ستى معناها ان المدير عايزك ادخلى شوفى عايز اية
حياة بخوف وهى تشير الى نفسها
انااا
سحر وهى تدفعها : ايوة يلا
طرقت على الباب ثم دخلت بعد الاذن
حياة : ايوة مستر صهيب
صهيب وهو ينظر لها ويعطيها ملفات : الملفات دى تخلص فى اقل من ساعة عايزهم ضرورى
حياة بطاعة : حاضر يا مستر حاجة تانية
صهيب وهو لا ينظر لها : لا اتفضلى
خرجت حياة وهى تنظر لكم الملفات التى وقعت تحت يدها قالت فى سرها
(انتى الى وقعتى نفسك عاجبك كدة اشربى بقا 😤)
انكبت على الملفات حتى وجدت اتصال : مكتب مستر صهيب
صهيب : هاتى الملفات الى ادتهالك بسرعة
حياة : حاضر يا مستر
دخلت الى مكتبة بعد اخذ الاذن
حياة : الملفات يا مستر
اخذ صهيب الملفات وهو ينظر فيها ثم
فى عربية معتز :-
معتز : ممكن افهم بتعيطى لية دلوقتي
حياة وهى تمسح انفها : ملكش دعوة بيا
معتز وهو يعطيها المناديل
: يا بنت الناس بقالك ساعة بتعيطى فى اية
حياة وهى تبكى : ال ..... ال الحيوان اتعب واشتغل وفى الاخر دة جزاتى عاااااااا
معتز : طب ممكن تهدى قربنا نوصل وابقى كملى عياط فى الاوضة كدة ماما هتقلق
حياة وهى تكف عن البكاء وتمسح وجهها : خلاص بطلت بس والله مانا ساكتة هااة
وصلوا الى المنزل
سامية بفرح : حمد لله على السلامة يا حبايبى ادخلوا عقبال ما الغدا يجهز
حياة وهى تسلم على امها : الله يسلمك يا مزتى انا رايحة اغير هدومى
سامية : ماشى يا حبيبتى ادخلى ارتاحى
معتز : سوسو مفيش حمد لله على السلامة ليا ولا اية
سامية وهى تشدة من ايدة : حمد لله على السلامة المهم حياة مالها فى اية
معتز : براحة يا سوسو مالك شدانى زى المخبريين لية كدة على العموم يا ستى انا لسة معرفش بعد الغدا هعرف كل حاجة واقولك يا قمر انت
سامية : ماشى يا حبيبى روح غير هدومك عقبال ما الغدا يجهز
على الغدا :-
عبدالله : عملتى اية يا حياة النهاردة فى الشركة
حياة وهى تبتلع بصعوبة : الحمد لله يا بابا
عبد الله : طيب يا حبيبتى بعد الاكل ارتاحى شوية و تعالى عايزك
حياة : عايزنى فى اية
عبد الله بغموض : اما تيجى هقولك
حياة : ماشى
بعد الغد فى الصالون
معتز : احكيلى اية الى حصل بالظبط
حياة .....
فلاااش باااك
صهيب : اية دة وفين الباقى مخلصش لية
حياة بخوف من صوتة العالى : كنت بخلصة بس الوقت ضيق
ضرب صهيب على المكتب بصوت عالي وهو يقول غاضبا : يعنى اية الوقت ضيق انا عندى الى يخلص الضعف فى اقل من الوقت دى احنا هنا مش بنلعب دى شركة كبيرة الى زيك ميحلموش انهم يدخلوا اصلا مش تقعدى على مكتب
الملفات دى لو مخلصتش فى ظرف نص ساعة تعتبرى نفسك مرفودة فااااااهمة
اومات براسها وهى تركض الخارج وبعد نص ساعة
كان ينظر للورق : تمام الموضوع ده ميتكررش تانى وكل حاجة تخلص فى وقتها ثم رمى الاوراق فى وجهها وتركها تلمهم وتخرج منكسة الراس
-----------------
أنت تقرأ
سكرتيرة و لكن
Romanceكانت تظن ان كل ما هو مكتوب فى الروايات والقصص حقيقة لذلك سعت لتحقيقها ولكنها و جدتها مختلفة عن الواقع كثيراا فما هو رد فعلها الحقوق محفوظة للكاتبة لا يجوز النقل
