#قضية_45
ام احمد
السادس
جنت كلما احاول اصعد للسطح واعيش حياتي طبيعيه جانت الدنيا تكفخني وترجعني للقاع وكانما اكو اثقال برجليه كل يوم تزيد عليه واني اظل اغطس للاسفل واضل حبيس الماضي وذكرياته…
جنت عايز هموم بحياتي حتى تجي سما خانم وتظهر بيها وتگلبها الي گلاب وترجعني للماضي… ..
استمرت سما بزيارتنا باايام متباعده وتتعمد تجي من الصبح وهيه تعرف كلش زين ان ايهاب يجي الضحى للمطعم واول متدخل ترمقني بنظرة متعاليه واستخفاف شكد حاولت اجاهلها بس الي مثل سما مستحيل تتجاهله !جمالها ولبسها وحركاتها كلشي بيها يجذب ويخليني انقاد الها
هاي كيفيك
اهلا اتفضلي ايهاب يتاخر
اعرف
تشربين حاجه
قهوة اذا ممكن
عفتها ودخلت احضر الها قهوة كان طباخ يجي بالعشره يطبخ اما الريوك فجنت اني ادبره . وفجأة حسيتها ورايه
شجابج اهنا
ضجت برا وحدي
ممكن تطلعين ممنوع زباين يدخلون لهنا
الممنوع هذا منك لو من ايهاب (تحجي وهيه تباع عليه بنظرات مثيره وتتقدم نحوي)
انسه سما ممكن تطلعي من هون
خايف مني (صارت قريبه عليه كلش بحيث اذا اتحركت اطخ صدرها )صعد دم ليراسي
ليش انت تخوفين
انت شتكول ششوفني اخوف (قربها وترني واني اباع بعيونها وعل شفاها ممتلئ تبادلنا نظرات هيه نظراتها مبهمه غير مفهومه واني نظرات شاب لم يقترب من انثى ابدا مدت ايدها واخذت من عل ميز قطعه من حلوى واتعمدت ان تضعها بين شفاها حركاته كانت مثيرة جريئه… .
وراها خلت وراحت واني اموري كلها اتخربطت والقهوة فارت وانطشت عل طباخ ..
حاولت افهم تصرفها شتريد مني وهيه اذا صديقة ايهاب ليش هيج تسوي! ؟ ضليت اليوم كله افكر بيها شغلت فكري دخلت لكل مكان بجسمي ومشت بدمي ماا😔رف ليش اتعلقت بيها نستني همومي كلما تدخل للمطعم اضل اتامل بيها مااكدر اشيل عيني من عليها وهيه لاحظت هل شي اعجابي وانبهاري بيها رغم اني اشوفها ويه ايهاب ميانه ولا اثر عندي هل شي ابد عبالك نسيت اني رجل شرقي ولازم اكون اول رجل بحياة الفتاة كله رميته وره ظهري ومشيت وراها مثل اطرش واعمى…
بديت احس بالغيرة من ايهاب عليها وبااخص من يلزم ايدها كلشي تلخبط عندي افكاري مشوشه واحلامي كلها غموض وابنيه بالحلم جانت دومها مو واضحه الملامح ااتخربط كلشي حولي…
جنت باليل اعزل واروح عل مكاني اسطح وضل افكر بسما احس اني اعرفها او شايفها بس ذاكرتي مخربطه وقبل ماانام لازم تحل ذكرى امي وذكريات صعبه ومريره لازم انسحب للقاع واعيش بهل صراع
جنت كاعد اراجع دروسي وسمعت شي ادعبل من الدرج طلعت من غرفتي ركض شفت امي بنهايه الدرج كلها كدمات وجهه واكعه وجانت تنزف رحت عليها كمشت ايدي بقوة وكالت خلصني يمه منه مااريده بعد مااتحمله واغمى عليها
يمه يمه اصحي علي علي وينك امي راح تموت
من كمت عل حيلي جان والدي يم راس الدرج بالداخليات ووجه بيه اثار خرمشه ..
نقلناها لاامي عل سريع للمستشفى جانت حالتها صعبه ونزف هوايه جانت امي نهايه السابع من الحمل دخلوها صالة العمليات واني مااعرف هل والدي هيج سوه باامي اذا هو مراح ارحم بحاله ابد 👊..
وره ساعه طلعت دكتورة وكالت ان مريضه زينه بس فقدت هوايه دم وجنين ميت من جبتوها من البيت مجان بيه نبض الخبر وكع عليه مثل صاعقه اختي الي اني انتظرها ماتت بكل بساطه متحملت هل شي وهجمت عل ابويه واني اعيط ليش ليش هيجي سويت بيها ظل علي يفاكك ابينا واني نمت عل خوانيگه واصيح ليش ضربتها لاامي ليش هيجي بسببك فقدت جنينها
همام همام شبيك وخر ولك هذا ابوك
وخرني علي واني منهار ممصدك ان ابويه هيج يسوي باامي ..
ظلت امي يومين بالمستشفى منهاره بس تبجي وتتوسل بيه ان اخلصها من ابويه
همام همام بعد مااريد ارجع للبيت مااتحمل اباع بشكله مااطيقه همام وديني عل اهلي
يمه بعد انت بحمايتي مااخليه يلمسج ابد
اوف ربي خلصني وموتني مااريد ارجع اله يارب اخذ امانتك
يمه لاتدعين عل روحج وكتلج اقتله اذا لمسج !!
طلعنا من مستشفى واني فرشت لاامي بغرفتي وضليت اداري بيها بهل فترة والدي ابد مارجع للبيت كله يم اهله يبات وراها راح علي وجابه لاابويه واني وكعت عليه وسلمت بس امي ماطلعت من الغرفه طول ماهو موجود
حاولت احجي ويه امي ليش هيج صار بس هيه لزمت الصمت ورادت تروح عل اهلها بس اني كتلها احميج منه… انگلبت حياة امي راسنا عل عقب فقدها لابنتها دخلها بكآبه وصارت غير انسانه تماما وبدت تهملنا كلنا وماصارت تهتم حته لاامين حاولت وحاولت اغير من مزاجها بس هيه اقل شي جانت تنهار بالبجي وتظل تدعي عل روحها بالموت
جنت اخاف لا يوم وتنتحر لهذا جنت اراقبها هوايه وبديت كل خميس اخصصه الها واطلعها من البيت انفه عنها
يمه يمه مراح تحجين انت ليش هيجي تكرهين ابويه
اوف همام شراح تفتهم انت هاي 19 سنه اني عايشه وياه وجوده وعدمه نفس الشي بس من تصير حاجته يذكر اكو مرا عنده ويجي ياخذ حاجته مثل بهائم اوف همام ابوك حيوان حيوان حتى بعشرته ويايه محسسني اني حيوانه مو بشر عنده لايوم حسسني اني انسانه عندي مشاعر واحتياجات وكل هذا ساكته وقابله بس والله بعد مااكدر اتحمله بزعت منه كرهته مو باايدي همام مو باايدي اعرف هو ابوك بس اني بعد مااطيقه
يمه انت ضلي علمودنا مو اله ترجعين وياه بالغرفه
همام يجي يوم وتعرف ابوك شكد جان حيوان
يمه كافي
صار وليدي بس اني ماارجع اله لو امووت
براحتج…
أنت تقرأ
#قضيه 45
Mystery / Thrillerترقبوا قصتي الجديده قضية 45 ان شاء الله تعجبكم مثل القصص الي قبلها وطبعا القصه حقيقيه وصاحبها انسان عصبي فوول كوه اتحملت لوما قصته حلوه جان من اول يوم گتله الله وياك المطلوب منكم حبايبي علكيفكم وياه هذا مو غزوان ويتحمل حجيكم لا ترا يزعل وينسحب وميقب...
